كرســـى الــتــنــفــيــض

ربنا يعينك يابنتى

ههههههههههههههههههههه

ايه ده ياميجو

عاجبك كده يا فرجينيا مش نائب المدير

طب ساعدينى حتى ههههههههههه

هحاول اجاوب ربنا معايا بقى

ومستنى للاخر كمااااااااااان ماااااااااااشى


** احزانى غيرت لون البحر **

دى جملتك طبعاااا
احكى وفضفضى اى حزن جواكى واسبابه
ومين السبب فيه سواء صديق او حبيب


ده انا لسه حاطاها النهارده بس !!!

بس الحمد لله مش للدرجه دى مش غيرت لون البحر ولا حاجه بس الجمله عجبتنى بس يعنى

الواحد ساعات بيحصله حاجات بيفتكر ان دى اخر الدنيا بس بعد كده بيكتشف ان ده اما خير ليه او ابتلاء من

ربنا احسن من اللى فيه غيره كتير وفعلا لو عرفتم الغيب لاخترتم الواقع

وانا شخصيا لو حد قالى تبقى زى مين احب ابقى نفسى لان ربنا عارف كل واحد يقدر يتحمل ايه

انا الحمد لله مش عندى احزان بس اكيد زى ما بيقولوا لكل جواد كبوة بس الشاطر اللى يقوم منها ويخليها تأثر

عليه تأثير ايجابى



فى اغنيه بتقول : ليه الى يحب بزياده ويتمادى فى حنانه
يشوف حبيبه يبيعه ويسيبه وكالعاده يقوله ظرووف

هل حصل الموقف ده مع حب ليكى من قبل ؟
هل سلمتى فعلا قلبك وتماديتى فى حبك
وفعلا مش يستاهل ؟؟


لا الحمد لله ده محصلش معايا مع اى حد من اللى حواليا بس انا رأيي ده مش صح مع اللى يختار صح

بالعكس كل ما تعطى حب وحنان ووفاء ده بيزيد من قيمتك مش بيقلل منها

بس ده ميمنعش ان فى بعض الناس بيفتكروا ده ضعف ويستغلوه بس دول انا محبش يبقوا موجودين فى حياتى

لان ده نوع من الانانيه


من وجه نظرك ؟؟

هل الحب والطيبه والاخلاص
حاجات بقت من عيوب الجيل ده؟؟

وايه السبب فى كده ؟؟


عمر الحاجات الحلوه ما تبقى عيب بس زى ما قلت لازم كل واحد يختار الناس اللى ينفع معاهم ده

الحب والطيبه والاخلاص هما اللى مش بقوا موجودين وهو ده العيب واللى يتأذى بسبب انه كده عمره

ما يزعل او يغير من نفسه لان هو الصح وربنا هيعوضه بس برضه لازم يختار اللى يستحقه عشان مشاعره دى اغلى من انها

تنجرح



ما هو الشعور الافضل بالنسبه ليكى ؟

تحبى الهدوء والاستقرار لوحدك
ولا الخروخ والاصحاب

اى لحظه فيهم بتلاقى نفسك فعلا ؟؟



كل حاجه ليها وقتها عندى بحب اخرج مع اصحابى وبحب السفر والفسح وكل الحاجات دى

بس برضه بحب اقعد لوحدى ساعات مش بس لو متضايقه بس عشان ساعات ببقى محتاجه ده او بفكر فى حاجه

او عايزه اوصل لحاجه مع نفسى كده يعنى



ــــــــــــــــــــــــــــــــــــــــ

هل جربتى ولو مره واحده ان تمسكى قلم
وتخرجى الى جواكى ؟؟

لو فاكره فعلا قوليلى كنتى كاتبه
حاجه حزن ولا فرح
وايه كان شعورك وقتهاا؟؟

بكتب حاجات كتييييييييييير جدا وماما تقفشها بعد كده وتعرف انا كنت زعلانه ليه هههههههههه

علطول تقريبا بكتب كل حاجه جوايا غالبا لما بكون زعلانه بس حتى لو زعلانه من نفسى

بس برتاح جدااااااا بعد ما بكتب




كلمه واحده تردى بيها على الناس الى بتكرهك؟

وكلمه تردى بيها على الناس الى تحبك ؟

هل ترى انك محبوبه بين الناس ولا مكروهه ؟؟

وايه السبب فى الحالتين ؟؟


اقول للناس اللى بتكرهنى انا مش بكرهكم وسامحونى لو ضايقتكم غصب عنى

اما لو اذيتونى فحسبى الله ونعم الوكيل بس هو اكبر من اى حد


والناس اللى بيحبونى اقولهم انا مقدرش اعيش من غيركم وربنا يخليكوا ليا بس اكيييييد انا بحبكوا اكتر


انا بتهيالى والله اعلم انى الحمد لله محبوبه بين الناس لان انا لما بتعامل مع حد مليش دعوه بشخصيته ده طبعا لو مش قريب منى

بتعامل بطبيعتى واتعامل زى ما هو بيحب يتعامل وانا بطبعى الحمد لله مش مغرورة ولا بحب الفشر ولا بحب ارسم نفسى على حد

هههههههههههههههههه عشان كده يمكن

هل جربتى من قبل معنى الجرح وأيامه ؟؟
طب هل انتى جربتيه لحد وجرحتيه ؟؟

تفتكرى يا نهله ان الجرح ده بقى حاجه أساسيه خلاص
فى الحب الايام دى ؟؟


لا الجرح مش حاجه اساسيه بس احنا اللى خليناها اساسيه معلش يمكن رأيي صعب شويه بس معظم اللى بشوفهم

حواليا عايشين فى افلام كل واحد عايز ياخد دور المظلوم البنت تقول انا عملت كل حاجه بس مفيش فايده وتسمع اغنيه حب امتلاك

