سعديه الصعيديه وميدو الاستايل حلقات متجدده تم اضافه الحلقه الاخيره

رجعنا تانى مع مسلسل

سعديه الصعيديه وميدو الاستايل

الحلقه الاولى.......................................

جه جواب التنسيق لسعديه وفتخت الجواب لقت جامعه القاهره
سعديه : يا دى اليوم لاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص
وجه معاد السفر
ركبت سعديه القطر وفى طريقها للقاهره
سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى
وصلت سعديه وراحت عند عمها خبطت على الباب فتحت مرات عمها
سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية ازيك يا بتى واللي في البلدعاملين ايه
سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه زى ما يكونوا مكهربين
دول ما يجلوش حاده عن البنات
عشنا وشفنا وانا مالى انا الحج بجى محاضراتى
ودخلت بقى سعديه قاعه المحاضرات
بتدور على مكان تقعد فيه
سعديه : ايوووووووووه يا ولاد ايه الى بيحصل ده
الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا
انا هفضل واجفه احسن
دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده عادى لا والله ما يحصل ولا يكون
الدكتور:ههههههه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت
سعديه واتعرفت عليها انتى اسمك ايه قالتلها اسمىندى وانتى قالتلها سعديه
المهم بعد ما خلصت المحاضره اتعرفوا على بعضوبقوا صحاب اوى
وخلص اليوم وخلصت المحاضرات وجه معاد انها تمشى لبيت عمها
خرجت سعديه هى وندى
وبعدين
تاااااااااااااااااااااابع
فى الحلقه الجايه
اشوف بقى الردود واعرف رأيكوا

حلوة بس دى أكيد من تأليفك
هنتابع عشان نعرف اخرها ايه
هههههههههههههه

هههههههه
يا كبير

يا جامد كمل كمل
لما نشوف اخر سعديه ايه
شكلها هتبقى فى الاخر
سوسو

[ندعوك للتسجيل في المنتدى أو التعريف بنفسك لمعاينة هذه الصورة]

انتظرو ا باقى الحلقات هتعجبكو اوى

شكرا لمروركم

بس يا ريت الحلقات تكون فى موضوع واحد يعنى كله ورا بعضه مش كل حلقه موضوع

هننتظر الجديد

ماشى الحلقات كلها فى موضوع واحد
انا هنزل الحلقه التانيه الوقت w8

الحلقه التانيه من المسلسل

مشهد ابو ميدو وهو يصحيه من النوم.........

يدخل أبو ميدو إلى حجرة ولده ميدو علشان يصحيه يروح الجامعة ويخبط على ظهرهه بالراحه كده زى ما انتو فاهمين الابهات كلها يعنى.

ابو ميدو : ميدو ... ولا يا ميدووووو .... قوم يا حبيبى فيفتح ميدو عين واحدة يبصله بيها فى استغراب

ميدو : إيه يا بابا فيه إيه ؟

ابو ميدو :قوم يا حبيبى عشان تلحق تروح كليتك النهارده اول يوم كمان كليتك تجاره القاهره يعنى صعبه يا بنى؟

ميدو : يا بابا كلية إيه اللى بتصحينى عشانها وش الفجر

ابو ميدو: وش الفجر إيه بس .. يا بنى الساعة داخلة على عشرة .. قوم يا يالا عشان تلحق محاضراتك

ميدو : يابابا نفض

ابو ميدو : أعمل إيه

ميدو : يعنى كبر يا بابا

ابو ميدو : الله اكبر يا سيدى قوم بقى يالا

ميدو : لا يا بابا مش قصدى ... أن بقولك كبر دماغك يعنى

ابو ميدو : يا ابنى قوم متتعبنيش .... مش انت عندك محاضرات مهمة النهاردة ؟

ميدو : يا بابا مهمة إيه بس ... ده كله فى الكلتشة

ابو ميدو ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة

ميدو : يا بابا ... فكك من كلام الستينات ده.... أنا مش قادر أفك رموز وشى

ابو ميدو : يا بنى قوم أخوك بيقول ان المحاضرات النهاردة عندك مهمة

ميدو : يابابا سيبك منه ... دا واد بيهيس

ابو ميدو: يعنى إيه .... يعني كلامه صح ولا غلط ؟

ميدو : يا بابا .. ابنك ده دماغه مخرومة .. عمالة تنقط .. متسمعلوش و لما يكلمك سد ودانك لحسن ياكلها .. و الودان اليومين دول غالية

