ahmed treaka22
تويستراوى برونزى
الجنس : 
العمر : 32
عدد الرسائل : 744
تاريخ التسجيل : 26/09/2009
المزاج : تمام جدا الحمد لله
 |  موضوع: أسئلة... والإجابة بالمثل الشعبي المصري  الإثنين 28 سبتمبر - 0:00 | |
| أسئلة... والإجابة بالمثل الشعبي المصريس1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم
س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب
س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه
س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس
س5: ما هى سياسة مصر الداخليه؟
ج5: أضرب المربوط يخاف السايب
س6: ما هو نظام الحكم فى مصر؟
ج6: سمك لبن تمر هندى
س7: ما هو موقف الأخوان المسلمين من الحكم؟
ج7: عينى فيه و أقول أخيه
س8: بما تفسر الأداء الحكومى المصرى؟
ج8: إن كان هذا يكيدك أنا أزيدك
س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب
س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى
س11: بما تفسر التغيير الوزارى؟
ج11: ايه يعمل الترقيع فى الثوب البالى
س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله
س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع
س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب
س15: ما هو الفرق بين حزب الوفد و حزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك | |
|
????
زائر
| | موضوع: رد: أسئلة... والإجابة بالمثل الشعبي المصري الإثنين 28 سبتمبر - 1:48 | |
| |
|
????
زائر
| | موضوع: رد: أسئلة... والإجابة بالمثل الشعبي المصري الإثنين 28 سبتمبر - 1:58 | |
|
س7: ما هو موقف الأخوان المسلمين من الحكم؟
ج7: عينى فيه و أقول أخيه
ههههههههههههههههههههههههههههههه
جامد يا ماان
|
|
ahmed treaka22
تويستراوى برونزى
الجنس :
العمر : 32
عدد الرسائل : 744
تاريخ التسجيل : 26/09/2009
المزاج : تمام جدا الحمد لله
| | موضوع: رد: أسئلة... والإجابة بالمثل الشعبي المصري الإثنين 28 سبتمبر - 22:20 | |
| شكرا ميجو\سفيرة ع المروووووووور | |
|
