الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الأحد 7 مارس - 22:13
ElBob& كتب:
انت يا عم ميجو نزل الحلقة الجاية بسرعة يلا عشان كده مش هينفع خالص الناس وانا عايزين نعرف امانى دلوقتى هتموت ولا هتعمل ايه
اوك يا بوب تاااااااااااااااابع انت بس
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الأحد 7 مارس - 22:36
الحلقة الرابعة ـــــــــــــــــــــــــ
تاني يوم الصبح راح احمد لمحمد علشان يروحوا الكليه سوا و اتقبلوا في نص الطريق كالعاده و بدا الحوار بينهم
احمد: انت ياض انت مش قلتلي استناني بكره في الجامعه و انت بتوصل اماني بكر انت و مني ايه الي حصل شبكت مع مني و بعتني و لا ايه؟
محمد: تصدق ياض انت حتت جزمه
احمد: في ايه يالا
محمد: اه و ربنا انا لا شبكت مع مني و لا مع اي حد احنا وصلنا اماني بكر للبيت لحد باب الشقه امها قبلتنا و
اتكلمنا اقتباس
ماما اماني: ايه ده بنتي مالك في ايه ايه الي حصل يا ولاد ادخلوا ادخلوا مالك يا اماني
محمد:
اهدي يا طنط مفيش حاجه هي كويسه
ماما اماني: كويسه ايه يابني مالك يا اماني في ايه احكولي يا ولاد في ايه هي مالها ايه الي جرالها احمد له علاقه
بالموضوع ده
محمد: احمد هو حضرتك عارفه الموضوعظ ايوه له علاقه
ماما اماني: هو انت محمد صحبه؟
محمد: ايوه انا و بم ان حضرتك عارفه الموضوع كله انا هحكيلك
محمد: و حكيتلها كل حاجه حصلت بالتفصيل الممل
احمد: و بعدييييييييين يخرب بيت ده موضوع و بعدين ايه الي حصل؟
محمد: هحكيلك يا خويا بعد ما حكيتلها الحوار كله قالت
اقتباس محمد: بس ده الي حصل و طلعنا من المحاضره لقيناها كده فجبتها انا و مني في تاكسي
ماما اماني: لا حول و لا قوه الا باللهفوقي يا اماني فوقي يا حبيبتي هي مش بتنطق ليه.... سكته ليه اتكلمي .......... لا الازم نروح للدكتور
مني: احنا معاكي اهو ننقلها مستشفي
محمد: يالا انا هروح اجيب تاكسي
احمد: يا نهار اسود و بعدييييييين يا جدعان و ربنا ما ليا ذنب هو انا مالي بس ياربي انا حبيت واحده تانيه من قبل ما اعرف انها بتحبني......... هاااااا قول ايه الي حصل
محمد: و انا قلتلك انك غلطان؟
احمد: اصل بدات احس بالذنب تجاها بس لو علقتها بيا ممكن اجي وقت و مقدرش اكمل و سعتها ابقي ظلمتها بجد
محمد:
انت صح.......... المهم ركبنا التاكسي و طلعنا علي المستشفي و كشفوا عليها
محمد: مش عارف بس لو رحت و حالتها باظت اكتر سعتها بس هتحس بالذنب فعلا و سعتها هتبقي انت السبب
احمد: ربنا يستر نخلص النهارده و نروحلها لازم اروح لاااااااازم
و وصل احمد و محمد للكليه و احمد قابل مني برده الي بدات تحكيله الحوار قلها ان محمد حكالها مني: شوفت الي حصل
احمد:عرفت محمد حكالي انا هروحلها بعد المحاضرات
مني: تروح فين يحرقك
احمد: اسكتي خالص مش عايز اسمع صوت و مش عايز حد يعرف انها تعبانه لحد لما اروحلها انا خلاص؟
مني: طب براحه و لو حد سالنا عليها
احمد: يلعن ابو الغباء اكيد مش تعرفي عنها حاجه
مني: طيب خلاص انت بتشتم ليه دلوقتي
محمد: مني تعالي........ هو حاسس بالذنب و تعبان رغم انه مفيش حاجه في ايده هو بيحب واحده تانيه متزعليش منه
مني: حاضر يا محمد مش زعلانه خلاص يالا الدكتور دخل
و فضل احمد طول المحاضرات بيفكر هيقولها ايه بس هو ماله طيب هو بيحب واحده تانيه قلبه اتعلق بواحده تانيه مش بايده يحب الي بتحبه و ميحبش الي مش حسه بيه الحب مش بايد حد و لا لينا تحكم فيه و لو كان وافقها علي حبها ليه يبقي هيظلمها لانه هيجيله وقت و ميقدرش يكمل و الجرح دلوقتي اكيد هيبقي اهون بكتييييييير من الجرح بعد كده لازم يروح يكلمها يقنعها يقولها انه ملوش ذنب يقولها انه بيحبها بس زي اخته مش اكتر و يتمنالها حياه سعيده مع واحد بيحبها بجد مش هو لانه بيحب واحده تانيه هيبقي بجسده معاها و قلبه مع واحده تانيه خالص مينفعش مينفعش خالص.
