جهل علمي أم حماقة برمجية؟

حبيت أنزل هالموضوع و أحكي فيو عن بعض الامور يللي مسببة بعض الخلافات بين الكثيرين، و بتمنى من يلي عندو حكي علمي يتفضل فيه لأني مليت من الآراء السخيفة اللي عمبسمعا مع احترامي لأصحابها

الموضوع بيحكي ببساطة عن شركة Microsoft و عن منتجاتها و عن العمل فيها و بالأدوات اللي من انتاجها.

الحقيقة ما بمر علي أسبوع الا بقرأ بأحد المنتديات أفكار غريبة عجيبة لأبعد الدرجات و فيها الكثير من الأكاذيب و الجهل، و بركز على كلمة الجهل لأنو للأسف بتفاجأ بالعديدين من الجهلة يلي عمبسيئو حسب رأيي للعلم بالطريقة اللي بيحكو فيها حسب أهواءهن من دون أية دقة علمية أو مبررات منطقية حتى.

أول شي بدي أحكي عن موضوع البرمجيات و اللي بعنينا بشكل كبير كمبرمجين:

بالنسبة للأدوات البرمجية فدوماً النقاش عن المقارنة بين PHP و بين ASP.NET، و طبعاً دوماً و أبداً جماعة الـ PHP بيحكو الكلمتين يلي حفظانيهن عن الفرق بينهن و هي أنو:
PHP هي Open Source.
PHP مجانية.
PHP بتشتغل على Linux و على Windows بينما DotNET بتشتغل بس على Windows.

اذا حبينا نناقش النقطة الأولى و اللي هي الـ Open Source، فأنا بدي أسأل شو استفدنا نحن من الـ Open Source؟
يعني كلنا بنعرف انو اي شخص بإمكانو يطور بنسخة خاصة فيه من PHP على اعتبار انها مفتوحة للتطوير المجاني، بس يا ترى كم واحد مثلاً بسوريا من مبرمجي الـ PHP عندو إصدار و الله خاص فيه و طرحو على النت باسمو و عمل Community خاص فيه؟!!!

يعني للعلم الـ DotNET Framework من سنين و بإمكان اي شخص يفتح الكود تبعو و يشوفو باستخدام الـ Reflectors و من سنة صارت مفتوحة بشكل رسمي من Microsoft و بإمكان أي شخص أنو ينزل الـ Source و يشوف اي شي موجود فيه.

بالنسبة لمسألة انو شخص يطور نسخة خاصة فيه، فالمشكلة هي أنو الجاهلين بـ dotNET Framework ما بيعرفو اش مبدأ هالـ Framework، لأنو بكل بساطة بإمكان أي شخص يطوّر فيه على كيفو و يعمل Framework فوقو و يستخدمو و يحطو Open Source كمان، و أشهر مثال عن هالشي هو الـ CSLA يلي مصممو احد أشهر الـ MVP بـ Microsoft.

إذاً مشان نقطة الـ Open Source فما بظن في أي فرق بالموضوع.

ممكن نحكي عن مسألة أنو الدوت نت شركة Microsoft هي الوحيدة اللي عمبتطور فيها، بينما كثير ناس بتساهم بتطوير PHP من بوابة الشركات الكبيرة مثل ZEND.

كمان بنحكي هون عن جهل بالشي يلي عمبتعملو Microsoft، لأنو أساساً Microsoft فتحت باب التطوير من أبوابه الواسعة عن طريق موقعها الخاص بالـ Open Source Community و هو CodePlex

و أثبتت انو هالشي مو بس دعاية و طبقتو على أرض الواقع، و اليوم في كثييييير من الأدوات الموجودة بدوت نت هي من تطوير CodePlex و أهمها هو الـ MVC, AJAX Control ToolKit, Dynamic Data و اللي صارت هلأ جزء من Visual Studio 2008.

لذلك كمان بهالشي ما في فرق علماً انو برأيي الشخصي ما في داعي حدا يفكر يطور شي بوجود Microsoft لأنو الشي اللي عمبتقدمو كافي لتعمل أي شي من دون الحاجة للاستعانة بأي شي خارجي.
و انا من الناس اللي من 6 سنين لهلأ و خلال كل شغلي بدوت نت، بعمري ما استخدمت أي Component خارجي و كل المشاريع يلي اشتغلتها كانت بالاعتماد على الـ Native API نفسها.

النقطة الثانية:
كمان يلي بيحكو عن مجانية PHP و MySQL بثيرو الضحك جداً و لأبعد الدرجات، لأنو مين قال أنو منتجات Microsoft مو مجانية؟!!

رح نبدأ أول شي بالـ Framework نفسه.

