Admin
Admin
الجنس : 
العمر : 33
عدد الرسائل : 2702
تاريخ التسجيل : 12/10/2008
المزاج : عالى
 |  موضوع: يوميات ابليس وقريش الحلقة 11 قبل الاخيرة  الجمعة 2 أكتوبر - 16:52 | |
| الحلقة11[ندعوك للتسجيل في المنتدى أو التعريف بنفسك لمعاينة هذه الصورة]رجل الأمن يوجه كلامه لإبليس
– لامؤاخذة ياباشا .. الرخصة بس
إبليس – أنا نزيل هنا يابني .. رخصة إيه اللي انت عايزها
رجل الأمن – معلش سعادتك دي تعليمات .. وياريت بطاقة الأستاذ اللي مع حضرتك
إبليس – الرخصة اهي .. بس بصراحة الاستاذ عمرو محفظته ضاعت
رجل الأمن يلاحظ لحية أبو جهل الكبيرة
– يعني الأستاذ معاهوش تحقيق شخصية
إبليس – لأ معاهوش .. بس ده تبعي
رجل الأمن ينادي واحد تاني .. يوشوشه
( معاهوش بطاقة .. أكيد إرهابي .. بص دقنه أد إيه )
التاني – التعليمات واضحة .. نتحفظ عليه لغاية ما الحفلة تنتهي
رجل الأمن لإبليس – حضرتك تتفضل .. والأستاذ يرتاح هنا شوية لحد ما الحفلة تخلص
إبليس – يعني إيه ؟؟ .[img:c0eb][ندعوك للتسجيل في المنتدى أو التعريف بنفسك لمعاينة هذا الرابط] ده ضيفي .. أنا مش هاتحرك من غيره ؟؟
يتجمع رجال الأمن وفي لحظة يكون أبو جهل معاهم في حراسة مشددة ..
وة إبليس بتتزق داخل الفندق
الحراسة المشددة توصل أبو جهل لقيادة المجموعة .. أول ما يشوفوه يسألوه عن بطاقته
أبو جهل – بطاقة إيه ؟؟[img:c0eb][ندعوك للتسجيل في المنتدى أو التعريف بنفسك لمعاينة هذا الرابط]
القائد – بطاقة ايه ؟؟ .. انت بتستهبل ؟؟ .. معاكش بطاقة ؟؟
أبو جهل – ما عرفش ايه البطاقة دي
القائد – ما ينفعش نخلي حد خطر كده قريب من الفندق ..
خدوه على القسم .. والصبح نبقى نشوف حكايته إيه
أبو جهل يمشي زي المسحور .. مش عارف إيه اللي بيحصل له ..
وفجأة لقى نفسه في وسط مكان ضيق .. قذر .. مظلم .. اترمى فيه .. والباب اتقفل
بدأت عينيه تتعود على الظلام .. شوية كده وسمع ضحكات تتردد حواليه
صوت – ده شيخ تاني اهوه .. يظهر ما بقاش وراهم غير المشايخ اليومين دول
صوت – اصحى يا شيخ عمرو ..
اصحى جالك شيخ تاني يونسك بدل مانت لوحدك هنا بقالك شهر
صوت – ايه يا حنكورة بس .. بتصحيني من النوم ليه دلوقت ؟
صوت – معانا ضيف جديد اهه .. شيخ من اصحابك
المهندس عمرو يفرك عينيه ..
ويبص لابو جهل ..
يسلم عليه ويوسع له مكان جنبه
المهندس عمرو- أهلا يا حاج .. لا مؤاخذة المكان هنا ضيق شوية ..
بس هتتعود عليه ان شاء الله .. ربنا يسهل وما تطولش كتير
أبو جهل – ايه يابني المكان ده ؟؟[img:c0eb][ندعوك للتسجيل في المنتدى أو التعريف بنفسك لمعاينة هذا الرابط]
عمرو- معقول يا حاج مش عارف ايه ده ..
ده مكان تحت الأرض كده بيحطوا فيه الناس الغير مرغوب فيهم .. لحد ما يبان لهم صاحب
أبو جهل – تحت الأرض يعني إيه ؟؟ .. قبر ؟؟
عمرو – بيتهيألي القبر ممكن يكون أرحم شوية .. بنكون عند ربنا وربنا رحيم بعباده ..
بس اللي بره دول .. ما اظنش عندهم رحمة .. انما حضرتك مين واسمك ايه ؟؟
أبو جهل – لا .. دي قصة طويلة .. انا اسمي عمرو .. عمرو هشام
عمرو- معقول .. هههههه .. فرصة جميلة والله .. أنا برضه اسمي عمرو هشام
أبو جهل – وانت معقول بقالك شهر هنا ؟؟
عمرو – أيوه .. افترا بقى .. بس ربنا ما بينساش حد ..
أنا اللي شفته من كرم ربنا خلاني انسى الوقت هنا
أبو جهل – كرم إيه يابني وانت في المكان الكئيب ده ؟؟
ده كرم ربنا ؟؟
عمرو – يا حاج .. خللي عندك إيمان بالله .. قدر ربنا كله خير .. أحكي لك وانت تحكم
[ندعوك للتسجيل في المنتدى أو التعريف بنفسك لمعاينة هذه الصورة]يتبع ان شاء الله [size=21]الحلقة الاخيرة قريبا ان شاء الله انتظرونا[/size] منتديات كلية تجارة دمياطمش بــــــــــــس كام | |
|
night.wolf
تويستراوى ذهبى
الجنس :
العمر : 38
عدد الرسائل : 1838
تاريخ التسجيل : 20/08/2009
| | موضوع: رد: يوميات ابليس وقريش الحلقة 11 قبل الاخيرة الجمعة 2 أكتوبر - 17:01 | |
| | |
|
