اسكالوب محشى بالجبن

مقادير الاسكالوب :

صحن صدور دجاج ( تقريباً أربع صدور )..

ليمونه وحده..

2 ملعقة خل..

ملعقه صغيرة ملح..

نص ملعقة صغيرة فلفل أسود ..

ملعقة صغيره ( اوريغانو ) زعتر بري ..

ملعقة صغيرة ثوم بودره ( أو 2 فص ثوم مدقوق اذا ماعندك بودره )..

جبن شرايح ( اي نوع تحبينه أنا استخدمت كرافت ) ..

كوب طحين أبيض ..

2 ملعقة كبيرة بيكنج باودر ..

2 بيضة مخفوقه ..

بقسماط ( كاس تقريبا )..الطريقة :

1/ تاخذين شرايح الصدور وتدقينها اما ( بيد النجر ) او ( بالمطرقة تبع الاكل ) عشان تصير الشريحة رقيقة ..

يفضل تحطينها داخل كيس نايلون وتدقينها ( كذا انظف ) ..

2/ تخلطين التتبيله واللي هي ( الليمون و الخل والملح والفلفل والثوم والاوريغانو ) وتحطين شرايح الدجاج فيها وتغطين عليها << اتركيها في الثلاجة مدة ساعة أقل شي وكل مازادت المدة أفضل ..

3/ بعد كذا تشيلين الشرايح من التتبيله ( انتبهي لا تغسلينها ) بس مجرد تعصرينها بيدك ..

4/ حطي شريحة دجاج بصحن وحطي عليها شريحة جبن ( قطعي الجبنه عشان تاخذ شكل شريحة الدجاج )

5/ بعدها غطي الجبن بشريحة دجاج ثانية ..

6/ اخلطي في وعاء << الطحين + البيكنج باودر << وغمسي فيهم صدور الدجاج المحشية ( غطيها كويس بالطحين) ..

7/ بعدها غمسي الصدور في بيض وبعدها بقسماط

8/ حطي الصدور في الفريزر لمدة ( نص ساعة تقريباً )..

9/تقلين الدجاج

تسلم ايدك على الوصفة اس ام اس