الـ dotNET SDK هي مجانية تماماً متضمنة جميع المكتبات و الـ Compiler و بإمكانكن تنزيلها من الرابط التالي:
[ندعوك للتسجيل في المنتدى أو التعريف بنفسك لمعاينة هذا الرابط]

بالنسبة للادوات البرمجية فكمان الـ Visual Studio مجاني بالإصدارات Express الكافية لتعمل أي مشروع بيخطر على بالكن و بإمكان أي شخص تحميل المنتج من الرابط التالي:
[ندعوك للتسجيل في المنتدى أو التعريف بنفسك لمعاينة هذا الرابط]
ممكن تنزيل البرامج التالية:
Visual C# 2008 Express Edition
Visual Basic 2008 Express Edition
Visual Web Developer 2008 Express Edition
SQL Server 2008 Express Edition

و طبعاً اللي بحب يعمل مقارنة بين هالمنتجات و بين برامج مثل الـ Dream Waver او أي IDE ثانية ممكن نتناقش بشكل علمي و مفصّل للي بحب.

و كمان اللي بحب يدخل بنقاش علمي و مقارنة بين SQL Server 2008 و بين MySQL كمان أنا جهاز.

طبعاً في نقطة مهمة كثير للي بيحكو عن المنتجات المجانية.
النسخة الكاملة من SQL Server 2008 و اللي هي Developer Edition لو الواحد فكر يشتريها بتعرفو كم سعرها؟!

2000 دولار؟
3000؟

كل حقها هو 50 دولار و بتاخد نسخة نظامية من Microsoft و اللي ما بصدق يراجع موقع Microsoft.

ثالث نقطة:
الحديث عن مسألة Linux و Windows؟
أول شي بدي أقول أنو حالياً dotNET شغالة على لينوكس من خلال الـ Mono Project بشكل كامل.
بكل الحالات، انا عن نفسي و من يلي شفتهن 90% من يلي بشتغلو PHP سواءً بسوريا او هون بالسعودية بيشتغلو على Windows وبالأخير طبعاً هي مسألة ما بتهمني
بس المقصد أنو بكل الحالات ما تتوقعو حدا من مبرمجين دوت نت متمني يشتغل على لينوكس، لأنو بالاخير ما بهم نظام التشغيل النا كمبرمج.
اللي بيفرق طبعاً هو مسألة الـ Security و هي مسألة مبالغ فيها جداً جداً جداً من أيام IIS5،و بس بقلكن هلأ انو تابعو IIS 7 خلال السنتين القادمات و شلون رح تفرق المسألة تماماً بعد التعديلات الكبيرة يلي صارت عليه هلأ.

و برجع بقول انو هي المسألة شخصياً، يعني انا هلأ لو بدي أشتغل PHP أكيد Windows مكفيني و رح أشتغل فيه.

طبعاً آخر نكتة سمعتها أنو Microsoft رح تجي بعد سنتين على سوريا، و رح تكسح كل شي غير نظامي.
الي أكثر من تعليق على هالموضوع.
اول شي وجود Microsoft ببلد لا يعني أنو يأثر كثير على شغلة النسخ غير النظامي و أكبر مثال هون بالسعودية.
يعني انا بشتغل بشركة هي Golden Partner مع Microsoft و يعني لو نزلت نسخة غير نظامية مين رح يحس مثلاً؟
بس بكل الحالات انا رح أحكي عن رأيي كمبرمج، لنفترض انو صار و اجت Microsoft لعنا و طبعاً هاد مستحيل قبل 10 سنين ثانية، بالنسبة الي اهون شي بعملو اني أدفع 200 دولار حق نسخة Windows و بالمقابل عمبشتري معها Visual Studio مع SQL Server مع جيش من البرامج اللي بتنزل مع Windows.
بظن كل هالادوات بـ 200 دولار سعر رخيص كثير كثير، و على فكرة كل البرامج المجانية اللي شغالة على لينوكس شغالة على ويندوز، و الشخص اللي بجو يكون نظامي ممكن كمان يشتغل على الـ Open Office و على الـ FireFox و على اي شي ثاني مجاني، يعني أصلاً مالي عرفان وين المشكلة بالموضوع.

هون بالمولات سيديات الألعاب حق الوحدة 70 ريال يعني شي 800 ليرة، كمان بظن سعر رخيص لشخص بدو يشتري كل شي بشكل نظامي.

يعني بالأخير اللي بدي أوصلو أنو اللي عندو اعتراض على منتجات Microsoft يحكي بشكل علمي و يتفضل يحكي اللي عندو، و بلا ما نأثر على أفكار الطلاب و نوجههن بالطريق الغلط، لأنو من وجهة نظر شخصية اذا بأسوء أسوء الاحتمالات ما بدي أشتغل ASP.NET أكيد رح يكون خياري الاول هو الانتقال لجافا القوية، و لا كمان Java على قولة البعض مو مجانية و مالها مفتوحة المصدر؟!!!!!!!!!!!!!!!!!!!!!!!!!!!!!!!!!!!!!!!!!!! !!!!

المعلومات دى كلها انا شوفتها بالسعودية لما روحت فى الاجازة لوالدى و الى مش مصدق ممكن يراجع الموقع و يعرف كويس او يسال اى حد ليه فى السعودية لكن انا عن نفسى سالت واحد شغال فى فرع الشركة فى السعودية

» الجارديان: حماقة إسرائيل دفعتها للضرر بمصالحها
» أول تفسير علمي للحب من أول نظرة