يابابا .. ملهاش قطع غيار

ابو ميدو : يا بنى انت بتتكلم كده ليه ؟

ميدو
: يعنى بكلمك بالسيم يعنى .. بص يا بابا عشان خاطر ربنا .. سيبنى أنام
كمان خمس ست ساعات عشان أقوم فايق .. أنا كنت سهران طول الليل ... سيبنى
أأنتخ شوية

ابو ميدو: تأنتخ ؟ ... الله يخرب بيتك مش فاهم منك ولا كلمة لا انت و لا أخوك

ميدو: و الله يابابا أنا مأفور خالص و مش قادر ... سيبنى

ابو ميدو : يا بنى كلمنى زى ما بكلمك ... إيه اللى انت بتقوله ده

ميدو : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .

ابو ميدو : مصلحتك ؟ يا بنى انت بقالك ثلاث سنين فى سنة ثانية

ميدو : ظلم يا بابا ، الدكاترة بتاعة الكلية حاطينى فى دماغهم لحد ما عفنت

ابو ميدو : (وقد بدأ يتغاظ ) طيب قوم يا معفن ... خد لك دوش و افطر و روح الكلية

ميدو : بابا.. اقفل النور و خد الباب وراك .... و أما أقوم نبقى نشوف موضوع الدش ده

ابو ميدو ( بصوت مرتفع ) : أنت حتقوم و لا حقومك بالجزمة

ميدو ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح

يخرج ابو ميدو و يدخل أخوه وائل فينظر إليه شذراً

ميدو : لازم تديها جاز على الصبح .... شعللتها ؟ ... ماشى يا جزمه

وائل : هو اللى بيسألنى

ميدو : قوله معرفش يا سيدى ... قوله معندوش زفت محاضرات

وائل : أكذب يعنى ؟

ميدو : (يضحك بسخرية ) لأ إنت متعرفش تكدب تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه يا جميل ؟

وائل : ( و قد اصفر وجهه ) لا يا ميدو اوعى وحياه امك الله يرحمها ..

ميدو : طيب يا حلو ... روح هاتلى سجارة من علبة أبوك أعمل بيها دماغ الصباحية

وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .

ميدو : طيب يا إتم .... اختفى من قدامى دلوقت

يخرج وائل ، و يبدأ ميدو فى تدخين إحدى السجائر و هو لسه قاعد على السرير

ثم ينظر بجواره على الكمودينو و يتناول التليفون و يتصل بأحد زملائه

ميدو : ألو .. أيوه يا هيما .. انت لسة مِكَّحول .. ما تقوم ياواد خليك نشيط

هيما : يا بنى حد يتصل بحد دلوقت مفيش زوق .... الساعة لسة عشرة و نص

ميدو : فوق بقى ... إيه النظام ؟ الحياة أخبارها إيه النهاردة ؟

هيما : زى امبارح نروح المول .. و ندخل الكافى شوب .. نطلب شيشة .. نشرب لنا كام ستون .. نعلق حتتين طراى أو نلف نعاكس فى المزز

طارق : طيب نتقابل الساعة واحدة .... متحلقليش

هيما : حتعمل إيه دلوقت

طارق
: أنا حاخلع من البيت دلوقت و اخرج أصيع لحد ما نتقابل ، عشان أبويا عاملى
فيها الحسن بن الهيثم وعايزنى اروح الكليه .. و لو فضلت موجود حيقلب عسكرى
امن غبى وانت فاهم يا هيماااااا

.

هيما : الحمد لله يا عم... أنا أبويا ميت

ميدو : يا بختك ... استكانيس براحتك ..... طول عمرك محظوظ .... وابن محظوظه

ميدو:طاب اختفى ياض واكنى بقولك نروح الكليه ماشى ... عشان ابويا سامع صوته فى الصاله

هيما: حاضر ماشى غور

يدخل طارق ..................................

