قصه من خيالكم خش وكمل القصه

[ندعوك للتسجيل في المنتدى أو التعريف بنفسك لمعاينة هذه الصورة]

يا جماعه عايزين نعمل قصه

و كل ما حد يدخل يكملها

و اللى بعده يكمل و كدا

بس انا محتار نعملها على الاعضاء
ولا نجيب شخصيات من الخارج تاليف يعنى
عاوز اسمع ارائكم قبل ما نبدا

من ده على ده ...شخصيات من خيالنا وشويه من الاعضاء زى ما تيجى بقى بظروفها يعنى
فكره حلوة ع فكره عشان طبعا احنا مواهبنا كلها فنيه طبــــــعا وهنطلع بقى السناريوهات الى جوانا هتبقى سيما

فكرة جميلة أوى احنا هيطلع مننا بلاوى بس بجد هنطلع سنيروهات حلوة
وانا من رأيى نعملها على أعضاء المنتدى

وبعد ازنكوا ان هبدأ بقصة جت فى بالى كده وانتو تكملوها

بدا اعضاء المنتدى فى التفكير فى عمل رحله للصين واتفقو على مواعيد الرحله وفى الموعد المحدد حزم كل عضو امتعته واستقل سياره ذاهبا الى المطار...................

كملوا بقا ولو صاحب الموضوع مش عاجباه القصة بتاعتى عادى يا اتش غيرها

ماشى هنخش على طول فى القصه

استاجرنا المينى باص المهم واحنا ماشين فى الطريق متجهين اللى المطار وعلى الطريق الزراعى للقاهره
كانت فيها امطار شديدة وكان فيه وادي قاطع الشارع والسيارات كلها واقفة والشرطة موجودة .. كان منظر الوادي رهيب جدا
المهم توقفنا
عنده مايقارب الساعتين وبعدين قررنا نجازف ونقطع الوادي عشان نكمل الرحلة
.. اتخيلوا نقطع الوادي بالباص .. الناس كانوا كلهم متجمهرين امام الوادي
وعيونهم كلها علينا احنا نتقرب من الوادي وقلبنا يخفق ...وكان السائق رافض عبور الوادى
.............................
عاوز اشوف الابداع

السائق زرجن شويه بس فى الآخر قام معدى الوادى بعد ما حاجة الأعضاء اتبهدلت والشنط وقعت

بس الأعضاء ما شاء الله همة عالية وسرعة فى الأداء ظبطوا كل حاجة

الحمد لله وصلنا للمطار وكل الأعضاء مهدودين من المشوار ونازلين بقا

طبعا الأدمن كان حاجز طيارة مخصوص للمنتدى بقا (فلوسه كتير) كان لونها برتقالى حسب رغبة افرجينيا
ووضع شعار ( انسى الدنيا وريح بالك) حسب رغبة أراجون ههههههههههههههه .

فجأة لقينا ميس اجيبت تعبانة يا ترى لييييييييييييييييييه

وطبعا ميس ايجيبت كانت تعبانه
وصوتها مبحوح
من كتر الكلام والخوف الى كان عندها
عماله لوك لوك لوك لوك لوك لوك لوك
لما جابتلنا صداع
من كتر الأر
وخلاص
كنا هنسيبها فى الطريق
بس صعبت علينا
بس خدناها معانا زى بعضه
وحان الان وقت الصعود الى الطائرة
يقترب الاعضاء من الطائرة
ثم اكتشفوا عدم وجود السلم
لان العربية بتاعة السلالم
بتاعة عم محمد
اتاخرت
فدلوقتى كل همنا ازاى نطلع الطيارة من غير سلم

فدلوقتى كل
همنا ازاى نطلع الطيارة من غير سلم
فعلا مشكلة ان مفيش سلم للطيارة

ابتدينا نتأخر علي ميعادنا

وفجأأأأأأأه
لقيت ديموس بيقول يا جماعة انا عندي الحل

في مركز جمب المطار اسمة جيجا سوفت

احنا نطلب السلم بتاعة
واكيد مش هيبخل علينا

المهم علي ما راح ديموس يجيب السلم كانت عربية السلم وصلت

ولان كمان السلم اللي جابة طلع صغير فاضطر يرجعة

والكل طلع الطيار ة بحمد لله

وبعد ماطلعنة الطيارة نادي البشبيشي

وقال يا جماعة يا ريت تربطو احزمة الأمان للإقلاع

وللأسف واجهنا مشكلة قبل الإقلاع

وهي

إن مكنش فيه أحزمة أمان

مشكلة الحزام دى طبعا كانت مشكلة صعبة واجهتنا بس لقينا ان الأدمن عايز يعمل فينا مقلب وخباهم المهم بعد مالقانا يأسنا جابهم .
المهم احنا ملبوخين فى البحث عن الاحزمة وعمنا ريد دراجون قاعد بيعاكس فى المضيفات وبيطلب عصير شلموه هنشوف شكل الطائرة الجميلة بتاعتنا من جوه

[ندعوك للتسجيل في المنتدى أو التعريف بنفسك لمعاينة هذه الصورة]

