الجنس : العمر : 34 عدد الرسائل : 5335 تاريخ التسجيل : 23/12/2008 المزاج : الحمد لله
موضوع: رد: مشوار حياه الأحد 4 أبريل - 12:53
الحلقة ال11
مجدي ارتبط بمني الي كانت بتحبه و مستنياه هو يكلم لكن محمد كان بيحبها و ساكت خايف لينجرح منها و كويس انه مكنش صرح بحبه لانها بتحب واحد تاني الي هو مجدي و خلاص كلها شهر و هيتخطبوا و محمد في النص بيضيع ادامه حبه و مش عارف يعمل ايه يدور علي حبه و يخسر صحبه و لا يضحي بقلبه و يكسب صحبه و صديق عمره.
اماني بكر رجع ليها امل تاني في احمد و انه يرتبط بيها بعد ما جرب غيرها مرتين و فشل و خصوصا انها هي الي بتحبه من زمان و فهماه و هتقدر تسعده و بقت بتقرب منه و بتحاول تفهمه الكلام ده بصوره غير مباشره علشان يبدا يحس بيها و حس احمد بالموضوع ده و بقي حيران اوي لان في نفس الوقت كان في منافسه لاماني هي داليا الي ظهرت جديد في حيات احمد و بقت كاتمه اسراره و هو كاتم اسرارها و بقوا بيرتاحوا لبعض جدا في الكلام و بيحكوا لبعض كل حاجه و حس احمد ان يوم عن يوم بيقرب لداليا اكتر و اكتر و اماني بالنسبه له مش اكتر من اخت من اول يوم عرفها فيه و هي اخته مش اكتر
احمد كان محتار بينها و بين اماني هل الي بينه و بين داليا ده حب فعلا و لا هي بتعتبره اخ قريب منها علشان كده بتحكيله و لا ايه بالضبط طب لو حب هو برده عارف ان اماني بتحبه و من زمان من ايام الكليه وواخدين علي طريقه بعض و ضامن انها مش هتجرحه لو ارتبطوا لانه فاهمها بس قلبه مبقاش عارف هو بيحب مين هو ميقدرش يستغني عن اي واحده منهم بس كحب لسه مش عارف مين الي بيحبها بالضبط و محتاج قاعده مع نفسه
كان احمد كمان خايف من الحب الي جربه مرتين و فشل كان خايف من حب داليا ليكون زي حب اماني عادل مجرد حب من طرف واحد و عذاب ملهوش نهايه و كان متاكد انه لو ارتبط باماني هتسعده و مش هتخدعه ابدا
كان الي شاغل بال احمد كمان محمد هيعمل ايه في موضوع مجدي و مني ده خلاص قرروا الخطوبه و حددوا ميعادها و قرروا كمان خطوبه و كتب كتاب و دخله في نفس اليوم كان احمد خايف احسن محمد ميضحيش بحبه ده و تبقي مشاكل كبيره بين محمد و مجدي و بقي هو في النص مش هيعرف يعمل اي حاجه فقرر انه يتكلم مع محمد و كلمه في الفون
احمد: تمام بقولك ايه انا عايزك يا تجيلي يا نتقابل يا اجيلك
محمد: لا تعالي انت انا مش قادر
احمد: طيب ساعه و اكون عندك
محمد: طيب اوكي يالا سلام
احمد:سلام
و لبس احمد و راح لمحمد البيت علشان يشوف ناوي علي ايه ووصل فعلا البيت
محمد: خش يا احمد
احمد: مالك يا محمد في ايه بس لده كله
محمد: و حيات ابوك متفتحش الموضوع ده
احمد: لا هفتحه علشان عايز اعرف انت ناوي علي ايه
محمد: يعني هعمل ايه هخسر صحبي يعني؟ و ليه علشان حب اصلا من طرف واحد؟ مش هنطق و لا هكلم و ربنا يسعدهم مع بعض
احمد: يبقي نفوق و نروق بقي الجو الي انت عايش فيه ده مش حل
محمد: حاضر هحاول
و قعدوا مع بعض شويه و بعدين احمد روح و قرر يقعد مع نفسه بعد ما اتكلم مع محمد في موضوع اماني و داليا و يشوف هو بيحب اني فيهم و فعلا حصل و قعد مع نفسه و بعد وقت كبير اوي و تفكير قعد ساعات قرر احمد هو بحب مين فعلا كحب و مين بيحبها كصداقه و اخوه و بس مين الي عايز يتقفل عليهم باب واحد و مين الي مجرد صديقه بيبكلموا كل وقت و التاني
و اتقبلوا تاني يوم في الشغل
احمد: انا قعدت مع نفسي و قررت انا بحب مين
مجدي: و قررت مين
محمد: اشجيني
احمد: لا دي مفاجاه يوم جواز مني علي مجدي
محمد: امممممممممممممم لا بقي قول انا مش بحب الفضول ده
احمد: لالالالالالالالالالا انا قررت اقولها يوم الخطوبه
و تمر الايام يجي يوم خطوبه مجدي و طبعا احمد و محمد كانوا معاه من الصبح و لفوا معاه جامد اوي و راحوا معاه كمان و هو بيودي العروسه للكوافير و فضلوا معاه لحد لما راحوا الفرح و كان محمد بيتابع احمد علشان يعرف مين الي هو بيحبها و هيروح يقولها دي لكن احمد كان شويه بيكلم اماني و شويه بيكلم مع داليا مش معروف هو عايز مين بالضبط .
