الحلقة
ال12اعترف احمد لداليا بحبه في فرح مجدي و مني
و كانت مفاجاه حلوه اوي للكل فاحمد انسان طيب بيحب بجد و مخلص في حبه اتعذب كتير في
حياته من اماني عادل و من ساره صحبه تسنيم اخت مجدي و شاف علي ايد التانيه دي عذاب
مكنش متوقعه ابدا و لكن دلوقتي اهو حب من جديد اه حب داليا و داليا كانت طيبه اوي و
حنينه لابعد الحدود كانت بتموت في احمد و كل امنيتها تعيش جنبه بقيت عمرها بعد ما
شافت هي كمان عذاب في حياتها و كانت يأسه من الدنيا و رجعلها هو الامل في الحياه و
حسسها بانسانيتها و بقيمتها من الاخر صحي فيها الانسانه الجميله بعد ما كان كل حاجه
جواها ماتت كانوا فعلا متوافقين جدا في كل حاجه حتي انهم كانوا يشبهوا بعض في صفات
كتير اوي و في رد فعلهم ضد اي موقف .
في الوقت نفسه كانت اماني بكر بتتعذب
من قرار احمد عذاب ملوش نهايه بعد ما كان عندها امل في حبه لها و ضيعته اماني عادل
ايام ما كانوا في الكليه و هي كانت لسه عندها الامل انه لها و لما حب ساره كانت
طعنه في قلبها الي مرتحش غير لما سبها و لما ظهرت داليا في حياه احمد كانت اماني
بتغير منها جدا و كانت بتتمني لو احمد يرتبط بيها هي كانت تتمني تعيش في حضنه و هي
تبقي خدامه تحت رجليه عمرها ما كانت هتجرحه او حتي تفكر انها تضايقه و لو حتي مش
قصده
يوم ما قال هو لداليا روحت بدري دخلت اوضتها و قفلت عليها و قعدت تكلم
نفسها ....... ليه احمد مخترنيش انا؟........ هو انا ناقصني ايه؟............. انا
بحبه و الله العظيم بحبه اوي............. ياربي ليه بس كده ليه بيحصل معايا كده
الانسان الي حبيته يحب غيري و 3 مرات ااااااااااااه............
فكرت
اماني في الانتحار بعد العذاب الي شافته ده لكنها تراجعت و قعدت تعيط اوي في الوقت
ده اتصل بيها محمد
اماني: الو
محمد: الو ايوه يا اماني عامله ايه
دلوقتي
اماني: كويسه
محمد: هتكدبي عليا؟ انا اكتر واحد
فهمك
اماني: عادي بقي يا محمد هو القدر حكم عليا بكده
محمد: طب ممكن
اطلب طلب
اماني: قول يا محمد
محمد: هعدي عليكي و ننزل نتمشي شويه و
نتكلم ممكن؟
اماني: حاضر
محمد: يالا سلام هجيلك دلوقتي
اماني:
سلام
و فعلا نزل محمد ووصل عند اماني الي كانت مستنياه تحت بعد ما كلمها
و قلها انه وصل و خدها و راحوا قعدوا علي النيل كانت اماني بتكتم دموعها بالعافيه
كل ما تفتكر احمد و هو مع داليا و هي كانت تتمني انها تبقي مكانها و انها احق منها
بيه هي حبته من ايام الكليه و تعرف عنه كل حاجه و عمرها ما هتخدعه
محمد:
اماني من زمان و انتي بتحبي احمد و عارفه انه مش ليكي يبقي ليه مصممه تعذبي
نفسك
هنا انفجرت اماني في العياط و حاول محمد يهديها لكنها كانت مستنيه
اللحظه دي تعيط فيها و تطلع الي جواها و لما هديت بدات تتكلم
اماني: و
ميبقاش احمد ليا ليه يا محمد انا بحبه
محمد: علشان هو مش بيحبك يا اماني و
منقدرش نلومه علي كده الحب مش بالعافيه هو بيحب واحده تانيه
اماني: جرب يحب
غيري مرتين و فشل
محمد: جميل بس انتي بالنسبه ليه اخت حتي لو فشل ميت مره
مينفعش يحبك يعني هو هيضحك عليكي؟
اماني: طيب يا محمد خلاص
محمد: يا
اماني انتي تستحقي حياه احسن من كده انسي احمد و فكري في حياتك انتي
اماني:
كان نفسي اعيشها معاه
محمد: و ربنا مش كاتب كده عيشيها مع حد تاني يحبك و
تحبيه بجد
اماني: تفتكر هينفع احب تاني من غير ما اظلم الي بحبه بسبب حبي
لاحمد
محمد: ايوه لان لا كرامتك و لا شخصيتك و لا حتي حياتك تخليكي تحبي حد