ميدو طيب يا هيما يا حبيى يلا اجهز بقى

وائل : اوعى يا ميدو تقول لابوك .. لحسن يرحلنى

ميدو : (ينظر إليه بتعال و كأنه ملك روحه )خليك حلو معايا أحسنلك ... لحسن أنا لسانى بياكلنى ... و الندالة بتنقح عليا

وائل : ( باستجداء ) اوعى يا ميدو

ميدو : طيب روح هاتلى الجل بتاعك ... عشان الجل بتاعى خالص من امبارح وكمان هاتلى الريحه بتاعتك ...........

وائل : احنا حنبدأ استغلال .. و بعدين انت اللى مابتغسلش دماغك لحد ما باظت

ميدو : خلص يا عم الأمور ... روح هاتلى الجل .... إنجز والا النداله انت فاهم

وائل : يا ميدو تحت امرك يا حبيبى انت عندك إزازة لسة مفتحتهاش

ميدو : ياد روح هاتها متبقاش إيحة ... و بعدين انت لابس فانلة فى البرد ده .. عاملى فيها مسجون ليه كدا

وائل : ( يصرخ و هو يجرى خارج الحجرة ) يا نهار اسود ... دا المكوة على القميص

يأخذميدو نفساً من السيجارة و قبل أن يخرجه من صدره يدخل ابو ميدو

ابو ميدو:إنت لسة نايم ؟

ميدو : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )

ابو ميدو : يعنى مش عايز تجيبها البر آدى آخرة دلع أمك . هى اللى فسدتك لو مخرجتش من البيت و رحت كليتك حالاً حكسر دماغك دى

إنت فاهم ؟

ميدو: ينظر إلى والده و قد احمرت عيناه و انتفخ وجهه

ابو ميدو : انت بتبص كده ليه يا واد انت .. جتك البلا فى منظرك .. و يخرج الوالد

ميدو : يخرج نفسه الذى كتمه حتى كاد أن يموت ، و يسعل بشده

يدخل وائل أخوه فيجده على هذه الحال

وائل : إيه مالك ؟ حتفطس ولا إيه

ميدو : روح هاتلى كباية مية أبوك كان حيموتنى .. كنت حسافر

يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره .

خخخخخخخخخخخخخخخخخخخ

وائل: قوم يا ميدو ابوك جاى

ميدو : طيب انا حلبس ورايح لزفت هيما اهو

نزل ميدو من البيت وراح لهيمه عشان يروح الكليه....................

والى اللقاء فى الحلقه التانيه يارب تعجبكم يا احلى اخوات..................

يارب تعجبكم

تماااااااااااااااااااااااااااااام

تماااااااااااااااموز
بالتوفيق

الحلقه التالته

نزل ميدو من البيت طبعا بقى ولابس اللبس الموديل اللى على اخر موضه والبنطلون المتسقط عشان الكليه وفات على هيما صاحبه

ميدو : ولا يا هيماااااااااااااااااااااااااااا هيماااااااااااااا انزل يا هيمااااااااااااااااااااا

هيما : ايه يا بنى براحه انت بتجعر ليه كدا فضحتى

ميدو: هات يالا الفلوس اللى عليك يالا هات ياما حسيح لابوووووووووك

هيما: اعقل ياض انا نازل اهووووو

راح ميدو وهيما الكليه مع بعض فى الوقت نفسه سعديه راحت فيه

الكليه هيه وندى

واول ما خلصوا اول محاضره...........