والولد يسمع اغنيه انا نسيتك خلاص وكل واحد يعيش فى الدور وهما اصلا ممكن يكونوا مش بيحبوا بعض

الحب اكبر من كده انا بالنسبه لى الحب اختيار وتفاهم وتضحيه قبل ما يكون كلام

وطبعا جزء اساسى من ده ان معظم الحب بقى غلط يعنى اكيد ربنا مش هيبقى مبارك فيه

الحب زى النبات الصغير كل ما نعطيه اخلاص ووفاء وتفاهم واحترام كل ما هيكبر ويعطينا فرح وسعاده مش حزن وجرح



ـــــــــــــــــــــــــــ

ايه هو الحب الى انتى رسماه لنفسك فى دماغك ؟؟
يعنى عرفى الحب الى فى بالك من وجه نظرك ؟؟

وبنسبه كام فى الميه محتمل انك تلاقيه ؟؟
وليه تفاؤل النسبه ده
او تشاؤمها
على حسب ما تكتبى ؟


انا محبش ابقى ورده حلوة الكل يشم ريحيتها وفى الاخر تدبل وتموت انا احب ابقى جوهره واحد بس اللى تكون معاه

مشاعرى عندى اغلى من اى حاجه لازم احافظ عليها وهى امانه عندى مش هعطيها الا للى يستحقها

الحب عندى اول حاجه لازم يبقى ربنا راضى عنه بعد كده لازم يكون شخص مناسب ليا

النسبه الى حد ما متفائله


ايه مواصفات فتى احلامك ؟؟
وتفتكرى ممكن تلاقيه فى الزمن ده ؟؟


هههههههههههههه هتجيبلى عريس ولا ايه

اقول انه متدين - متحمل المسئوليه - محل ثقه - طموح - رومانسى وطيب - يحب الخير للناس-

بيغر نفسه دايما للاحسن وانا معاه -يحترم وجودى - مش بيحب الحياه الروتينيه -

ده باختصار جدااااااا تفتكر ده موجود ؟؟؟؟

هو صعب جداااااااا بس اكيد لسه فيه


المنتدى بالنسبه ليكى ايه بصراحه ؟؟

اكيد فى اعضاء دخلوا قلبك وحبتيهم زى اخواتك بجد
من غير ما تشوفيهم

مين همااا ؟؟


هو المنتدى الوحيد اللى بدخل عليه وبجد ببقى مبسوطه وانا بكتب مواضيع او بشوف حاجه جديده واعرف حاجه مكنتش عارفاها

كتيييييييييييييير والله مثلا

نودى - دانا - فرجينيا - ميس - ايس- شمس - نور

واكيد انت طبعا ناس كتييييير والله مش عايزة انسى حد


ايه هوايتك ؟؟
وممثلك المفضل؟؟
ومغنيكى ومغنيتك المفضلين ؟؟


بحب الرسم والغنا

ممثلى المفضل منى ذكى - احمد حلمى - والسقا

والمغنين عمرو دياب - تامر - فضل شاكر

يارب اكون عرفت اجاوب وشكراااااااا ميجو ع الاسئله

ومفيش اطاله ولا حاجه ههههههههههههه

اجابات موفقه جدااااا بجد
واتمنى ربنا يوفقك فى حياتك
ويديكى كل خير على قد نيتك

واحب اطمنك مصر لسه بخير
هههههههههههههه

ميرسى يا ميجو

انا مستعده اسمعكوا بس تستحملوا بقى ههههههههههههههههههه

ههههههههههههههههههههههههههه

منوره بجد نهله

ها لسه فى حد عايز ينفض تانى ولا صعبت عليكوا كده ؟!!

انا همشى من هنا امتى !!!!!!!

مستنيه العضو اللى بعدى عشان اطلع ده كله عليه هههههههههههههه

ههههههههههههههههههههههههه
هههههههههههههههههههههههههه

يا عيـنى

وانا الى فاكرك مبسوطه معانا هنا

ههههههههههههههههههههههه

عموما أخر يوم ليكى الجمعه

هههههههههههههههههههههه

لا مبسوطه معاكم والله بس عشان متزهقوش منى بقى

يابخت من زار وخفف

لا ده انتى اصلا جيتى يبنتى فى ايام الدلع

مشفتيش الايام بتاعه التنفيض الصح

فين هى بس يا جدعان

الله يرحمها بقى

حد سمعنى من الى بينفضوا كويس

يكمل ع البت دى

هههههههههههههههههههههههههه

لسه يومين اهو

هههههههههههههههههههه
هههههههههههههههههههههههههههههه

فين يا جماعه التنفيض
ولا خلاص كده
استكفيتوااااااااااااا
؟؟؟

هااااااااا؟؟

امال لو كانت شافت اللى حصل معانا كانت عملت ايه

العضو بقى فرحان هو اعد على الكرسى

الاول مكنش بيلاحق يعمل اى حاجه يدوب يصحى يحل ويخش يلحق ينام

هههههههههههههههههههههههه

ههههههههههههههههههههههههه

فاكر انت الايام دى يا اتش

لسه كنت بحكى عليها

ههههههههههههههههههههههههه
دى جت فى ايام الدلع خالص
هههههههههههههههههههههههههه

ههههههههههههههههه

يالا النهارده اخر يوم هترتاحوا منى بقى

منتى منورانا

هههههههههههههههههههههه

طيب اسال انا شويه اسئله رخمين شويه

استحملى بقى

ايون يا اتش يلا شويه ع السريع كده

يجى 80 ولا حاجه زى ما كنت بتعملى
هههههههههههههههه

هههههههههههههههه

ده انا كنت قلت كده خلاااااااااااااص !!!