و قعد احمد كده طول المحاضرات سرحان مهموم بيفكر هيقول ايه و كل شويه محمد يبصله يلاقيه في دنيا تانيه ملهوش علاقه بالي بيتشرح و يبص لاماني عادل و يقولها لولاكي مكنش في مشكله حصلت خالص.
خلصت المحاضرات و احمد و محمد قرروا يروحوا لاماني بكر المستشفي ووقف احمد و محمد و مني ادام المدرج الي كانوا بياخدوا فيه المحاضرات
احمد: استني اكلم مجدي الاول
محمد: اه صحيح هو في ايه بقينا بدل ما من الكليه للبيت بقينا من الكليه للمستشفيات
مني: ههههههههههههههههههههه مش هندسه لازم مستشفيات و طلبه تتعب هي دي الهندسه
قطعتها اماني عادل الي كانت طالعه من المدرج لسه و شافتهم
اماني عادل: احمد عايزه منك خدمه
احمد: اهلا اماني اذيك ايه انتي تؤمري
اماني عادل: محاضره التكامل الي فاتت مش فهماها خالص
احمد:
خلاص ماشي بكره هتيهالي و انا هزاكرها علشان لسه مش زكرتها و اشرحهالك
اماني
عادل: خلاص ماشي
احمد: انتي مروحه دلوقتي؟
اماني عادل: اه هقعد مع امال و مني شويه و هنروح كلنا
احمد: ماشي هستناكي بكره بقي تعالي بدري علشان تحجزي معايا بقي
اماني عادل: ان شاء الله ....... يالا يا مني
مني: يالا يا ختي امال فين
و مشيوا بعيد يكملوا كلامهم و اتصل احمد بمجدي
احمد: ايوه يا مجدي ......... تمام ايه الاخبار عندك.......... ايه بكره خلاص ؟.......... طب تمام هنكون عندك بكره ان شاء الله مش هنعرف نجيلك النهارده علشان في ظروف كده........... بس ياااااض بلاش الكلام
ده........... ماشي يا جميل عايز اي حاجه؟............. ماشي محمد بيسلم عليك........... يالا خد بالك من نفسك بقي.......... اكيد ان شاء الله يالا
سلام
و كان احمد و محمد بيتمشوا علشان يخرجوا من الكليه و احمد بيكلم لحد لما خرجوا بره و مستنيين ميكروباص يركبوه لمستشفي اماني
محمد: هو ايه الي بكره؟
احمد: والده هيعمل العمليه بكره
محمد:طب تمام ربنا يستر
احمد: يارب يالا بقي اركب الميكروباص ده يالا
و ركبوا و راحوا المستشفي الي فيها اماني بكر و كانت امها هناك
ماما اماني: اذيك يا محمد
محمد: اذيك انتي يا طنط ده احمد
ماما اماني: احمد؟ انا اسفه بس انت جاي ليه؟
احمد: انا عارف ان موقفي صعب بس صدقيني يا طنط مش بايدي انا مش حابب اظلم اماني معايا و انا بحب واحده تانيه مش عايز اضحك عليها و اعلقها بيا اكتر و في الاخر اجرحها معايا
احمد: اشوفها بس هكلم معاها و انتي هتبقي موجوده و هتسمعي كل كلمه بقولهالها
ماما اماني: اتفضل ادخل
كانت اماني نايمه علي السرير محدش عندها غير والدتها و بس استغربت لما لقت احمد داخل عليها مع مامتها و قامت علي ايديها و سندت ظهرها علي السرير و بصت لمامتها و لاحمد و بعدين بصت لنفسها و هي بتسال روحها هو جاي ليه ؟
قعد احمد ادامها علي السرير و بصلها و بدا يكلم