لكن في الاخر الفرح محمد شاف احمد متحرك ناحيه داليا مسك ايديها داليا بصتله لقيته بيبصلها اوي
داليا : في ايه يا احمد
احمد: داليا انا عايز اقولك حاجه و دلوقتي
داليا:قول في ايه
احمد: داليا انا بحبك
داليا: ايه بتقول ايه؟
احمد: بحبك
داليا :يااااااااااه اخيرا نطقت و انا كمان بحبك اووووووووي
احمد: بجد
داليا :ايوه بجد انا كنت مستنيه انت تقولي
احمد: يعني انتي بتحبيني؟
داليا: و من زمان كمان بس انت مش حاسس بحاجه
بص احمد في عينين داليا اوي و جري معاها و هو ماسك ايده بايديها و رقصوا مع العريس و العروسه علي نغمات اغنيه صدقني خلاص الي كانت شغاله في الوقت ده و انتهي الفرح و روح مني و مجدي
و تاني يوم في الشغل اعلن احمد ادام محمد و اماني و داليا حبه لداليا و اتصل بمني و مجدي يطمن عليهم و يقولهم الخبر الي كان صاعقه تنزل علي دماغ اماني الي مش اتوقعت ان الاختيار يجي سريع كده و عرفت انها عمرها لكانت و لا هتكون لاحمد في يوم.
يا تري ايه الي هيحصل مع احمد المره دي هيكمل مع داليا و لا هتحصل مشاكل زي كل مره يرتبط فيها احمد ده الي هنشوفه الحلقات الجايه
avergenya مدير سابق
الجنس : العمر : 33 عدد الرسائل : 3252 تاريخ التسجيل : 08/02/2010 المزاج : عالى والحمد لله
موضوع: رد: مشوار حياه الأحد 4 أبريل - 13:11
جااااااااااااااااامدة جدا يا ميجو
ياترى ايه اللى هيحصل ايه؟؟؟؟؟؟؟؟؟؟؟؟
ICE.PRINCESS تويستراوى ماسى
الجنس : العمر : 33 عدد الرسائل : 2753 تاريخ التسجيل : 28/10/2009 المزاج : الحمد لله
موضوع: رد: مشوار حياه الأحد 4 أبريل - 14:22
حلقه حلللللللللللوة اوى بجد بس كان ناقصها الموسيقى التصويريه والجو المناسب شوية مطر على اغنيه لكاظم وهو خدها وجرى معاها ليه؟؟ هى متراقبه؟؟ بص بجد الحكايه بدأت تبقى اجمل واجمل كمل يا ميجو متابعين
nour Elgana تويستراوى ذهبى
الجنس : العمر : 34 عدد الرسائل : 1258 تاريخ التسجيل : 05/01/2010 المزاج : الحمد لله على كل حال
موضوع: رد: مشوار حياه الأحد 4 أبريل - 14:33
لا حلوة بجد حلوة بس فيها مبالغة اوى كمل بقى عايزين نشوف سى احمد هيعمل ايه ؟؟؟؟؟؟؟؟؟ وربنا يستر وتسلم الايادى ميجووووووووو
katy تويستراوى ذهبى
الجنس : العمر : 35 عدد الرسائل : 1656 تاريخ التسجيل : 14/03/2009 المزاج : مروق
موضوع: رد: مشوار حياه الأحد 4 أبريل - 15:27
والله يا ميجو انت كده بتحيرنا
ايه ال هيحصل
من غير تاخير
ElBob& تويستراوى ماسى
الجنس : العمر : 34 عدد الرسائل : 2672 تاريخ التسجيل : 19/04/2009 المزاج : الحمد على كل شىء
موضوع: رد: مشوار حياه الأحد 4 أبريل - 15:39
ههههههههههههههههههههههه حلو ياض يا ميجو كمل بقى بس حلوة اوى حكاية اخيرا نطقت وانا كمان بحبك اووووووووووى دى مش واحدة من دى هههههههه
يولندا تويستراوى ذهبى
الجنس : العمر : 33 عدد الرسائل : 1945 تاريخ التسجيل : 01/02/2010
موضوع: رد: مشوار حياه الأحد 4 أبريل - 19:27
حلقة جميلة ومستنين الباقى
نيرفانا تويستراوى عادى
الجنس : العمر : 33 عدد الرسائل : 12 تاريخ التسجيل : 27/03/2010
موضوع: رد: مشوار حياه الإثنين 5 أبريل - 9:13
بجد جميلة القصة دي اوي يا ميجو ناوي تكملها امتا ياريت بسرعة عشان انا عاوزة اعرف النهاية
romancia w bs تويستراوى عادى
الجنس : العمر : 33 عدد الرسائل : 128 تاريخ التسجيل : 23/12/2008
موضوع: رد: مشوار حياه الثلاثاء 6 أبريل - 13:10
حلقه جميله بجد يا ميجوو
منتظرين منك المزيييد
تسلم ايدك
mIma تويستراوى عادى
الجنس : العمر : 33 عدد الرسائل : 48 تاريخ التسجيل : 21/12/2009 المزاج : الحمدلله
موضوع: رد: مشوار حياه الثلاثاء 6 أبريل - 16:21
الحلقه أثرت فيا جدا ربنا يستر علي أحمد بأه وميصدمش تانى بس اللي صعبان عليابجد محمد وأمانى يلا مفيش حد بياخد كل اللي نفسه فيه بس جااااااااااااااااااااامده أوى القصه ياميجو وكل مره بتشدنى ليها أوى ياريت بأه الحلقه الجاية بسرعه
موضوع: رد: مشوار حياه 
الأربعاء 31 مارس - 14:31