سعديه : يا ندى انا جعانه جوى تعالى نجيب اى حاجه ناكولها

ندى: خلاص تعالى يا سعديه نروح كافتريا الكليه

سعديه : لا دى كولها مليانه شباب ياختى انا مش هروح هناك

ندى : لا تعالى بس احنا ملناش دعوه بحد هناك

سعديه : طيب يلا اما نشوف

راحت سعديه وندى الكافتريا و اول اما اعدوا كان اعد قصادهم مين عمنا ميدو بقى
ميدو اول اما شاف سعديه اعد يضحك بقى بصوت عالى

سعديه بصتله بقرف اوى وقالت

هوه ماله الواد ده الى شبه الديك الازعر بيضحك ليه كده

ندى : احنا مالنا يا سعديه هوه بيضحك وخلاص

سعديه : ليه يا بت شايفنا ارجوزات جودامه ده واد حيوان وعايز يتهزج

ندى : بصى احنا ناكل ونمشى من هنا

سعديه : طيب احسن بردو انا جولتلك بيومك لاسود ده انا مش هاجى الكافتريا دى

خلصوا اكل ودخلوا قاعه المحاضرات

واعدوا دخل طبعا وراهم الاستاذ الفاضل ميدو وكانت معاه وحده صحبته

وشاف سعديه بردو واعد يشاور عليها ويضحك

سعديه اتنرفزت اوى طبعا والعرق الصعيدى طلع.................

سعديه : بصى يا بت يا ندى بيعمل ايه الواد ده بيضحك تانى

قالتة ندى:انت حضرتك بتضحك ليه

ميدو : ههههههههههههه لا ولا حاجه يا انسه ههههههه

سعدية : فرحان جوى وانت فاتح خشمك كده جاتك نيله عليك وعلى بوزك الفجرى

ميدو : وليه الغلط يا ااااااااا؟

سعديه : يا اااااااا ايه ما تنطج

ميدو : يا حجه هههههههه

سعديه : تعرف انك مش محترم وعيل جليل ادب وعايز تتربى

ميدو: انتى انتى انتى تربينى انا

وطبعا الاستاذ ميدو بيستفزها بمياعته وبالحركات الى بيعملها

ندى : طيب ممكن اعرف بتضحك ليه

ميدو: انتى مش شايفه جمبك تحفه فنيه بجد ههههههه

سعديه : تحفه فنيه ما تحطنى فى متحف الشمع يا خوى

انا تحفه وانت تيجى ايه بشعرك الى مكهربه ده وبنطلونك الى هيوجع منك ارفع بنطلونك وبعدين اتكلم

ميدو طبعا مش معاه غير انه يضحك هوه وصحبته

سعديه : يلا يا ولاا انت خد الفرخه بتاعتك دى وغور من هنا اتكشح يلا

ميدو : دى فرخه دى جنا صحبتى

سعديه : جنا ولا عفريت وانا مالى غور احسن افرج عليك الجامعه كلها

ميدو : انا مش هرد عليكى انتى مش من مستوايا

سعديه : مستوى مين يا بو مستوى انت يا حوساله وعره الشباب كمان ولو شفت

وشك هنا هضربك بالبولغه

ندى : خلاص يا سعديه هوه فعلا مش محترم بس انتى بردو نرفزتية

سعديه : انتى مش شايفه حيلت امه بيعمل ايه

ندى : معلش

المهم ندى هدت سعديه وخلصوا محضراتهم ورواحوا..............

وانتظرونا الحلقه الى جايه

هههههههههههههههههه
بت جدعه سعديه
معاك للنهايه
كمل نشوف اخرتها

جميل يا هشام
مستنيييييييين

شكرا لمروركو يا جماعه

الحلقه الرابعه

بعد اما خرجت سعديه من الجامعه علشان تروح

خرج وراها طبعا عمنا ميدو هوه وجنى صحبته بالعربيه بتاعته

واعد يرخم عليها ويدايقها

سعديه : انت يا واد احترم نفسك وامشى بعيد عن هنا بدل ماخلى يومك اسود

ميدو

: بجد انا مش هسيبك انهارده هوه الضحك عليكى انهارده هخليكى تحرمى تكلمينى باسلوب مش كويس يا انتى

سعديه

: والله انت شكلك كده جبته لنفسك فى يومك الجوتران ده ونويت تحجز

لنفسك سرير ونفر زياده فى المستشفى

جنى

: الحق يا ميدو دى بتقول هتدخلك انت مستشفى

سعديه

: دى ومالها دى ياعين تيزه والنعمه شكلك هتتجطع انهارده انت والدزمه الى معاك دى

سعديه

: الحجونى يا ناس الولا ده بيتحرش بيا وبيجولى كلام جلت ادب وخدش حيائى الحجوووووووووووووونى

