تراجع وزير الثقافة عن تصريحاته التي أكد فيها القبض على سارق لوحة زهرة الخشخاش التي تم سرقتها من متحف المثال محمود مختار صباح يوم السبت، ونفى الوزير معرفة هوية السارق أو تحديد مكان اللوحة حتى الساعات الأولى من صباح يوم الأحد.
وأكد فاروق حسني في مداخلة مع برنامج "القاهرة اليوم" أن البيان الذي أكد فيه القبض على السارق واستعادة اللوحة استقاها من محسن شعلان رئيس قطاع الفنون التشكيلية، من خلال اتصال هاتفي جرى بينهما، وأضاف حسني أنه فور معرفته بالحادث جرى إتصال بينه وبين الرئيس مبارك طالبه فيه الرئيس بضرورة معاقبة المقصرين والمتسببين في الحادث، علاوة على إبلاغ رئيس الوزراء، وكافة الأجهزة الأمنية لسرعة القبض على الجاني واستعادة اللوحة.
وزير الثقافة ينفي القبض على سارق لوحة زهرة الخشخاش
وأشار حسني أن التضارب في التصريحات مبعثه محسن شعلان ومندوبي صحف الأهرام والأخبار والجمهورية والمصري اليوم ووكالة الأنباء الفرنسية الذين إتصلوا بي وأكدوا أنه تم القبض على السارق والعثور على اللوحة عن طريق مندوبيهم بمطار القاهرة، مضيفا أنه حاول التواصل مع وزير الداخلية لمعرفة التفاصيل إلا أنه لم يرد لذلك أصدرنا البيان، ثم عدت وتراجعت عنها.
ومن جانبه وفي مداخلة مع برنامج "القاهرة اليوم" على شبكة الأوربت في الساعات الأولى من صباح السبت أكد محسن شعلان رئيس قطاع الفنون التشكيلية أنه من أبلغ وزير الثقافة بالقبض على السارق واستعادة اللوحة استنادا إلى نبأ عاجل بثته إذاعة راديو مصر، وأنه يتحمل مسئولية ما جاء في بيان الوزير من معلومات غير صحيحة، مضيفا أن كاميرات المراقبة لا تعمل نظرا لتركيبها منذ أكثر من 15 عاماً..
وزير الثقافة ينفي القبض على سارق لوحة زهرة الخشخاش
وأضاف شعلان أن قوات الأمن مازالت تكثف إجراءاتها من أجل التوصل إلى هوية الجاني وكشف ملابسات الحادث والذي روى تفاصيله قائلا أن الجهات الأمنية بالمتحف اكتشفت اختفاء اللوحة حوالي الواحدة والنصف من ظهر يوم السبت، بعد أن زار المتحف 9 أشخاص " روسيين وإيطاليين و4 أسبانيين وطالبة مصرية.
وكانت أجهزة الأمن بوزارة الداخلية كثفت من جهودها لكشف غموض سرقة لوحة زهرة الخشخاش للفنان فان جوخ من متحف محمد محمود خليل والتي تقدر بثمن أكثر من 50 مليون دولار من جانب مجهولين صباح يوم السبت.
وصدرت تعليمات أمنية إلى كافة منافذ البلاد الجوية والبحرية والبرية لعدم تسرب اللوحة إلى خارج البلاد فيما تقوم أجهزة أمن الجيزة برفع البصمات من المتحف وتفريغ شريط كاميرات المراقبة الموجود بالمتحف.
وفي نفس السياق، قرر الفنان فاروق حسنى وزير الثقافة فتح تحقيق إداري عاجل مع كل المسئولين بمتحف محمد محمود خليل ومع قيادات قطاع الفنون التشكيلية بالوزارة.
**********************************
طبعا الموضوع دة فضيحة لمصر بكل المقاييس
لوحة اثرية تقدر ب 150 مليون مش 50 بس لان 50 دة كان تمنها من 15 سنة و تتسرق بكل بساطة كدة نقول عادى
متحف زى دة فيه لوحات لا تقدر بثمن و مفيش فيه كاميرات مراقبة و متعطلة من 15 سنة
ممكن نقول عادى ( مفيش 250 جنيه يجيبو بيهم كاميرا واحدة ) عادى بردو
السكيورتى نايم و الامن زى الزفت و لوحة زى دى خرجت ( معلش كانت فى جيب الحرامى ) عادى بردو
انما ان وزير الثقافة و وزير الداخلية يطلعو ببيان رسمى يقولو فيه انه تم العشور على اللوحة و تحديد هوية السارق و اقيمو الافراح اللوحة رجعت المتحف .......
