همسة عتاب

ازيكم ياشباب ويا بنات

يارب يكون الجميع بخير

بصو بقى الحمد لله انا شايف المنتدى اليومين دول على احسن مايرام

واتمنى من الله يفضل على كده ديما

وانا فكرت فى موضوع يخلينا ديما اخوات وطبعا المثل بيقول

لو كنتو اخوات اتعاتبو

والانسان لو زعل من حد عزيز عليه بيعاتبه بعشم بينهم

ولو مش يهمه طبعا مش بيهمه ولا بيسال فيه

انا عملت الموضوع دا بقى عشان

الى عنده اى شكوه من واحد ييجى ويعرضها هنا

وكل واحد فينا يدخل يشوف يمكن يكون حد زعلان منه

او يكون زعل حد بدون قصد

او لو حصل اى سوء تفاهم بين اتنين يتعاتبو ويتصافى هنا

عشان محبش ازعل من حد ومعتبوش على الى عمله

وكمان الواحد ميفضلش شايل فى نفسه

لان ممكن الزعل ده بعد فتره يتحول لكره او حقد

واحنا مش عايزين كده ابدا فى منتدانا الغالى علينا كلنا

ها ايه رئيكم

لو قلتو زيع هزيع واثبت الموضوع

لو لقيتو ان كلامى فى شيئ غلط عرفونى وانا كانى مقلتش حاجه