طبعا سعديه اعدت تصوت والناس اتلمت عليها وضربوا ميدو

ادوله علقه سخنه وجنى عمالة تصوت
جنى

: يا وحوش حرام عليكوا هوه مش قدكوا

سعديه

: مش جدهم علشان يحرم تانى مره

كده هوه اتعلم الادب

ومشيت سعديه وجنى اتصلت بالاسعاف جم خدوا ميدو

بعد اما روحت سعديه عند بيت عمها

مرات عمها فتحتلها الباب بتقلها ازيك يا سعديه

سعديه طبعا مش ردت ودخلت وهى بتقول كلام كده مش مفهوم

( انا كان مالى ومال البلد بت الدزمه دى شكلى كده هتبجى وجعتى سوده ما انا كنت فى بلدى

وجاعده كويسه بس بردو مش فشيت غليلى اةةةةةةةةةة يا بوى )

مرات عمها دخلت قالت لعمها بقى

عمها راح لسعديه

عمها

: مالك يا بنتى مرات عمك بتقول انك مدايقه

سعديه

: ماليش ياعمى

( فى سرها طبعا بتقول : والنبى روح بعيد كده مش ناجصاك انت كمان وكمان مرتك لحجت

توصلك لسانها مش بيتبل فيه فوله ربنا ياخدها )

عمها

: لا بجد احكيلى يا بتى

سعديه

:الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه

عمها

: ليه يا بتى انتى عملتيلوا ايه

سعديه

: معملتلوش حاجه والله ( وحكت سعديه لعمها الى حصل )

عمها

: طيب ليه يا بنتى كده ده تلاقى الشباب بهدلوه خالص

سعديه

: احسن انا كمان مش فشيت غليلى انا كان نفسى

امسكوا من شعره الى ماسكاه الكهربه ده واجصهوله

خالص واعمل فى الناس جميله بادل ما تتازى من شكلوا العفش يا رب يكون مات علشان

ارتاح من خلجته الفجريه

طبعا ميدو اعد فى المستشفى حوالى 15 يوم ومش بيجى الجامعه خالص

وسعديه حكت لندى الى حصل
ندى

ندى

: على فكره يا سعديه هوه غلط بس مش لدرجه انك انتى تخلى الشباب يموتوه كده خالص
سعديه : استفزنى جوى يا ندى والله خلانى فجت اعصابى

ندى

: خلاص بصى انتى تيجى معايا نروح نزوره فى المستشفى
ونعتزرله ونهدى الموضوع ونصلح الى حصل
سعديه : انتى حسستينى بالزنب انا خلاص هروح معاكى بس مش هعتزر لحد انا هشوفه بس واطمن عليه

ندى

: خلاص اوك هنروح انهارده بعد المحاضرات
سعديه : ماشى يا ستى

راحت ندى وسعديه المستشفى وجابوا ورد وهما رايحين

دخلت ندى عند ميدو وحدها وقالت لسعديه خليكى انتى هنا اما اندهلك ادخلى
سعديه

: بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر

دخلت ندى

ندى

: (فى سرها طبعا: يا لهوى ده ميدو مكسر خالص يخرب بيتك يا سعديه
ايه الى عملتيه ده فى الولا)
ازيك يا ميدو عامل ايه
ميدو: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه

ندى

:معلش يا ميدو انت نرفزتها وكمان انا عملالك مفجأه ( ادخل ياسمسم )
ودخلت سعديه وتحصل المفاجأه ................