و لما عمرو اديب اتصل بالمسؤولين عن المتحف و سلهم عن اللوحة قالو انها لسة مرجعتش و مسروقة لسة ...........
رجع اتصل بفارق باشا حسنى قال اه معلش اصل بتوع المصرى اليوم و الاهرام و كل الصحافة اتصلو بيا و اكدو ان اللوحة تمام و ظبطوها اثناء محاولة تهريبها .... معلش انا اسف و يقدم اعتذار رسمى
و الله دى فضيحة عاااااااالمية بكل المقاييس ......
الخبر على الصفحة الرئيسية لياهو !!!!!!!!!!!!!!!! اه و الله
و كل وكالات الانباء العالمية و المواقع مهتمة جداااا بالموضوع دا
و طبعا حبايبنا مستغلين الموقف و مصر بلد الامن و الامان و بلد الديموقراطية و .......
اللى حصل ان اللوحة خلاص برة مصر حاليا
لان اللى ظبطت فى مطار القاهرة كانت واحدة مزيفة مرسومة عادى
و طبعا الامن كله كان عليها و كله فرح بيها و اللوحة الاصلية كانت بتتهرب فى نفس الوقت اكيد من مكان تانى
طبعا الفيلم دا شوفناه اكتر من مرة فى السينما المصرية ... و للاسف حصل فينا بجد
دلوقت ملناش حق نطالب براس نفرتيتى اللى فى المانيا و اللى مبهدلين الدنيا عليها احسنلها انها تكون هناك
و الله خايف اصحى ما الاقى الاهرامات و ابو الهول ولا المتحف المصرى كله
احنا فى كارثة بكل المقاييس و طبعا فاروق حسنى اللى من يوم ما اتولدت و هو وزير ثقافة اسوء حاجة هتحصله انه هيتعزل عن منصبه .... و ايه يعنى هو شبع خلاص من المنصب و اللى اخده من ورا المنصب
الامن عندنا شاطر اوى معانا بس يقتل خالد سعيد .....
يعذب سواق التوكتوك ......
يضرب جماهير الكورة و يحبسهم ......
باختصار يهين كل الشعب المصرى
انما مع الاجانب مينفعش ( دا مستورد و ناس محترمة ) !!!!؟
طبعا معروف اللى هيحصل كالاتى : يطلع بيان من الرئاسة يدين و يشجب هذا الفعل و يطالب بمحاسبة المسؤولين عن المتحف و معاقبة المقصرين
و يطلع بيان من مجلس الوزراء الى وزارة الداخلية بسرعة تحديد هوية الجانى و القبض عليه و اعادة اللوحة للمتحف فى اسرع وقت ممكن
بعدها بيان وزار الداخلية ان الموقف تحت السيطرة و كل مداخل و مخارج الدولة كلها مقفولة و اكيد هنلاقى اللوحة
و طبعااااااااا ال9 اللى كانو فى المتحف لحظة وقوع الحادث 8 اجانب و طالبة مصرية ( يا حظها الفقر )
طبعا دى معروف مصيرها و مصير اهلها و اللى يتدخلها هتبقى وقعته سودة
دى هتتبهدل و هيطلع عينها و امن دولة و هتقضى ايام من كل انواع العذاب على كل شكل و لون
انما الاجانب هنعاملهم بحضارة و رقى و نطبطب عليهم و مش هنقدر نكلمهم فى اى حاجة لان وراهم دول و سفارات و قنصليات و سفراء بيعرفو يدافعو عنهم كويس و يجيبو حقوقهم
ملحوظة ( اكتر الاجانب اللى كانو فى المتحف اللى هما 8 غادرو لبلادهم بدرى بدرى ... و اكيد مكانوش جايين زيارة للمتحف دة و على بلادهم .... يعنى اكيد رجعو و معاهم حاجة مهمة اللى هيا اييييييييييييه ....... ولا بلاش )
طبعا فترة من البحث و التنقيب و الكشف عن الحقائق و يقيد الحادث ضد مجهول و ننتظر سنتين ولا تلاتة و نلاقى اللوحة فى صالة كريستى معروضة للبيع و تدخل مصر فى نزاعات دولية مع الصالة و قابلنى لو اخدنا حقوقنا
من الاخر بسبب حادث زى دة سمعة مصر و شكلها الامنى هيبقى وحش اوى و مش هيبقى فى ثقة ولا حد هيدينا اثاره نعرضه فى متاحفنا تانى
فى الاخر مش لاقى اى حاجة اقولها غير
حسبى الله و نعم الوكيل
موضوع: @@ فضيحة عالمية لمصر .......... @@ 
الأحد 22 أغسطس - 3:30
