التعليم!!!

التعليم

طبعا ايه اللي يكئب الاطفال من صغرهم ويكرههم في حياتهم ؟؟؟؟؟؟؟؟؟؟؟؟؟؟؟؟

التعليم و الصيدلية

الصيدلية معروفة عشان الحقن

التعليم عشان احنا مش بنعلمهم احنا (بنتعلمهم) للاسف

اصعب لحظة علي الطفل وهما بيصحوه غصب عشان يروح الحضانة بقي وبعدها ابتدائي
يالهويييييييييييييييييييي علي احساسه ,وشه طبعا عليه غضب الله , الدموع باينه في عينيه , طب ليه احنا بالذات؟؟؟؟؟؟؟؟؟؟؟

(اكتب
الدرس ده 100 مرة و50 مرة املاء) فاكرين الكلمة دي اللي كنا بنكرهها اكتر
من اي حاجة في صغرنا , واكتب جدول الضرب علي قد ماتقدر , ولما كان يحب
يسكتك في الفصل يقولك طلع الكشكول واكتب من 1 ل 1000 وانت اتدعك في الكشكول
لغاية اما يخلص بس كنا مش فاهمين

وفي الامتحانات الغش طبعا هو السائد تلاقي الامهات بتدعي بره عشان ربنا يسهلهم ويغشوا وبالتالي ينجحوا

ومن
امثلة الادعية الشهيرة ( اللهم قرب ورقة زميلي مني , وابعد اعين المراقب
عني ) وتلاقي الام بتوصي الواد الشاطر علي ابنها ( والنبي يابني تاخد بالك
من ابني هه ؟ تغششه كويس عشان ربنا يكرمك , بلاش الخبث بتاع امك اللي انا
عارفاه , ويذكروا بقي حديث المصطفي عليه الصلاة والسلام :

{ من سئل عن علم فكتمه ألجم بلجام من نار } ............... وعجبي

وياويلك اذا كنت طالب مثالي ومش بتغشش حد يالهوييييييي يدعو عليك بالويل والثبور ويتهموك بقي انك مش متعاون وبتحب نفسك وبس

ومش صاحب كويس وسنة اللي جابوك سودا وتلاقي الواد اللي انت ماغششتوش مستنيك بره ويرنك علقة هو واصحابه

واللي
يضحك تلاقي السبورة مكتوب عليها ( من غشنا فليس منا ) وتلاقي (معظم)
المراقبين يقولك ايه ؟؟؟؟؟ هديكو ضهري ونخلص بقة الهمة ياولاد ربنا معاكو
ويوفقكوا
وتفوت السنة ورا السنة وفاكرين اننا بنتعلم ( تعليم مش علم )

واضحك
بقي الاطفال واللي كنا منهم واللي يشيلوا الكتب كلها علي ضهرهم وماشيين
محنيين ياحول الله وبيبقوا طبعا محتاجين علاج طبيعي نتيجة التقوس وخلافه

ملاحظات :
-------------

مادة الدين ( التربية الاسلامية او المسيحية ) ليه استاذ العربي موكل دايما انه يدي الدين للعيال ؟؟؟؟؟؟؟؟؟؟؟؟؟؟

طب
ليه هو مش مادة لها درجات ومهمشة بالشكل ده ( مجرد مادة نجاح وسقوط )
وايام الامتحانات طبعا لامحل له من المذاكرة او الاهتمام , اكتب اي حاجة
تيجي علي بالك تاخد 24 من 25 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا في مرة كنت في 2 اعدادي وكان استاذ عربي هو اللي بيدي الدين وبعدين كان فيه حديث للرسول عليه الصلاة والسلام بيقول :

" اتقوا الملاعن الثلاثة " البراز في الموارد وقارعة الطريق والظل ” اتلبيت في لساني وقلت اساله يعني ايه الظل وليه من الملاعن ؟؟؟؟؟
تخيلوا يقولي ايه ؟؟؟؟؟؟؟؟؟؟؟؟؟
(دي
يابني الحتة الضليلة ) بضم الضاد ايوة طب ليه من الملاعن ؟؟؟؟؟؟ طبعا وشه
نزلت عليه اللعنة هو كمان وماردش علي السؤال ولا انا فهمت

سنة ساته:
-------------
سنة ساته جت . سنة ساتة راحت والناس تلطم

سنة تلاقي في سنة دراسية ناقصة , وسنة تلاقي سنتين مع بعض ( وطبعا اللي يحب النبي يصقف ) للقرارات المحكمة دي

الراجل ينام يحلم بحاجة يصحي ينفذها والعيال تولع بقي ,

وثانوية 3 سنين , لا خلوها اتنين , لا خلوها سنة, طب معلش خلوها 2 وخلاص يلا ؟؟؟؟؟؟؟؟؟؟؟؟؟؟؟؟

والمهم طبعا الحرص علي مصلحة اولادنا الطلاب ؟؟؟؟ بس احنا اللي مش مستوعبين مصلحتنا

ندخل بقي علي مصيبة كل شاب وفتاة وكل بيت مصري

الثانوية العامة
----------------

مجرد ما الواحد يدخل سنة تانية ثانوي يبدا بقي من شهر 7 ( في الاجازة ) الدروس

وطبعا علي راي جورج سيدهم ياتنتن ياتنتن ( ياتنحرف ياتنتحر ) وفعلا

سمعنا
عن اللي انتحروا لانهم ماحلوش كويس ( عمرنا ماسمعنا في الدنيا عن حد انتحر
في بلد بسبب الثانوي غير عندنا ) عمرها ماحصلت في اوروبا وامريكا .......
اصلهم ماعدوش علي مصر

