حتى (لا تتعرض للعقوبة الطرد النهائى)

بسم الله الرحمن الرحيم

اولا وقبل كل شئ احب ارحب بجميع الاخوه المنضمين حديثا لموقعنا او زي ما بنقول دايما بيتنا اللي دايما بيجمعنا كلنا

ثانيا :- هاقول بعض الملاحظات اللي لاحظتها من الاعضاء الجدد واتعرضوا لعقوبه الطرد علشان الكل يتجنبها

اول شئ
الاقي بعض الاعضاء بتبعت الميل لاعضاء اخري ونبهنا ان ده مرفوض وممنوع
عندنا لان المنتدي مش غرفه شات في الياهو علشان نبعت لبعض الميل واللي
عايز يتعرف يبقي عنده رسايل الزوار يعرف منه اي عضو براحته لكن برضه ممنوع
يبعت الميل علي رسايل الزوار

ثانيا ُ
الجروبات البعض اشترك فيها وللاسف افتكر انها مكان بعيد عن عيون المشرفين
والاقي البعض بيرد فيها ردود غير لائقه اطلاقا او يبعت صور عليها عليها
اعلانات او صور اصلا مرفوضه اخلاقيا

ثالثاُ بعض الاعضاء عملت البومات للصور عندها في البروفايل واعتبرته حريه شخصيه واضافت اليه صور لا تليق باخلاقنا او عادتنا او تقاليدنا

رابعا :-
بعض الاعضاء بتهزر مع اعضاء اخري بطريقه او باسلوب غير لائق وبحجه انه
بيقول العضو قابل الهزار ده لكن اصلا الكلام مش يليق بالمنتدي ولو العضو
يقبل بشئ مثل هذا فادارتنا لا تقبل اي شئ مثل ذلك

خامساُ
اعضاء كتير بتعمل مواضيع بيتسال فيها عن اشياء او طلبات معينه وقولنا قبل
كده ان اي موضوع زي كده ممكن يكون في قسم الشكاوي علشان يتم الرد عليه من
متخصصين فيه

سادسا
اعضاء كتير بيتم حذف مواضيعها وبتسال ليه الادارة مش بتبعت رساله ليهم انا
هاقول ان كل لو كل مشرف بعت رساله في اليوم يبقي مش هايقدر يراجع مواضيع
غير انه يبعت رسايل لاسباب الحذف لكن لو العضو راجع قوانين المنتدي كويس
وعرفها واتاكد من الموضوع انه مش موجود قبل كده عن طريق البحث عنه في
المنتدي اكيد مش هايتحذف

سابعا يا شباب والله الاعلانات علي اي شئ سواء صور او مواضيع او انفو ميديا او برامج ده اعلان مرفوض ومش كل شويه نقول انه مخالف

ثامناُ
اي موضوع بيتكلم عن مواقع ربحيه او ارباح من الاشتراك في اي موقع نصب ده
مرفوض وعقوبته بتبقي الطرد وكتير بيعمل الموضوع مع اننا قولنا الكلام ده
مليون مرة

يا رب اكون قدرت اوصل كلامي للجميع ويا ريت تبقي الملاحظات دي في عين الاعتبار علشان مفيش حد ينطرد

لان المشرف في الاخر عضو زيك بالظبط واخوك وصاحبك لكن القوانين بتمشي علي المشرف قبل العضو العادي

يا ريت اي واحد يدخل الموضوع يقراه كويس ويطبقه علي نفسه الاول واي شئ مخالف من النقط السابق ذكرها بعد اعتماد الموضوع يبقي اظن العضو هو اللي غلطان واحنا مش هانقدر نساعده اكتر من كده

واسف علي الاطاله

والله العظيم يا ادمن كلام زى الفل وعندك حق فى كل حاجة قولتها

تقبل احترامى

كلامك تمام يا ادمن

و الله انت تعبت نفسك و كتبت بس برده هتلاقى ناس لازم تنطرد علشان تعرف ان الله حق

اتمني ان الكل يلتزم بهذه القوانين
و انشاء الله نصبح احسن اعضاء في احسن منتدي

و انشاء الله مش حيكون في طرد لاي عضو
تمنياتي للجميع الخير

thxxxxxxxx

ارجو ان الكل يلتزم معاك حق وشكرا على المجهود

» الامتحان النهائى فى السيسكو it 1-10
» بطل الاكوادور فى النهائى فى انتظار الفريق الفائز