ونشوفكوا الحلقه الجايه

ههههههههههههه كمل كمل شوقتنا يا راجل

ههههههههه ماشى هنكمل بس مش لما نشوف الردود فين الناس المسلسل وحش ولا ايه

لا بجد خطييييييييييييييييييييييرة
كمل ربنا يخليك مستنين باقى الحلقات
مجهود رائع

هنكمل انشاء الله هتنزل انهارده الحلقه الخامسه

ههههههههههه
اخرة القط خناقهـــ

يستااااااااااهل ميدو
هههههههههه

كمل كمل
يا ترى المفاجأه ايه

الحلقه الخامسه

بعد ما دخلت ندى وشافت ميدو مكسر خالص

ندهت على سعديه

ندى : ادخل يا سمسم

سعديه طبعا داخله وماسكه الورد وهى عامله نفسها غلبانه بقى ومكسوره ميدو شفها بقى

وحصلت المفجأأأأأأأأأأأه

ميدو : يا ماااااااااااااااااااااااااامى الحقونى حوشوا المتوحشه دى خرجوها بره

صرخ طبعا كأن جاتله حاله صرع

سعديه : ايه يا واد انت مالك شفت عفريت ولا دينسور دخل عليك دول حتى اختفوا من زمان

ندى: اهدى يا ميدو مش كده دى جايه تعتزرلك

ميدو : لا مش عايز منها اعتزار ولا حاجه خرجوها

سعديه : انا جولتلك مش هاجى عند الواد الرمه دى بخلجته الملخبطه ده ولد امه دزمه ومش راجل خالص

ندى : خلاص بقى انتوا لتنين

هدت ندى الموقف واعدوا يتكلموا همه التلاته

دخلت بقى جنى

جنى : هاى ميدو ايه ده يا مامى ايه الى جاب دى هنا

سعديه : مالك ياختى اتخضيتى تفى فى عبك ولا اجيبلك طاسه الخضه

ميدو : اهلا يا جنى دى سعديه وندى جم علشان نتصالح سوى وخلاص بقينا اصحاب

سعديه :يلا بجى يا ندى نمشى ما المثل بيجول اذا حضرت الشياطين ذهبت الملائكه

واهى الشياطين جات

وهى خارجه زقت جنى وقعتها على الارض

وقالتها غورى بخلجتك الوحشه دى

وبعد كم يوم خرج ميدو من المستشفى وراح الجامعه وطبعا اول اما شاف سعديه وندى

راح سلم عليهم واعدوا يتكلموا وجات جنى

جنى : هاى شله فيه رحله مطلعاها الجامعه لشرم مين هيجى معانا

ميدو : كلنا طبعا جايين احجزيلنا معاكى كلنا

ندى : انا موافقه

سعديه : موافجه ايه روحوا لوحدكوا انا مش هروح مستحيل طبعا

ندى : ليه يا سعديه نغير جو كده كم يوم

سعديه : انسدى يا بت انتى واجفلى خشمك ده مش هروح جلتلك

طبعا كلهم مصرين ياخدوا سعديه وندى اتصلت بعمها علشان يقنعها

عمها : ماتروحى يا بنتى تغيرى جو كده مع صحابك

سعديه : فى سرها بتقول ( والله الراجل ده شكله عايز يخلص مانى ده شكله ما صدق

يا سوادى علشان اريحه ليه انا مزهجاه للدرجه دى خلاص هروح وامرى لله )

خلاص ياعمى موافجه هروح وبعد معاناه وافقت سعديه تروح الرحله

وفى يوم السفر حضرت بقى سعديه شنطتها

واتجمعوا هى وندى وجنى وميدو وباقى اصحابهم عند الجامعه وركبوا الاتوبيس

وبعدين................

تااااااااااااااااااااااااابع الحلقه الجايه

جميل يا نجم

كمل لما نشوف اخرتها ابه؟

لا بجد بنبقى شيقه عن الاول
كمل لما نشوف اخرها هتعمل ايه

يا مسهل لو سمحت ممكن
تبقى تخلى الحلقه ساعه بدل
من 3\4ساعه
بليز

ههههههههههههههههه

كويس اوى حكايه التشويق اللى انتو فيها دى

اهنفكر فى حكايه الساعه دى بدل 3/4

» الحلقه الرابعه من مذكرات مجنونه ....متفوتكش الحلقه دى
» اللحظات الاخيره من الفراق
» رسائل جديده و متجدده؟ياريت اعرف رايكم
» «جارديان» ترشح عمرو زكى للانتقال إلى تشيلسى.. وميدو لويجان فى انتقالات يناير
» مذكرات مدرسة مجنونة... الحلقة الثالثة (فصل البنات) الحق متفوتكش الحلقه دى