لو حد سألك مين هو المصرى هتقوله ايه ..؟

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصالح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك

المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير
نص
جنيه

المصري هو اللي يقعد معاك ع الفطار في رمضان
هو اللي يشتري بالونات لولادك في العيد
هو اللي يقف جنبك وانت بتدبح الاضحية
هو اللي يباركلك لما ابنك يجيب مجموع ويساعدك يجيبله شغلانة
هو اللي ييجي يقولك تجيب كشاكيل و أقلام بالجملة عشان توفر المصاريف

هتقولي هما كل المصريين كــــده
هاقولك لا

بس أي مصـــــــري حقيقي و اصيل لازم يكون كــــــــده
لان طيبة المصري مش ممكن تلاقي زيّها فى اي بلد تانية
ياترى هو بقى في من
المصري ده؟...

المصري طول عمره رجوله واد ابن بلد عسوله

جميل ملاك
ايوة هو ده المصرى اللى بجد
تسلم ايدك

هما دول المصريين
اجدع ناس واطيب شعب
وموضوع جميل ملاك

موضوع جميل ملوكة

محمد
دانا
متعب
شمس
ميرسى ليكوا
نورتوا التوبيك

المصرين اجدع ناس تامنيهم علي نفسك
وفيه منهم كتير الوقتي طبعا
الرسول قال
الخير فيا وفي امتي ليوم القيامة

تسلمى ملوكه ع الموضوع

جميييييييييييييييييييل

تسلمى مونى كلامك رائع نورتى ياقمر
تسلمى نهلة

أكيد مصرى ابن مصرى

وبقول زى ما قال مصطفى كامل لو لم اكن مصريا لوددت أن أكون مصريا

نورتى التوبيك مس

» لو انت اللى بتكلم الريس هتقوله ايه.........؟
» انا المصرى ....انت مين ؟
» الى الشعب المصرى
» طرائف و غرائب الشعب المصرى ( مش في حل )
» الكشرى المصرى