مش بيحبك و تموتي علشانه و هو مش في دماغه و ارجع و اقول مش غلطته مش هينفع نجبره
علي حب هو مش عايزه
اماني: طيب و النبي خلاص اقفل الموضوع ده و انا هنساه
بطريقتي بس علشان خطري يا محمد خليك جنبي متسبنيش
محمد: و انا جنبك اهو و مش
هسيبك و نصحتي ليكي اتنقلي اي فرع تاني تبع الشركه علشان مش طول اليوم في
وشه
اماني: انا فكرت في كده هتيجي معايا؟
محمد: ايوه هاجي و هبعت طلب
النقل بكره و هم ما هيصدقوا عايزين مهندسين في الفرع التاني هينقلونا تاني
يوم
اماني: طب تمام اوي متشكره اوي يا محمد بجد علي وقفتك جنبي
محمد:
بس يابت احنا اصحاب من الجامعه عيب عليكي و يالا بقي هروحك البيت و اروح انا كمان و
روقي بقي
اماني : حاضر يا سيدي يالا بينا نروح
و لسه بيدوروا لقوا
احمد و داليا وراهم كانوا بيتمشوا علي النيل بص محمد لاماني لقاها بصت في الارض
وبعدين بصت لاحمد و بعدين بصتله و سكتت
احمد: الله انتوا هنا ؟ ايه الصدف دي
انا كنت بتمشي انا و داليا شويه
محمد: كنا بنتمشي نشم هوا و انت كلمتك في
البيت نخرج قالولي خرج قلت يبقي مع داليا اذيك يا داليا
داليا: تمام الحمد
لله طول ما انا مع حبيب قلبي
احمد: هههههههههههههه طيب حلوه التثبيته دي
هههههههههههه
داليا: ههههههههههههههههه و انتي يا اماني اذيك
اماني:
كويسه
[ندعوك للتسجيل في المنتدى أو التعريف بنفسك لمعاينة هذه الصورة]داليا : ايه مالك مضايقه ليه؟
اماني: لا و الله ابدا
بس كنت تعبانه شويه و كنت مروحه
محمد: طيب يالا بقي اروحك و اروح انا
كمان
احمد: اوكي روحوا انتوا احنا لسه ادامنا شويه
محمد: اوكي يالا
سلام
و مشي محمد و اماني علشان يروحها البيت و يحاول يهديها من الموقف الي
حصل دلوقتي و مكنش علي البال ده
داليا: ها يا حبيبي قلت ايه انت المفروض
تيجي تتقدملي بقي
احمد: ماشي يا حبيبتي بس انا متفق معاكي اني كان ادامي سنه
و اتقدم و بعدين سنه و نتجوز
داليا: ماشي بس دلوقتي في عريس متقدملي اتقدم و
نتخطب بعد سنه مش مهم المهم يبقي اسمها اتقدمت و انا مهمتي اني اصمم عليك و ارفض
التاني
احمد؛ طب و هتقولي لاهلك ايه العريس التاني عربيه و شقه و قريه
سياحيه مليونير من الاخر
داليا: احمد انت عارف اني بحبك انت و مش عايزه اعيش
غير معاك كل فلوس الدنيا و لا تهمني خالص اصلا ولا انت عندك شك في
حبي؟
احمد: حبيبتي انا مش بكلم عليكي انا بكلم علي اهلك
داليا: ملكش
دعوه بيهم انا الي هتجوز و مفيش حد يقدر يرغمني علي اني اجوز حد مش
عايزاه
احمد: طيب يا ستي لو علي كده خديلي ميعاد مع باباكي ان شاء الله كمان
ساعه
داليا: ههههههههههههههههههههه لا يا راجل
احمد: اه و الله بجد
بكره او بعده في اقرب وقت و اجيلك و اتقدملك ده هيبقي اسعد يوم في حياتي انتي عارفه
انا عايز اتقدملك النهارده قبل بكره و كنت ماجلها بس لحد لما اظبط نفسي علشان اهلك
بس طالما فيها عريس جديد يبقي لا هتقدملك دلوقتي حالا
داليا: حبيبي ربنا
يخليك ليا انا هكلم بابا و ماما و اخد منهم ميعاد و متخفش معاك و لا يمكن هكون في
حضن حد غيرك
احمد: داليا
داليا: نعم حبيبي
احمد: بحبك اوي
بجد
داليا : و انا و الله ربنا يخليك ليا................. يالا بقي تعالي
روحني علشان انت عارف بابا و نتقابل بكره في الشغل و نتكلم
احمد: حاضر يالا
يا حبيبتي
و روح احمد و داليا و كانت اماني في البيت بتحاول تنام و محمد
كمان نام علشان يبدؤا يوم جديد في الشغل
موضوع: رد: مشوار حياه 
الثلاثاء 6 أبريل - 21:28
