رســــــاله من شباب مصر لرئيس الجمهوريه بخصوص البنات

[ندعوك للتسجيل في المنتدى أو التعريف بنفسك لمعاينة هذه الصورة]

انا عارف ان المسؤوليه كبيره يا ريس بس الموضوع ياريس مبقاش يتسكت عليه شباب مصر بيضيع يا ريس ومحدش غيرك هيقدر ينقذنا

ياريس
احنا شباب مصر المحروسه بنطالب ان البنات يدخلوا ضمن بنود قانون حمايه
المستهلك ياريس دي بقت مهزله ياريس وربنا ايوه لازم البنت تبقى ضمن قانون
حمايه المستهلك ويتاخدلها صوره قبل الجواز وصوره في الخطوبه وصوره بعد
الجواز وصوره بعد اول عيل ده الغش بقى علني ياريس والي يكتشف انه اتغش
يرجعها
تاني واهلهاا يتحملوا كل المصاريف الاداريه والفنجريه

يعني
يا ريسنا الشعر وبيفردوه وبيصبغوه والعنين وبيلونها وبيوسعوها ده الي
بيبان يا ريس وما خفي كان اعظم ده حتى لونهم بيغيروا ياريس يعني تاخد
واحده بيضه ولو جيه عليها شويه ميه تلاقيها تبدا تبقع ابيض في اسود وبعد
اول مره تستحمى بيختفي اللون الابيض ياريس ومبيبقاش غير الاسود مش كفايه
السواد الي احنا عايشين فيه لا مؤاخذه يا ريس الافيه حكمت ده غير كريمات
التفتيح والتقفيل والتقشير والتحمير وغيره وغيره يا ريس

ده
حتى الرقه يا ريس بقى فيها غش يعني تلاقي الواحده من دول اول مره تكلمها
تحس انك هتنام على رجليهااا من الصوت الحنين الرقيق وبعد الجواز بتخنشر
وتبقى انيل من ممدوح فرج " احمد ربك على كرشك " وقبل الجواز تقولك والله
كله طبيبعي وفي الاخر تكتشف ان انه فعلا طبيعي بس طبيعي ان كل حاجه تبقى
غير الحقيقه

ياريس انا بطالب باسم كل شباب مصر انهم يعدموا
امينه شلبايه في ميدان عام منها لله بمسكات الزبادي والجرير وعجينة
الصراصير بتاعتها دي علشان هيه السبب ومش عارف مين اساسا الي كان اتطس في
نظره واختارها ملكه جمال مصر ده شــــــاجي في انوثه عنها حسبي الله ونعم
الوكيل فيها

لازم بجد تدخلوا البنات قانون حمايه المستهلك ده
اكتر غش موجود عندنا الغش في اشكال البنات

في
الختام اتقدم باسم شباب مصر بالتحيه والتقدير لسياده الرئيس حفظه الله
ورعاه وهطلب منك حاجه شخصيه كده يعني لو مفيهاش تقاله يعني تشوفلي عروسه
كده من اي بلد من الي سيادتك بتروحهم دول الي معندهومش غش حريمي تبقى
خدمتني خدمه العمر ياريس وربنا يطولنا في عمرك

واخيراااا انا بقولهااا وبعلوووو صوتي اهو الي هتشمتني علشان بقول الحقيقه هقولها ربنا يسامحك

[ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههههههههههههه
هههههههههههههههههههههههههههههههههه

اصلــــــــــــــــــ من يومك ـــــــــــــــــى

اشطه عليك يا ميجوو يا حبي
منور
شفت هبل البنات يا سيدي

ههههههههههههههههههههههههه
كده برضه يا بيدو دى اخرتها

وصلت انك تشتكى للريس نفسه

وعايز منه يجيبلك عروسه

ماشى ماشى احنا هنعمل باصلنا ومش هنرد عليك

ههههههههههههههههههههه
لا طبعا يا ريم مش كل البنات
الطبيعي طبيعي برده

واكيشن يابيدو
واحنا برده هنقدم شكوه من بنت مصريه بخصوص الشاب اليومين دول
يله بلاش نتكلم
وهنقول ربنا يسمحك

مالهم شباب اليومين دول
شباب زي الفل بس محبط وكئيب والبنات مش سيبينه في حاله

محبط وكئيب تؤ تؤ متقولش ليه حاطت اديه فى ميه برده ولا همه اى شىء
متزعلش منى بيدو انا بتكلم معاك عادى موضوعك قابل للنقاش

اه طبعا كل شئ قابل للنقاش
بس مين حاطط ايده في ميه بارده
دلوقتي معظم الشباب مجرد ما بيدخلو الكليه وبيخلصوا ثانوي وهبل الثانوي كل واحد بيشوف ورشه بيشتغل فيها وال بيشتغل مع والده في مصلحته وال بيروح يفتح محل وال بيعمل كذا وكذا وكذا
مفيش حد بيسكت ويقعد يستني حد يمدله ايده وال بيعمل كده بيضيع دلوقتي
علشان محتاج يصرف علي نفسه وبخف حمله شويه من علي اهله
وعلشان يعرف يعمل فلوس يتجوز بيها والا مش هيتجوز قبل ال 35
طبعا لان طلبات البنات واهلهم بقت خياليه
بدج مفيش حد حاطط ايده في الميه البارده غير العيال السييييس بس
:)

طيب وايه رايك فى الى بيشتغل ومكفى نفسه ويقول مفيش معايه
وتعمل اية فى الى يبقى معاه كل يوم فلوس ويقول لخطيبتة والله بيبقى معايه فلوس بس مش عارف مش بشحن ليه اكلمك
وتعمل برده ايه فى الشاب بتاع بابا وماما ويقعد يوعد بحجات كتير وتيجى تبص يقولك اصل بابا اخترلى دى ومقدرش اقوله حاجه لحسن يحرمنى من الميراث والكلام الهبل ده كل طبعا انت عارف مش محتاج اقولك
دة الواحد مدارى بلاوى من الى بيشوفها

انتي اتكلمتي عن نوعين بس من الشباب ودول قله قليله
مش كل الشباب كده (دا غير الدمايطه يعني )
ال هم البخله والسيس ال انا قلت عليهم من شوية
انما والله في شباب زي الفل ( زيي كده ) بس مش اخدين فرصتهم

والواحد يعنى يعرف انه بخيل ازاى هههه ده فى الاول تلقيه بيصرف بتبزر ولما يخد البنت من هنا وخلاص بقت بتعته
يسوق عليها النتانه وتستغرب انه مكنش كده
وربنا معاك يابيدو شكلى زهقتك بردودى

زائر

ماشي يابيدو بقي البنات كدا

ما انتوا كمان بتتغيروا احنا كمان عندنا كلام كتيييييييييييييييييير اوى وشكاوى اد كدا

ممكن نبعتها للريس

لا انا مزهقتش ولا حاجه بالعكس
النقاش ده عجبني جدا
لان مهم جدا الولاد والبنات يعرفو اراء بعض في بعض
وال عنده اي شكوه ضد الولاد يتقدم بيها وانا مستعد للرد فوراااااا

خلاص يا جماعة عايزين نفتح موضوع للناقاش ده بجد
الموضوع مهم

والله انت عندك حق في كل كلمه بتقولها يا بيدو

وانا رأيي من رأيك

وتسلم ايدك يا نجم

شكرا لمرورك يا جيتارست