احمد:اماني انا عارف انك مستغربه اني جيت هنا بس انا جيت علشان مينفعش اشوفك تعبانه و انا السبب و اسكت......... يا اماني افهميني و براحه بالعقل زي ما كنا بنتكلم كل مره......... انا مليش ذنب خالص انا قلبي حب انسانه و حبها اوي انا مش قادر اقولها و لا اعرف حقيقه شعورها ليا بس برده بحبها و مش بمزاجي لو الحب بمزاجي و الله كنت حبيتك انتي.......... محدش بيلاقي حب زي حبك ده بسهوله بس الحب مش بايدي فاكره زي ما كنت بكلمك و بقولك صح؟
حركت اماني دماغها بتقوله ايوه و بصت في الارض و دمعت عينيها بدمعتين مش عرفت تكتمهم زي باقي الدموع الي كتماها جواها مد احمد ايده و رفع راس اماني لحد لما بصتله في عينه و كانت مليانه دموع عتاب و حزن شديد اوي و مسح دموعها بايده و بصلها في عينيها اوي
احمد: لا مش تعيطي و لا تدمعي انا مستهلش منك كل الدموع دي انا مقدرش الومك علي انك حبتيني بس انا كمان حبيت و مش خدعتك يا اماني يعني كان الصح اني مش اجرحك و اقولك اوكي بحبك و في الاخر اكون معاكي بجسدي و قلبي مع واحده تانيه؟
حركت اماني براسها لا و شاورت باديها عايزه قلم وورقه و كتبتله انا عارفه ان مش بايدك بس انا من حقي ازعل لاني حبيتك انت و بس و مكنتش اتخيل انك بتحب واحده تانيه
احمد: انا عارف طبعا بس انا مقدرش اشوفك كده مقدرش اشوف دموعك دي و اسكت مبقاش انسان يا اماني....... انتي من حقك تزعلي بس في اولويات غير الحزن ده .......... زي دراستك زي حياتك انا مش بقولك جمدي قلبك لا بس مش لدرجه انك توصلي للي انتي فيه ده
كتبت اماني علي الورقه معلشي شويه و هروق بس علشان خطري خد بالك من نفسك و من اماني عادل و حاول تقولها علي حبك ده و متقلقش عليا
احمد: وعد يا اماني انك تقومي بالسلامه لو مش علشان خطري علشان خاطر والدتك الغلبانه دي الي ملهاش غيرك
احمد: قومي و كلي و بطلي عدم الاكل ده استني انا هستغل فرصه اني هنا
رن احمد علي الممرضه الي جات
احمد: بقولك ايه هتيلي هنا اكلها من امبارح و هتاكله هاتي اكل علي اد ما تقدري
الممرضه: ده انت لو اكلتها تاخد جايزه نوبل انا تعبت منها من امبارح
احمد: هاتي الاكل بس
و
بص لاماني
احمد: اماني هتكلي و حيات غلوتي عندك لتكلي
كتبت اماني علشان غلاوتك عندي اعمل اي حاجه انت عايزها
احمد: خلاص تكلي كل الاكل الي هجيبه الممرضه
كتبت اماني اه و اتخن بقي و ملقيش عريس يتقدملي صح ؟
قرا احمد الجمله بصوت عالي و كل الي في الاوضه ضحك بصوت عالي احمد و محمد و ماما اماني و اماني نفسها ابتسمت
ماما اماني: ياستي كلي انتي و انا اجيبلك مليون عريس
احمد: يالا الاكل جه اهو كلي بقي ها و انا بكره هروح لمجدي لان ابوه هيعمل العمليه بكره ادعيله بقي و هتصل بيكي عايز اسمع انك اتكلمتي علشان خطري لما اشوف ليا عندك خاطر و لا لا
