احمد طالب في تانيه ثانوي مجتهد جدا همه كله في المزاكره و بس مش بيفكر غير فيها مش اجتماعي اوي مش يعرف ناس كتير و ملوش اصحاب غير واحد بس عرفه السنه دي من المدرسه الي هو فيها و كانوا علطول مع بعض و طبعا كان نايم مقتول ما هو نايم امبارح 3 الصبح كان بيزاكر و سهران علي قهوه كالعاده و المنبه عمال يضرب و ده و لا هنا
صحي احمد من النوم عينه كله نوم و هيموت و ينام تاني قفل المنبه و بص في الساعه الساعه كام الساعه 6 الصبح ااااااااه ياني هروح المدرسه زي كل يوم الله يخرب بيت الثانويه العامه و سنينها السودا الواحد مش هيخلص بقي انا زهقت قام احمد غسل وشه و فطر في السريع و نزل وصل مدرسته علي 7 و نص حض كام حصه و روح بيتهم و كالعاده ينزل علي الكتب يخلص شويه كيميا شويه انجليزي علي فرنساوي و لما يحب يريح شويه يقوم قايم يحل شويه رياضه ما هي كانت احب ماده عنده و لما يحب ينكد علي نفسه يقوم مزاكر عربي و خصوصا نحو كان بيكرهه و دايما عقدته في العربي.
تعب احمد كتير اوي في تانيه ثانوي كان وخدها جد اوي و لكن كان طبعه تعبه لانه كان شكاك اوي يعني كان يزاكر الحاجه و بعدها بنص ساعه يحس انه ناسي كل حاجه و يقعد يعيد و يزيد في نفس النقطه لحد لما يتعب يزهق و ينام لدرجه انه راح لدكتور نفسي و طبعا اعصابه تعبت جدا ما هو كان بيطبق باليومين و التلاته و عايش علي القهوه كل يوم فنجالين تلاته ما هو امله بقي في هندسه و احمد من النوع الي لما بيحط حاجه في دماغه بيعملها يعني بيعملها و هو كان كل الي يتمناه في الفتره دي انه يدخل الكليه الي هو عايزها و يجيب مجموع عالي يريحه في سنه تالته و يكبر امله انه يدخل المكان الي هو عايزه.
و تمر الايام و يعدي علي احمد اوقات ياس و اوقات امل اوقات يحس انه ضايع و مش هيحقق امله ووقت يعدي عليه و يطمن لرغبته و تيجي الامتحانات و الي فيها احمد بيبقي هادي جدااااا عكس باقي السنه عكس الناس الطبيعيه كلها كان مطمن لمزاكرته طول السنه و كان عارف ان ربنا مش هيخذله بعد مجهوده الي بذله من اول يوم في السنه الدراسيه و عدت الامتحانات و ظهرت النتيجه و كان مجموع عالي فوق ما كان هو نفسه يتخيل و فوق كل رغباته.
و طبعا كانت فرحه كبيره جدا جدا و حس احمد انه قرب جدا من امله و بقي متحمس اوي للسنه الجايه و مصمم انه يجيب تقدير احسن كمان من السنه الي فاتت و يدخل الكليه الي عايزها و هو مستريح مش خايف يكون تقديره مش كافي
و كمان صديق احمد الوحيد محمد ان جايب تقدير قريب من تقدير احمد و كان امله برده نفس امل احمد كليه هندسه برده و طبعا اجتمع اهل احمد و محمد و عملوا حفله كبيره بمناسبه نجاحهم و بعدين خرجوا الاتنين اتمشوا شويه و اتفسحوا و دخلوا سينيما و كان يوم جميل اوي.
احمد مكنش له اصحاب غير محمد مكنش بيحب يكلم اي حد بس لما عرف محمد اتعرفوا علي بعض بسرعه اوي و عرفوا اهل بعض رغم انهم عرفوا بعض السنه دي بس بس بقي اسرارهم كلها مع بعض و مزاكرتهم مع بعض و كانت دماغهم قريبه من بعض و ميولهم واحده تقريبا زي ما بيقولوا اتنين متفصلين علي بعض علشان يبقوا اصحاب.
قضي احمد و محمد الاجازه سوا كانوا مع بعض علطول ياكلوا و يناموا مع بعض في بيت اي واحد فيهم يصحوا الصبح يفطروا و يقعدوا علي الكمبيوتر شويه و بعدين ينزلوا الجيم شويه و يتمشوا علي النيل احمد كان مدمن النيل كان بيقول لمحمد انه بيحس ان النيل بيحللوا كل مشاكله كل لما يبقي عنده مشكله يروح علي النيل و يحكيله.
و عدت الاجازه بسرعه اوي و عادت الثانويه العامه من جديد و بدات المزاكره السهر القهوه شدت الاعصاب و التعب كان احمد متحمس جدا و مشجعه تقديره في ثانيه ثانوي و كان اهله دايما يشجعوه و خصوصا خاله بس احمد مكنش مستني تشجيع من حد كان ادامه امل و عايزه و مش هيقبل بغيره لدرجه انه كان مقرر انه لو مش دخل الكليه الي هو عايزها هيعيد الثانويه العامه
و عدت الايام و جات الامتحانات و عدت و قعد احمد في انتظار النتيجه بفارغ الصبر هاين عليه يخترق الكنترول و يعرفها و بقي علي نار مستني اليوم الي يقولوا فيه النتيجه بكره و فعلا جه اليوم ده و حصلت المفاجاه احمد جاب تقدير فوق الي هو كان متوقعه بكتيييييير و اكبر كمان من بتاع السنه الي فاتت و محمد صحبه كذلك و بقي الاتنين وثقين تماما انهم في هندسه السنه الجايه اكيد.
و بدا التقديم للكليات و فعلا قدم احمد و محمد كليه هندسه و اتقبلوا فيها و بداوا يروحوا يتفرجوا عليها و علي المدرجات و يسالوا علي نظام الدراسه و الجداول و كل حاجه و قبل الدراسه بشهر او اقل بشويه اتعملت حفله في الكليه للطلبه الجدد علشان يتعرفوا علي الكليه و كل حاجه فيها و بدات الجداول تتوزع.
مرت الايام و جه اول يوم في الدراسه الي كانوا مستنينه بفارغ الصبر كانوا هيموتوا علي اليوم الي يدخلوا فيه هندسه بقي و يحطوا رجلهم علي اول سلم الامل الي ياما حلموا بيه سوا و بداوا اهو يحققوه زي ما خططوله بالضبط و اتقابل احمد و محمد في نص الطريق و راحوا الكليه مع بعض و كانوا رتبوا جدولهم مع بعض بحيث يحضروا سوا لان مجموعه احمد كانت غير مجموعه محمد لكنهم قرروا يحضروا المحاضرات مع بعض بعد ما فهموا النظام بتاع الكلية كله ــــــــــــــــــــــــــــــــ
موضوع: مشوار حياه 
الإثنين 1 مارس - 15:10
