لعبه حلوة لالالا وحشه لا حلوة لا وحشه مش عارفه

أنا عارفه إن العنوان مش بيدل ع المضمون

أنا عارفه وقاصده ده عشان تدخلوا الموضوع >>>>>>>بضحك عليكم يعنى

ههههههههههههه

اللعبه كالتالى
أنا هاحكى جزء منه قصه وهكون متفائل يجى الى بعدى يكمل الجزء ده ويكون متشاءم والى بعده متفائل وهكذا

مثلا أنا هاقول
إتجمعنا كلنا وطلعنا رحله حلوه

يجى الى بعدى يقول
بس ياخساره الإتوبيس إتخبط ووقع فى النيل

الى بعده يقول بس الحمد لله كلنا طلعنا سلام وكملنا الرحله

وهكذا

أنا هبدأ
كان سليمان مروح بيتهم وفرحان بالعلاوه الجديده وجايب ربع كيلو موز

بس العلاوة اتسرقت والحرامية اكاوا الموز

بس الحمد لله سليمان سليم ومش جراله حاجه

لما روح سليمان لقي مراته بتموووت

بس الدكتور وصل ومراته كويسه الحمد لله دلوقتى

بعد ما الكتور مشي مراته تعبت تاني وبعت ابنه ينزل يجيب الدكتور تاني
المهم ابنه ميدو وهو بيعدي الشارع جه موتوسيكل صيني خبطه جاااامد

زائر

بس الموتوسيكل سليم الحمد لله

الموتوسيكل سليم الحمد لله اه بس
الواد راح المستشفي واتركبله مسامير وشرايح ف رجله
الله يقطع الموتوسيكلات الصيني

بس مراته اتنقلت المستشفى حالتها بقت صعبه

بس الحمد لله ابو ميدو كويس ومرتاح من ميدو ومراته

زائر

بس ابو ميدوو

عاكس الممرضه ال ف المستشفى واضرب هناك

وفضل قاعد في المستشفي لانه اضرب جامد

بس خرج اخير وصحته بقت حلوة

وميدو خرج وهو قاعد على كرسى بيمشى

وروح بيته وام ميدو دخلت العناية المركزة

بس مطولتش ف العنايه وروحت بيتها تاني

بنت خالت ميدو بقي تعبت فجأه وسافرت تتعالج بره

اه بس الحمد لله بقت كويسه كانوا مفكرين عندها انفلونزا الخنازير بس طلعت حاجه بسيطه كحه وصداع وترجيع واسهال بس

جت فاتورة المستشفى لأبو ميدو بس يجيب منين يا حسرة

بس وهوه ماشي وقلقان هيجيب الفلوس منين
لقي شطنه فيها 15 الف دولار مصري

وفجأه وهو ماشى اتكعور وقع على وشه وحرامى سرق الشنطه وهو كمان بقى فى المستشفى ومفيش ولا فلوس ولا حد يساعد

والحمد لله رجعت خالت ميدو من بره
بعد ما اتعلجت هناك وبقت كويسة

بس وهيا رجعه الطياره وقعت في البحر

بس الحمدلله قدرو يطلعو ناس لسه عايشه ومن ضمنهم خالت ميدو

ابو ميدو راح يجيب خالت ميدو
قابل واحده قمر وقام اتجوز على مراته

لما ام ميدو عرفت مسكت في اب ميدو وضربته
ودخل هو المستشفي