حركت اماني راسها بتقوله ماشي حاضر و كلت الاكل و كان احمد الي بياكلها بايده و قوموها غسلت ايديها و خدها احمد يتمشوا شويه في المستشفي
احمد: خلاص يا اماني علشان خطري فوقي بقي انا بتعذب مش قادر اتخيل اني اظلم واحده بس و الله مش بايدي
راحت وقفت اماني و حطت ايديها علي بق احمد بتقوله خلاص و مسكت ورقه كانت في جيبها و كتبت مش تقلق عليا انا المهم عندي انت تكون مبسوط
احمد: و انتي كمان لازم تكوني مبسوطه و انا هبقي مبسوط طول ما انتي مبسوطه
ابتسمت اماني و بدات تروح ناحيه اوضتها ووداها احمد و خرج احمد و محمد علشان يروحوا بقي و راحت توصلهم لحد السلم ماما اماني
ماما اماني: احمد بجد انا مش عارفه اقولك ايه انا بشكرك اوي علي الي عملته ده و ربنا يوفقك في حياتك
احمد: لا ابدا و لو في حاجه اتصلي بيا علطول هتلاقيني عندك و انا بكره هكلمها اطمن عليها و هي وعدتني اني هسمع صوتها بكره
ماما اماني: يارب
محمد: ان شاء الله مش تقلقي يا طنط يالا سلام
ماما اماني: سلام لما تروحوا رنوا بقي طمنونا
احمد: ماشي حاضر لما اوصل هكلمك اطمن عليها
و ركب احمد و محمد ميكروباص و روحوا سهر احمد اليوم ده بيفكر في الدنيا الواحد بقي بيحب الي مش بيحبه و ميحبش الي بيحبه بس مش بايده هو ده الحب هو المتحكم في القلب مش العكس و راح اتصل بوالده اماني
الجنس : العمر : 34 عدد الرسائل : 2672 تاريخ التسجيل : 19/04/2009 المزاج : الحمد على كل شىء
موضوع: رد: مشوار حياه الإثنين 8 مارس - 13:10
ايه الحلاوة دى بس انا طلعت باسم حلو تسنيم هنكمل ولا ايه حلقة جامدة
ICE.PRINCESS تويستراوى ماسى
الجنس : العمر : 33 عدد الرسائل : 2753 تاريخ التسجيل : 28/10/2009 المزاج : الحمد لله
موضوع: رد: مشوار حياه الإثنين 8 مارس - 17:01
حلوة اوى واثر فيا الجزء ده اوى...احمد ده حنين وابن حلال وخساره البنت كانت بتحبه اوى بس هو نصيب اهىء اهىء اهىء :Cry: كمل بقى يا ميجو الحكايه حلوة اووووووووووى ..
nour Elgana تويستراوى ذهبى
الجنس : العمر : 34 عدد الرسائل : 1258 تاريخ التسجيل : 05/01/2010 المزاج : الحمد لله على كل حال
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الإثنين 8 مارس - 18:05
ElBob& كتب:
ايه الحلاوة دى بس انا طلعت باسم حلو تسنيم هنكمل ولا ايه حلقة جامدة
ان شاء الله الحلقه التانيه قريب يا بوب
وشكرا لمتابعتك معايا
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الإثنين 8 مارس - 18:06
yoyo.amera كتب:
حلوة اوى واثر فيا الجزء ده اوى...احمد ده حنين وابن حلال وخساره البنت كانت بتحبه اوى بس هو نصيب اهىء اهىء اهىء :Cry: كمل بقى يا ميجو الحكايه حلوة اووووووووووى ..
