قولنا واحنا نعمل ايه يعني قالنا وانا مال اهلي يعني تتفضلوا وكل واحد يتصرف دي كانت توصيله منيله بنيله انا اصطبحت بوش مين (( يعني غلطان وبيشتم كمان .. مشاء الله ))
"امري لله" قولتها في سري زي ما كل الناس قالتها
لكن الساعه 2 الضهر ومفيش ولا مواصله في الحر ده ... يـــارب
وعندي امتحان يا نهار اسوخ والمكان الي همتحن فيه علي بعد ساعه من الحته بتاعتنا دي هوصل ازاي اعمل ايه وانا مش قادر امشي في الجو ده لان رجلي وجعاني قولت استني نصيبي مع الناس الي انسجامهم اتقطع بسبب ابن الــ .................... يلا المسامح كريم
قولت ابص كده علي الاشكال الي كانت راكبه معانا الحاج الي عنيه مقفله ده كان نايم معلش يا حج ازعجناك والست الي شايله شنط دي صعبانه عليا وقفتها في الحر ده
والشاب الي كان بيعاكس الي جنبه اكتر واحد مضايق لان انسجامه اتقطع اكتر واحد بيشتم في وزير النقل
يعني طبلت علي دماغ الكل
فينا الي قرر يعتمد علي وسيله المواصلات الطبيعيه الي ربنا خلقها وقرر يمشي
ربنا معاك !!!!
والي كان بيعيط زي صاحبنا الي بيعاكس
والي فرش ونام زي الحاج الي كان نايم
وصاحبتنا الي كانت بتتعاكس اتصلت بحد جه خادها بملاكي (( اوعدنا يا رب ))
وطبعا بصيت لصاحبنا وفطست علي نفسي من الضحك وكان فاهم انا بضحك ليه
موضوع: اهى ركوبه والسلام 
الثلاثاء 10 أغسطس - 14:34
