ضيفة جديدة عندها استفسار

ازيكوا يا جماعة
انا معاكم جديدة فى المنتدى
بس كان عندى استفسار
عايزة اى حد يساعدنى فية
انا كنت ثانوية عامة السنة دى وجبت 91 ادبى ورحت اداب بس كنت عايزة احول تجارة لظروف حصلت
مش عارفة هينفع ولا لاء او لسة فى اماكن فى الكلية ولا لاء
وخايفة اصلا معرفش امشى فى مواد تجارة
ممكن حد يساعدنى بليز

انا مش في تجاره
بس الاصح انك تشوفي بتحبي ايه
اللي بتحبيه هتبدعي فيه
اما بالنسبه التحويل لتجاره اعتقد ممكن ولكن صعب شويه
وبالتوفيق

شكرا ليك
لكن عايزة اعرف صعب لية
ممكن توضح شوية

انا مش في تجاره كمان انا مقولتش صعبه
لو انت كويسه في الرياضه هتبقي سهله
واي حاجه بالمذاكره سهله
كمان انتي شايفه نفسك فين
بتحبي ايه اللي بحبيه تبدعي فيه

نور على فكرة التجارة مش متعلقه بالرياضه زي ما موتا قالك
انتي ممكن او حد من الاسرة يروح يسال لو تعرفي تحولي او لا قصدي يعني في اماكن ولا ايه
انا كنت محوله من علوم المنصورة لتجارة دمياط عادي
واذا كان على المواد فهي معقوله يعني لا صعبه اوي ولا سهله اوي

على فكرة موتا انت فهمت كلامى غلط
انا بسال صعب لية لانك قلت ان التحويل ممكن يكون صعب
مش قصدى على المواد

صوفيا كتب:

نور على فكرة التجارة مش متعلقه بالرياضه زي ما موتا قالك
انتي ممكن او حد من الاسرة يروح يسال لو تعرفي تحولي او لا قصدي يعني في اماكن ولا ايه
انا كنت محوله من علوم المنصورة لتجارة دمياط عادي
واذا كان على المواد فهي معقوله يعني لا صعبه اوي ولا سهله اوي

ميرسى ليكى يا صوفيا انا بس كنت خايفة احسن احول وارجع اندم انى سبت اداب
لانى خايفة معرفش امشى فى مواد تجارة

لا التحويل سهل جدا يا نور
انا اعرف صحاب كتير ليا حولوا وعادى
بس روحى من دلوقتى شؤن الطلبة واسالى
وعلى فكرة
اعرف ناس حولت فى بداية الدراسة
بس انصحك روحى من دلوقتى
ومجموعك اكيد هيساعدك فى التحويل
هى تجارة دمياط اخدت من 351
وبالنيبة للمواد سهلة جدا ولو عايزانى اكتبهالك وايه نظامها وكده قولى وانا اكتبهالك ولو
فيه اى استفسار احنا تحت امرك

وعلى فكرة يا نور تجارة مش ليها دعوة خالص بتجارة
يعنى عندك مادة ادارة هى ادبى اصلا هتدرسى تنظيم وتخطيط ورقابة
وعندك سلوك تنظيمى زى على النفس بس علم نفس ادارى
واقتصاد شبيه لبتاع ثانوى
وعندك المحاسبة برده على فكرة مش ليها دعوة خالص بالرياضة
وكلنا بنستخدم ألة حاسبة
عشان نجمع ونطرح بس
دى الرياضة الى فيها
وكل اعتمادها
على الدائن والمدين
وحبة جداول بتتحفظ ونطبق
بس اهم حاجه تفهمي الجداول ماشية ازاى
مش تحفظيها

admin كتب:

لا التحويل سهل جدا يا نور
انا اعرف صحاب كتير ليا حولوا وعادى
بس روحى من دلوقتى شؤن الطلبة واسالى
وعلى فكرة
اعرف ناس حولت فى بداية الدراسة
بس انصحك روحى من دلوقتى
ومجموعك اكيد هيساعدك فى التحويل
هى تجارة دمياط اخدت من 351
وبالنيبة للمواد سهلة جدا ولو عايزانى اكتبهالك وايه نظامها وكده قولى وانا اكتبهالك ولو
فيه اى استفسار احنا تحت امرك

ميرسى جدا جدا جدا ليك

admin كتب:

وعلى فكرة يا نور تجارة مش ليها دعوة خالص بتجارة
يعنى عندك مادة ادارة هى ادبى اصلا هتدرسى تنظيم وتخطيط ورقابة
وعندك سلوك تنظيمى زى على النفس بس علم نفس ادارى
واقتصاد شبيه لبتاع ثانوى
وعندك المحاسبة برده على فكرة مش ليها دعوة خالص بالرياضة
وكلنا بنستخدم ألة حاسبة
عشان نجمع ونطرح بس
دى الرياضة الى فيها
وكل اعتمادها
على الدائن والمدين
وحبة جداول بتتحفظ ونطبق
بس اهم حاجه تفهمي الجداول ماشية ازاى
مش تحفظيها

شكرا جدا للتوضيح
وان شاء الله فى واحدة راحة تسال لى بكرة فى شئون الطلبة فى الكلية
وربنا يقدم ما فية الخير
شكرا

العفو يا نور ورنورتينا
بجد

كلامك صح يا محمود هو ده بالظبط ال كنت هقوله

وبلذات ان المواد مش متعلقه خالص بال هندرسه بعد ما نتخرج
ولا هنستفاد حاجه اساسا

بس حولى تجاره افضل من اداب كمان
وكمان اعتقد ان تجاره اسهل من اداب

ربنا معاكى

وعلى فكرة مش فيهاا رياضة كتير
ميتعبرش فيها رشياضة اصلا
حاجات عبيطه كده

admin كتب:

العفو يا نور ورنورتينا
بجد

ميرسى ليك دة نورك انت وكل اعضاء المنتدى

miigoo كتب:

كلامك صح يا محمود هو ده بالظبط ال كنت هقوله

وبلذات ان المواد مش متعلقه خالص بال هندرسه بعد ما نتخرج
ولا هنستفاد حاجه اساسا

بس حولى تجاره افضل من اداب كمان
وكمان اعتقد ان تجاره اسهل من اداب

ربنا معاكى

ميرسى ليك وانا ان شاء الله هشوف اذا كنت هحول ولا لاء

sasa كتب:

مفيش حد هيقدر يفيدك يانور لان كل واحد بيبقي مميز في حاجة معينة عموما ارجعي لربنا وصلي صلاة استخارة واطلبي منه يدلك علي الخير واللي فيه الخير يقدمهولك ربنا وربنا يوفقك انتي والجميع ان شاء الله لما يحبه ويرضاه

ان شاء الله هعمل كدة فعلا حتى لو طلعت مرتاحة لاداب هفضل فى اداب ومش هحول
وميرسى ليكى

اللى فيه الخير ان شاء الله هيقدمهولك
ادعى ربنا وصلى وانتى هتوصلى لحل
ان شاء الله

red dragon كتب:

اللى فيه الخير ان شاء الله هيقدمهولك
ادعى ربنا وصلى وانتى هتوصلى لحل
ان شاء الله

غالبا هخلينى زى ما انا فى اداب
وشكرا ليك

ليه
حصل حاجه ولا ايه
انهم حاجه تكونى مقتنعة انت
انت يا نور وبس
واوعى اى حد يأثر عليكى حتى ولو مين

اداب ايه بصراحه احلى كليه تجاره
من ناحيه المواد ومفيش عندنا غياب وحضور واحسن ناس ممكن هتلقيهم هناك
وكمان اسعار الكتب رخيصه ده لو انتى اصلا اشتريتها ورحلات وحفلات وكمان اكبر مجموع فى الكليات التجاره تجاره دمياط
لكن اداب دى فصول مش كليه مستقله وكمان ملهاش اى مستقبل

انا لسة بفكر ربنا يسهل ان شاء الله
التحويل هيبدا بعد يومين وهيستمر 5 ايام
بس على فكرة اداب بات كلية مش فصول وقريب هتتنقل دمياط الجديدة وربنا يسهل
وشكرا ليكوا

ايوة ادا بقت كلية
ومش هتتنقل دمياط الجديده
الا فى جامعة دمياط المستقبلية
هى وباقى الكليات وكمان تجارة
اصل دمياط بتعمل جامعة دلوقتى
وهننفصل ان شاء الله
عن جامعة المنصورى
بس راى بجد زى ما ريم قالتلك يا نور