اه فعلا نصيب
ان شاء الله الحلقه الجايه تبقى احداثها حلوة
وشكرا لمتابعتك يويو
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
الجنس : العمر : 33 عدد الرسائل : 2205 تاريخ التسجيل : 06/10/2009 المزاج : الحمد لله على كل حال
موضوع: رد: مشوار حياه الإثنين 8 مارس - 20:14
راااااااااااااااااااائعة ومشوقة جدااااااااااااااااااااا بانتظار الباقى على نااااااااااااااااااااااااااااار
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الإثنين 8 مارس - 21:59
شكرا لمرورك الاول بجد ومبسوط انك بدأتى تتابعى
انتظرى المزيييييييد
romancia w bs تويستراوى عادى
الجنس : العمر : 33 عدد الرسائل : 128 تاريخ التسجيل : 23/12/2008
موضوع: رد: مشوار حياه الثلاثاء 9 مارس - 14:49
حلقه جميله بجد ميجوو
ومنتظره الحلقه الجايه
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الثلاثاء 9 مارس - 15:46
ان شاء الله يا رومانسيه
هنزلها قريب ان شاء الله
تابعى
katy تويستراوى ذهبى
الجنس : العمر : 35 عدد الرسائل : 1656 تاريخ التسجيل : 14/03/2009 المزاج : مروق
موضوع: رد: مشوار حياه الثلاثاء 9 مارس - 18:20
لا حلوة يا ميجو
كمل مستنين كل جديد
معاك للاخر
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الثلاثاء 9 مارس - 22:03
شكرا لمتابعتك كاتى
وانتظرى المزيد
يولندا تويستراوى ذهبى
الجنس : العمر : 33 عدد الرسائل : 1945 تاريخ التسجيل : 01/02/2010
موضوع: رد: مشوار حياه الثلاثاء 9 مارس - 22:51
جميلة يا ميجو
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الثلاثاء 9 مارس - 22:52
تسلمى يولنداا
تاااااابعى
♥ miigoOo ♥ Admin
الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الثلاثاء 9 مارس - 22:53
الحلقة الخامسة ـــــــــــــــــــــــــ
نهايه حب
يومين و رجعت اماني بكر للكليه تاني و قالت لاصحابها الي مش يعرفوا موضوع حبها لاحمد انها كانت تعبانه شويه من ضغط في البيت بسبب مشاكل خاصه و اتنقلت المستشفي و مكنتش قايله لحد علشان محدش يقلق عليها.
اليومين الي قعدتهم اماني قبل ما تروح الكليه فكرت في كلام احمد و اد ايه هو بيحب اماني عادل و اد ايه هو مش قادر يستغني عنها و علشان هي بتحبه و يهمها سعادته فكرت تدوس علي قلبها و تنسي حبها له و تقربه من حبيبته الي حبها قلبه تحاول تشوف رد فعلها ايه لما تعرف انه بيحبها و هل هي كمان بتحبه و لا لا و قررت انها تواجه اماني عادل من ورا احمد و تشوف رد فعلها ايه.
بعد كام يوم من بعد ما رجعت اماني بكر للكليه قررت انها تكلم اماني عادل في موضوع احمد علي انها حست الحب في عينيه و تشوف رد الفعل و فعلا بعد المحاضرات راحت لها كانت قاعده في المكتبه لوحدها مستنيه امال هتحضر سيكشن هي مش عايزه تحضره وقفت اماني بكر جنبها و بدات تكلمها
اماني بكر: اماني اذيك اخبارك ايه
اماني عادل: انا تمام ايه مش حضرتي زيي؟
اماني بكر: ما انتي عارفه انا بحضر مع مجموعه محمد مع معيد تاني مش فاكره و الله اسمه ايه بس شرحه اجمد بكتير
اماني عادل: اه عرفاه احمد قالي عليه مره بس برده مش فاكه اسمه ايه
