اول تعارف بين الشباب والبنات.!

"إنتى البنت إللى فى خيالى نفس الشعر و نفس العينين و نفس الجسم و..." دى
أول جملة الولاد بيقولوها للبنات فى بداية إشتغالاتهم لبعض و طبعا بيكون
رد البنات "إنت فارس أحلامى ناقصك حصان و خوذة و تبقى صورة طبق الأصل
للواد إللى باحلم بيه" الحياة بتفضل طبيعية لمدة شهر تقريبا فى كل مقابلة
الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح
شعرها و تحط ميك اب و بتلبس هدوم شيك و لكن بعد مرور الشهر إياه كل واحد
بيزهق من التانى .. الولد بيرجع للكورة و لعب الاستيميشن و قعدة القهوة و
البنت بترجع لصاحباتها و النميمة و الفرجة على التليفزيون و الرقص فى أوضة
النوم و بعد ما كان حاطط لها نغمة "قصاد عينى" بقى يحطلها نغمة "كلهم
بيقولوا كده فى الأول" ، السبب الحقيقى للمشاكل دى إن كل واحد بيزهق من
التمثيل على التانى و بيبدأ كل واحد يظهر على طبيعته ، الولد بقى بيتأخر
على معاده مع البنت ساعة و بيروح يلاقيها لسه ماجاتش و بينزل ضارب شعره
جيل و منعكشه و مربى ذقنه و البنت بتيجى لمه شعرها بتوكة و من غير ميك آب
.. و بعد ما كان بيشدلها الكرسى علشان تقعد بقى بينقى الكرسى النضيف و
يقعد عليه و بعد ما كانت بتصمم إنها تشرب أى حاجة على مزاجه مابقتش تشرب
غير قهوة سادة زى اليوم الإسود إللى مش هيعدى ، العيوب إللى كانت مستخبيه
كلها ورا التمثيل بتاع أول شهر حب بتظهر و كل واحد بيقول للتانى انه لازم
يتغير علشانه لو بيحبه بعد ما كان الواد بيقولها إنه عارف إن مشكلته انه
عصبى و هى ترد عليه مش مهم يا حبيبى أنا هاستحمل و مش هاستفزك و اول ما
يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم
خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى
و طبعا الولد مش هيسكت و البنت هاترجع رابطة عينيها و الولد هيرجع مجبس
رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف
إنها مش بتحب الشطة مثلا هيدلق إزازة الشطة كلها فى الطبق إللى قدامها و
هيقولها علشان تتعودى لما نتجوز و طبعا علشان ما تحصلش إصابات زى الحادثة
إللى فاتت بتضطر تاكل و لو إتصلت به فى وقت متأخر فى البيت يقولها إقفلى
دلوقتى عاوز أنام كلمينى بكره و لو إتصل بيها على الموبايل تقوله بابا
قاعد معايا فى الأوضة و تقفل فى وشه السكة ، كل واحد بيكون مصمم إن التانى
يتغير علشان يقدروا يكملوا مع بعض و الرد الطبيعى بيكون أنا كده و عمرى ما
هاتغير عجبك على كده ماشى .. مش عاجبك كل واحد يروح لحاله ، المشكلة إن كل
واحد مش بيصارح إللى بيحبه بكل حاجة بيفتكر إنه لو قال الحقيقة الطرف
التانى هيقلبه ، لو بيحبوا بعض صحيح الإثنين هيستحملوا بس المشكلة إن ده
كله تمثيل فى تمثيل و لما بيزهقوا كل حاجة بتظهر على حقيقتها

بجد والله يا ابو على اخر سطرين هما الخلاصه

انا معاك انى فى كتير بيمثلم وبيحبم يجربو وفى كتييييييييير

بس والله لو بصدق مش هيخبو حاجه

نيس توبك يا كبير

ههههههههههههههههه
لا حلوة تتقمس شخصية منى زكى فى خالتى فرنسا
جديدة يا فاضحنا
ههههههههههههههههه

ههههههههههه
جامدة بجد يا حسن
وياترى انت عملت كدا مع روح قلبك فوزية
ولا بتجربه فينااااااااا

فوزيه دى مطلعه عينى
يلا ربنا ينتقم من الظالم فوزيه بتفكرنى بام كلثوم فىها نفس الاستيل

الموضوع جميل ومفيد لو كنا عايشين في امريكا
احنا هنا في مصر يا حسن والدين بتاعنا الاسلام
يعنى مفيش حاجة اسمها اتنين يحبوا بعض ويتكلمو
قبل ما يبقي فيه ارتباط رسمى
في الارتباط الرسمى قليل انك تلاقي واحد و واحدة بيكدبو وبيمثلو علي بعض
لان كدة هما الاتنين بيدمرو حياتهم ومستقبلهم بايديهم

موضوع جميل وسلمت يداك

iiiiiiههههههههههههههههههههههههه
حلوه فوكس

على فكرة يا فوكس فى بنات لو شالت الميكياج الى هيا حاطاه هتلاقيها شبه رغيف العيش المحروق او كعب الشبشب
فعلا الحلاوة حلاوة الروح

فعلا يا جماعه هيا دى الحقيقه
بس مش كل البنات علشان فوزيه متزعلش منى

الحب الحقيقي لا يقف عند كلمة أو جملة بيقولها الحبيب لحبيبته
لكن همسة تخرج من القلب من الحبيب الي حبيبته

الي ::: حبيبتي

عشقت الحب من أجلك ف عشت العمر أهواك

يا واد يا واد

متشكر يا فوكس