كل ما تحب معرفته عن الرخصة الدولية لقيادة للحاسب الالى Icdl

بسم الله الرحمن الرحيم

أولا : وهبدأ أعرفكم بالمواد التى سيتم دراساتها

[ندعوك للتسجيل في المنتدى أو التعريف بنفسك لمعاينة هذه الصورة]


طبعا زى ما انتم شايفين هما
7 مديولات

""""""""""""""""""""""""""""""""""""""""""""""""""""

ثانيا : تعريف بكل مديول

1 - الورد ده برنامج تنسيق النصوص بتتعلم ازاى تعمل بحث ازاى تكتب ورقه جداول بسيطه وبيكتبوا بيه معظم الكتب
2 - البور بوينت ده برنامج عرض شرائح بيستخدوه معظم دكاترة الادارة عندنا فى الكلية زى دكتور مصطفى الكرداوى و الهنداوى
3 - الاكسل ده برنامج كله جداول فى جداول وده بيستخدوه فى الحسابات وفيه مميزات كتيير جدا وطبعا زى ما انتم عارفين لاننا درسناه
4 - الانترنت تعتبر من اسهل المواد بيعلموك الانترنت بصفة عامة ازاى تفتح الصفحة ازاى تعمل ايميل جديد وبرنامج الاوت لوك وده من مرفقات الاوفس بينزل مع الاوفس
5 - الويندوز حاجه سهله موت بيعلموك ازاى تعمل فولدر جديد فايل القوائم احلى حاجه
6 - الاكسيس ده برنامج قواعد بيانات ممتاز تسطيع وضع بياناتك فيه بطريقة دقيقه
7 - حاجه اسمها تكنلوجيا المعلومات بيسموها
IT (information Technology)

وبكده انتهينا من كل مديول
"""""""""""""""""""""""""""""""""

ثالثا : تقدر تدرس فين

كل المراكز بتاعة الكبيوتر دلوقتى ممكن تشرحهالك
وممن مش تدرسها
لانك ممكن تجيب اى مذكرة وتذاكرها وتكبر دماغك
لانها حاجات تافهة جدا

""""""""""""""""""""""""""""""""""""""""""""""""""""""
رابعا : شكل الامتحان
الامتحان اسهل ما يكون بيكون معظمه اختيارى
وعلى فكرة
الامتحان بيكون واحد مع اختلاف الاسئله
لتحميل الامتحانات
Download All ICDL Certificate Exams

طبعا ده شكل الامتحان و هو عبارة
عن الاسئله وكمان متجاوب عليها
يعنى مش هتحتاجوا اى حاجه
بس نصيحه ادرسوها برده
او شوفوا اى حد من اصحابكم ويشرحهالكوا


[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

""""""""""""""""""""""""""""""""""""""""""""""""""

خامسا : أماكن الامتحانات

طبعا كلنا
هنروح اى مركز هيقولنا هتدرسوا وهتمتحنوا وهتاخدوا فلوسكم
طبعا الكلام ده كله كدب
ليييييييييييييييييييييه

كان زمان الكلام ده
دلوقتى
الكلام ده مطبق على الموظفين بس
لان دلوقتى محدش بيرضى يمتحن الطلبة
مثلا الاسعار الدراسه حوالى 200ج فى كل المراكز
وطبعا هيقولوا هتاخدوها
بعد ما تمتحنوا
ويطلع فى الاخر انكم مش هتمتحنوا عندهم
ولكن هتمتحنوا
فى
كلية فنون تطبيقية
كل الى هتدفعوه
35 ج
بس
على كل الامتحانات
طبعا دى منحه
لو حبيتوا تمتحنوا خاص
:::::::::::::::
Private
روحى اى مركز عادى وامتحنوا هناك

والافضل يبقى الامريكى
على الشارع الحربى
بتدفعوا 160ج فى الاول ثمن حاجه اسمها سكيل كارد
وبعد كده 50 ج على كل امتحان بتدخلوه

نصيحه كبروا
::::::::::::
كل الى عليكم تعملوا
روحوا اى مركز تدرسوها ب 200ج او الكلية لو كان فيها تدريب على ما سمعت انه مجانى

وبعدين روحوا فنون تطبيقية وامتحنوا هناك ب 35 ج

"""""""""""""""""""""""""""""""""""""""""""""

سادسا : ازاى تحل فى الامتحان

يجب عدم استخدام الكيبورد يعنى من الاخر
محدش يستخدم اى اختصارات نهائيا
زى مثلا
copy = ctrl +c

ممنوع
ممنوع مثلا
لو طلب منك فولدر جديد
تدوسوا كليك يمين
ثم تختاروا نيو ثو فولدر

غلط طبعا

كل الاستخدامات
بتاعتكم تبقى من القوائم الى فوق

file - edit

سواء
وانتم فاتحين اى برنامج او ماى كمبيوتر
:::::::::::::::::::::::::::::::::::::::::
::::::::::::::::::::::::::::::::::
::::::::::::::::::::::::::
:::::::::::::::::::

شكرا ليكم على حسن الاهتمام

ولو فيه اى حد محتاج اى معلومه او اى سؤال انا تحت أمركم
مع العلم
لن يتم اجتياز اى طالب من الكلية دون ان يحصل على
الرخصة الدولية للحاسب الالى
ولو دخلتوا
دلوقتى
على نتيجتكم القديمه من موقع الجامعه
هتلاقوا
لم يجتاز الرخصة الدولية لقيادة الحاسب الالى باللون الاصفر
يعنى لازم تمتحنوها

وانا فكرت
هتفق معاكم كلنا
نروح نقدم الاسبوع الجاى ان شاء الله
فى فنون تطبيقية عشان نمتحن
هتقولوا عرفت الكلام ده منين
انا درستها 3 مرات ولسه لغاية دلوقتى مش امتحنت
والكلام ده كله عارفه
واخدت كورسات كتير يعنى
ومعايا شاهادات اهم مليون مره من
icdl
بس هنعمل ايه لازم ناخدها

وده الموقع الرسمى
للرخصة الدولية لقيادة الحاسب الالى بمصر
للتسجيل ومعرفة مراكز الدراسه
[ندعوك للتسجيل في المنتدى أو التعريف بنفسك لمعاينة هذا الرابط]
وده شكل الشهاده لقيتها على النت قولت اجيبهالكم بالمره
[ندعوك للتسجيل في المنتدى أو التعريف بنفسك لمعاينة هذه الصورة]