اماني بكر: اه بمناسبه احمد ايه اخبارك معاه؟
اماني عادل: مش فاهمه يعني ايه ( و هي مستغربه من السؤال)
قعدت اماني بكر جنبها و قالتلها
اماني بكر: يعني العلاقه بينكم ايه اخبارها؟
اماني عادل: في ايه يا اماني انا مش فاهمه حاجه
اماني بكر: اصلي يعني حسه انه مهتم بيكي و بيحبك (كانت بتطلع الكلام بالعافيه و خايفه من رد الفعل و قلبها بيتقطع و هي بتخطب لحبيبها و دموعها خلاص هتنزل منها)
اماني عادل: اااااااااه و هو بق الي بعتك علشان تقوليلي كده صح ؟ انا ليا معاه كلام تاني
كانت اماني عادل بتزعق في الجمله دي نسيت انها في المكتبه فواحده من العاملين في المكتبه قلتلها توطي صوتها او تطلع تتخانق بره
اماني بكر: يابنتي اهدي و لا بعتني و لا يعرف اصلا اني بكلمك في الموضوع ده بس صدقيني انا بنت و عارفه احمد بيبحبك اوي
اماني عادل:بصي يا اماني احمد بالنسبه ليا اخ مش اكتر او زميل او صديق اعتبريها اي حاجه لكن انا مش بفكر في حب دلوقتي خالص انا اهم حاجه عندي دراستي و بس
اماني بكر: بس مش بالسهل انك تلاقي حب بالشكل ده
اماني عادل: حب في الوقت ده اكبر غلط احنا لسه طالعين من ثانوي يعني لسه عيال و هو يقدر يجيبلي ايه علشان يحبني ده لسه طالب
اماني بكر: الحب مش بيتقاس كده يا اماني
اماني عادل: ده لما يكون حب من طرفين
اماني بكر: قصدك ايه؟
اماني عادل: قصدي ان حبه ده حب من طرف واحد انا مستحيل احب دلوقتي انا مش فاضيه
اماني بكر: طب براحه دي كانت حاجه انا شفتها و جيت اقولك عليها عموما انا ماشيه علشان عليا سكشن سلام
اماني عادل: سلام
راحت اماني لمحمد الي كان قاعد مستني السكشن مع احمد
اماني بكر: محمد عايزاك ضروري
محمد: طيب تعالي
احمد: في ايه
اماني بكر: معلشي يا احمد هقول لمحمد حاجه
احمد: ماشي و لا يهمك
و مشي محمد و امناني بعيد شويه
محمد: اماني في ايه قلقتيني كده احمد هيشك انها حاجه تخصه
اماني بكر: ما هي كده فعلا
محمد: نعم ؟ انتي لسه بتفكري في الموضوع ده
اماني: لا انا كلمت اماني عادل عليه و شفت رد فعلها
محمد: يخرب بيت كده و النتيجه
اماني: احمد بالنسبه لها صديق او اخ لكن عمره ما يبقي حبيب و هي و لا بتفكر في حب
محمد: اماني بلاش حبك لاحمد يخليكي تقولي كده
اماني: و حيات ربنا ابدا انا المهم عندي دلوقتي سعاده احمد و علشان جيت اقولك علشان يبعد عنها
محمد: امممممممممممممممممم ربنا يستر بقي ده قال لمني تكلمها
اماني: يالهووووووووووووووووي هتاثر عليه اوي و الامتحانات خلاص كمان اسبوع و نص خليه يبعد دلوقتي
محمد: اتاخرتي يا اماني
اماني: ربنا يستر بقييييييي
محمد: يارب يالا بقي نرجع
اماني: هتقول لاحمد ايه و انا كلمتك في ايه
محمد : هتصرف هو غالبا مع مني دلوقتي علشان بيقولها هتقول ايه
اماني: يا ربييييي
و فعلا احمد سعتها كان مع مني بيقولها هتقول ايه لاماني عادل الي كانت قاعده في المكتبه و مني رحتلها هناك
مني: اذيك يابت عامله ايه حد يقرا دلوقتي بالذمه؟
اماني عادل: هههههههههههههههههه اهو تسالي
مني: ههههههههههههههههههههه تعالي هنا عايزاكي في موضوع
اماني عادل: هو انا بقيت بؤره الاحداث و لا ايه
مني: هههههههههههههههههههههه ليه يا ختي