والاهالي تلطم من الدروس الخصوصية واللي من غيرها مفيش مجموع
تلاقي اعلانات المدرسين حاجة تكسف

فقيه اللغة العربية علاء طعيمة

ساحر اللغة الانجليزية ( عزت بكير ) وكتابه الشهير كيف تتعلم الانجليزية في 20 سنة بدون معلم

سقراط الفلسفة

خديوي التاريخ
خريطة الجغرافيا
بطليموس الرياضيات
وغيرها من الالقاب اللي تكسف وخلت العلم تجارة

وطبعا مفيش نوم ... مفيش اكل ... مفيش شرب ... كتب ثم كتب ثم كتب
الوقت اللي تلعب فيه تذاكرلك فيه كلمتين احسن وافيد

وغيرها من النصايح اللي تكره الواحد انه يذاكر حتي لو في نيته انه يذاكر
والمشكله
عندنا في موضوع الثانوي بالذات ان العيلة بتبقي عايزة الولد يدخل كلية قمة
بصرف النظر عن ان الولد ده بيحب ايه او موهبته ايه

النظرة الجاهلة اللي بتقول : طالما مجموعك عالي يبقي طب وهندسة وصيدلة يابلاش
وياويله اللي يقول غير كدة : يبقي المجنون الاكبر وكفر بالالهه

واللي ربنا اكرمه بمجموع اقل ومدخلش في القمة والاوائل يعمل ايه؟؟؟؟؟؟؟؟؟؟؟
يروح علي مراكز الروبي للتاهيل العسكري ؟؟؟؟؟؟؟؟؟؟؟؟؟

عشان
يقدم في الكليات العسكرية لان ده الحل الاخير... احسن له طبعا من تجارة او
حقوق |( ده من وجهة نظره) لانه ممكن يكون موهوب فيهم بس نقول ايه

مفاهيم نفسي تتغير من عندنا
اطلبوا العلم ......... مش التعليم

الجامعة
----------
دي بقي المكافاة بتاعت سنين الشقا والعذاب

ياعم كبر خلاص خلصنا ثانوي نهيص بقي في الكلية

لو اتطلب منك بحث بتعمل ايه؟؟؟؟؟؟؟؟؟؟؟؟
تشوف واحد بيحب الابحاث وتخليه يعمل هو البحث
وانت اخرك تشوف عايز فلوس قد ايه وتدفع وبس
بدل ماتعمله من باب انك تعمل حاجة تفيدك في حياتك

اللي يضحك في الكلية الاتي :منها
----------------------------------------
1- هاتلي 50% من المناهج اللي درستها وقولي ايه علاقتها بالواقع

2- هاتلي 90% من الدكاترة اللي كانو فاهمين هما بيقولو ايه

3- اتمني انهم يدخلو عنصر الشباب في التدريس بدل الدكاترة اللي طالعين من البلاص

4- اتمني ان اي دكتور يغلط يعترف بغلطه ومايتكسفش

5-
اتمني ان اسعار الكتب الجامعية تبقي اقل من المراجع ( مايبقاش المرجع ب25
جنيه لاعظم العلماء في الغرب ودكتور مع احترامي ليه الاقي كتابه ب80 جنيه
وبتوع صيدلة عارفين كدة) اكيد فاكرين

6- اتمني ان المناهج نفسها
تبقي مواكبة للعلم الحديث ...... مش يبقي الناس في علم النانو بره واحنا
هنا لسه بنثبت ان الذرة عبارة عن نواة وحواليها الكترونات
ونثبت ان الارض كروية

7- ياريت ان اللي ندرسه نطلع نلاقيه علي الواقع ....... مش ندرس حاجة ونطلع نلاقي حاجة تانية خااااااااااااالص عن اللي درسناه

واخيرا
ياريت نهتم بالعلم وليس التعليم

ياريت

كلام مظبوط جدا ياهشام وواقعى فعلا

تسلمووووو على التوبيك

بنعمل اللى علينا وزيادة ومش بناخد حقنا نعمل ايه اكتر من كده

فعلا مفيش قدامنا غير ان نهتم بالعلم وليس التعليم

يسلمو على اختيارك

موضوع اكثر من رائع ارجون

و عندك حق

انا مرة سالت مدرس عن معني المؤمن كيس فطن
رد عليا و قال ان المؤمن من شدة ايمانه
ناصع و ابيض زي كيس القطن

هو طبعا التفسير غلط
بس قال كده لان كلمة فطن كانت بالقاف مش بالفاء يعني غلطة مطبعية

معني كده اصلا مش فاهم ولا عارف انها فطن مش قطن

تسلمووووووووو على المرور نورتو التوبك ياريت نهتم بالعلم

بتوصف اللي بيحصلنا كلنا
ويا تري امتي نوصل لدرجة البلاد اللي انتا بتتكلم عنها

هى دى الحقيقة يا هشام انت منتظر ايه من بلد اهلها عقولها بقى مترسخ فيها الجهل و يقولك الجهل نعمة

عندق حق والله يا ريت يهتموا شوية بالتعليم
ويحببوا الاطفال فى المدارس

» وادى اخرة التعليم المجانى
» وزير التعليم العالى يطرد رئيس «مدينة مبارك» من مجلس الشعب
» تعالوا نشوف المدينة التعليمية فى اليابان ونحن كيف نطور التعليم فى بلادنا