اماني عادل: لسه اماني بكر قيلالي نفس الكلمه
مني: اشطه بقولك ايه ايه رايك في احمد
اماني عادل: هو احمد نشر الخبر في الجامعه كلها و بعت الجامعه تكلمني شويه اماني و شويه انتي
مني: لا هو قالي انا بس و جيت علشان اقولك ان احمد بيحبك جدا و بجد نفسه يرتبط بيكي
اماني عادل: و انا مش عايزه ارتبط و بصراحه كده انا مرتبطه من بره الكليه
مني: يعني مفيش امل؟
اماني عادل: ايوه مفيش امل
مني: طيب سلام
اماني عادل: سلام
و زي ما وقع محمد في موقف ازاي يقول لاماني بكر زمان ان احمد مش بيحبها احتارت مني ازاي تقول لاحمد الي سمعته من اماني عادل موقف في قمه الصعوبه
تاني يوم استني احمد مني و اول لما جات حكتله الحوار كله
احمد: ايه مرتبطه ازاي و امتي؟
مني: هي الي بتقول
محمد: انا كنت عارف قبل ما تقول لمني بساعه واحده بس بس خفت اقولك
احمد: يبقي اماني بكر الي قالتلك
محمد: حاولت تكلمها علشان عايزه سعادتك و عارفه انها هتكون معاها هي لانك بتحبها بس اتصدمت زي مني بالضبط
مني: احمد احنا داخلين علي امتحانات اهدي دلوقتي
احمد: اطمني يا مني انا متماسك جدا مش تقلقي يكفيني اني عرفت مين بيحبني و مين لا الي خايف منه شماته اماني بكر فيا الي عملته فيها بيتعمل فيا
كانت اماني بكر جايه وراهم و سمعت كلام احمد
اماني بكر: احمد (التفت احمد لها مكنش متوقع انها وراه) انا عمري ما اشمت فيك و انت مغلطش فيا علشان اشمت فيك انت بالعكس مش رضيت تجرحني المهم دلوقتي زي ما كنت بتقولي فوقي انهت كمان تفوق و تهتم بدروسك
احمد: ان شاء الله
و كله روح و كان ده اخر يوم في الدراسه علشان اجازه الامتحانات و احمد حاول يتناسي الموضوع علي الاقل لحد لما تنتهي الامتحانات علي خير و فعلا جات الامتحانات و كان احمد و محمد يباتوا مع بعض ليله الامتحان و يصحوا الصبح يصحوا مني و امال و اماني بكر معاهم و ينزلوا يروحوا سوا و يتقبلوا كلهم في الكليه و كان طبعا اللام بين احمد و اماني عادل منعدم تقريبا الشئ الي استغربله كل الي يعرفوهم و ميعرفوش حكايه رفضها لحبه لها.
خرج احمد من الامتحانات و كانه كان بيستني تخلص علشان تتجدد احزانه و يفتكر كل الي راح منه و كل الي حصله حاول مجدي و محمد يقفوا جنبه و يهونوا عليه و لكن احمد كان بيتعذب اوي لانه كان بيحبها اوي لدرجه انه عرف انها بتيجي الكليه راحلها مره و اكتفي انه بصلها اوي و عينيه دمعت و مشي راح يقف علي النيل و اتصل بمحمد قاله انه هناك و راحوله محمد و مجدي لقوه واقف علي سور الكورنيش في شارع النيل
مجدي: احمد مقلتش ليه انك جاي هنا
محمد: احمد انت بتعيط؟ في ايه يالا
احمد: انا تعبت
محمد: تعبت من ايه في ايه انطق
احمد: في اني بحبها و ربنا بحبها
مجدي: و هي مش بتحبك بتحب غيرك
محمد: استني يا مجدي .......... و اخرتها يا احمد
احمد: معرفش انا النهارده رحت الكليه لمجرد اني اشوفها شفتها و مشيت و انا هنا من الصبح
محمد: و بنا انت بتستهبل يابني انا عارف انك بتحبها بس و بعدين ده حب من طرف واحد هتستسلم يا احمد؟
احمد: مش هستسلم بس انا قلبي مش علي زرار اضغط عليه انسي الجرح لسه معلم؟
مجدي: يابني احنا مقدرين بس ساعد نفسك شويه تعالي بس نقعد و نكمل كلامنا.......... اقعد بس كده و اهدي احنا عارفين انك بتحبها بس طب و بعدين؟ هتفضل كده من غير ما تداوي جرحك و لا انت ناوي تزوده
احمد[ندعوك للتسجيل في المنتدى أو التعريف بنفسك لمعاينة هذه الصورة]بص في عين مجدي اوي و كان وشه كله فيه قوه غريبه ) لا يا مجدي ( و بص لمحمد) لا يا محمد ( و بص للنيل) انا مش ضعييييييييييف انا مفيش واحده تقدر تخليني اتعذب لو علي قلبي هدوس عليه بالحزمه القديمه و مش هحب تاني كفااااااااااايه اوي الي حصل ( و حط وشه في الارض و هو بيكتم دموع عينيه بصعوبه)
محمد: ماشي بس علي فكره انت مشفتش حاجه دي مجرد تجربه و عدت ممكن بقي تقوم تروح انت من 10 الصبح هنا و الساعه دلوقتي 10 بليل اهي يالا بقي نروح
احمد: طيب يالا
و روحوا كلهم و كانت اجازتهم كده مره عند احمد في بيته مره عند محمد مره عند مجدي و اخر اليوم كلهم يروحوا و احتمال احمد يبات عند محمد او العكس لحد لما مرت الاجازه و بدات سنه اولي و كان احمد متخصص كمبيوتر و محمد و اماني عادل هندسه طبيه و اماني بكر ميكانيكا و مني مع احمد كمبيوتر و مجدي دخل كهربا باور مع امال.
كان احمد بيحضر محاضراته في القسم بتاعه و ياخد مني و يطلعوا علي محمد و بعدين يطلعوا علي امال و مجدي و تكون اماني بكر راحتلهم عند مجدي و يتقبلوا سوا و يروحوا سوا كلهم و مرت سنه اولي هاديه جدا مفهاش اي جديد اكتر من ان الشله بدجل ما كانت مجموعه واحده اتفرقت في الاقسام بس برده مازالوابيتجمعوا بعد المحاضرات.
و خلصت السنه و كالعاده نجحوا كلهم بتفوق و جات سنه تانيه و كانت اسوا سنه تمر علي احمد في حياته كلها كان التيرم الاول مر عادي جدا بعدين جه التيرم التاني علشان تحصل لاحمد اكبر ماساه في حياته
في اول اسبوع في الدراسه خرج احمد و محمد خروجه كعادتهم كل يوم جمعه يخرجوا كانوا راكبين ميكروباص و كان الراجل بيلم الاجره
السواق : في واحد كده مدفعش
راكب: الاجره كام ياريس
السواق: جنيه و نص ياباشا
راكب: جنيه و نص ليه انا بركبها بجنيه
السواق: لا و الله هي الاجره جنيه و نص و انت تدفع تلاته
راكب: نعم يا ........ ليه ؟ ( علشان الرقابه بس ما هو بيتكلم مع سواق)
السواق : يا الله علي ام ده يوم مش هيعدي عليك علي خير
راكب: نععععععععععععععععم هات اخرك و وريني روحك
ركن السواق العربيه و نزل الراكب و طلع مطوه نزل احمد يحوش
محمد: احمد استني
احمد: استني ياعم انت لما نشوف اخرتها ايه عايزين نروح
السواق : عايز ايه بقي
راكب : عايز اخلص عليك( و هو بيطوح المطوه في وش السواق الي طلع الكريك و هيبدا الضرب)
وقف احمد في النص اهدوا يا جدعان راح زقه الراكب علي جنب
راكب: يا اخي اوعي بقي شويه
لقي احمد نفسه في نص الطريق و عربيه جايه بسرعه جدا عليه ده كان اخر حاجه فكرها احمد قبل ما يفوق في المستشفي و يلاقي والده ووالدته حواليه و محمد كان معاهم
ياتري ايه الي حصل و هل احمد هيتعالج و لا هيحصل ايه ده الي هنشوفه ان شاء الله الحلقات القادمه
mIma تويستراوى عادى
الجنس : العمر : 33 عدد الرسائل : 48 تاريخ التسجيل : 21/12/2009 المزاج : الحمدلله
موضوع: رد: مشوار حياه 
الأحد 7 مارس - 22:13