ودى قاعة المشرفين فيها أجهزة كمبيوتر عشان نتابع المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

وطبعا ده الرجيم و المطبخ

[ندعوك للتسجيل في المنتدى أو التعريف بنفسك لمعاينة هذه الصورة]

ودى غرفة الإدارة

[ندعوك للتسجيل في المنتدى أو التعريف بنفسك لمعاينة هذه الصورة]

طبعا طيارتنا مصنوعه خصيصا لاعضاء المنتدى الجامدين اوووى ..ودى طبعا اشتريناها بعد ما الادمن لم التبرعات من المنتدى كله وطلع عينا ف الفلوس والذى منه ده مايخلاش ان الموضوع تخلله كام نصبايه كده.. ده انا سمعت ان خزنة البنك المركزى اتسرقت ف نفس الوقت الى لاقينا فيه الادمن داخل علينا طااااااير من الفرحه وبيقول اخيرا قدرت اكمل تمن الطياره طبعا الفار لعب ف المنتدى كله بس احنا مالنا يعنى المهم ان الطياره وصلت وعلى احسن طراز كمان .....
جوا الطياره بقى وبعد ما حكاية الاحزمه اتحلت وكل واحد اتبرع بحزامه فجأه لاقينا الطيار بينادى وبأعلى صوووت يا اخوانا كل واحد يلتزم مقعده وانت ياريد ايوة انا شايفك بطل معاكسه ف المضيفات وانتى يا ميس انا جالى صدااااااااع ارحمينا شويه بدل مانزلك عند اول موقف ومن غير براشوت
(الطيار عمال يرغى فالمايك بتاعه واحنا ف التراوه) ااحنا دلوقتى يا جماعه فضلنا نص ساعه ونوصل مطار الصين يالسلامه بس ف مشكله دلوقتى اكتشفتها ان البنزين قرب يخلص محدش معاه ينوبكم ثواب ولاعه ولا جردل جاز نمول ..وبعد ما الخبر ده اتقال وزعزع امن الطياره بالكامل لاقينا شمس يعينى اغمى عليها من الخضه وفريجينيا جالها حاله عصبيه وعماله تشد ف شعر يولندا يولندا يعينى كان فاضلها شعريتين وتبقى ولا حسام حسن ف عز شبابه
وميجو عمال يغنى ظلموووه واراجون بيغنى هو كمان بس بالهندى وماسك صورة البت اشورياراى وبيعيط يعيط ويقولها كنت ناوى افلسع من العيال دول ف الصين واخطف رجلى لحد عندك واتقدملك بقى بس سيكا ها سيكاها وصحيح زى ما المثل بيقول جه اراجون يفرح الطياره بنزينها خلص وشكلها كمان العمر هيخلص
وبعد الحااله المفزعه دى وانا اعده عماله اهدى ف الناس انا والادمن الى اتنصب عليه ف الطياره وشكلها جايه بدون قطع غيار اصلا سمعنا صوت ف راديو الطيار بس مكنش واضح اووى ياترى صوت مين ده وياترى بيقول ايه؟؟ اسمعو معايا كده بس بس بس يا ميس خلينا نسمع بقى

وطبعا سمعنا الصوت الغريب ده
وكل اعضاء المنتدى عايزين يعرفوا ده مين
لدرجة انهم كانوا
خلاص
هيموتوا ويعرفوا
وقام جاى المعلم ميجو
واخد السماعات وحاطتها فى أذنيه الاثنين
متعرفوش ازاى بس هما فى الاثنين يعنى
عشان يسمع ويعرف صوت مين
عارفين طلع مين
؟؟؟؟؟؟؟؟
طلع
نور الجنة
وهى عماله تضحك علينا
وتقولنا انها السبب فى الى حصل ده كله
وتقوم بالضحك الضحكات الشريرة الخاصه بها
ويكاد الاعضاء جميعا ان ينهاروا
.............
كفايا كده عليا

طبعا نور عملت كده عشان الحلاكه الى ادمن عملها لانها عرفت الى الفلوس بتاعت التبرع مكفتش والادمن سرق البنك المركزى فمكنتش موافقه على الفكره دى فقالت للادمن ناجل الرحله لحد منجمع التبرعات الادمن طبعا مهموش وقام طالع ومسمعش كلمها ف نور حبت تفضى البنزين عشان الطياره متطلعش وقالت للادمن بس الادمن مصدقهاش المهم الادمن طلع كان عارف ان الطياره من غير بنزين ايوه كان عارف
ومس ساعت ما عرفت قامت مسكت فى زمرته وكانت هتقتله شوفوا يقى الى هيحصل مع محمود

وطلعت نور هى الى عامله المقلب بتاع البنزين فينا بسبب محمود عشانه خططت ودببر ونفذ كل حاجه من ورانا وياريته قسم علينا المبلغ طلع من اصحاب مبدأ الى ياكل لوحده يشبع
المهم ان دلوقتى كلنا طبعا اول ما سمعنا الخبر وانه طلع مقلب من نور كلنا هجمنا على نور والبت يعينى مبقتش باينه ف وسطينا بس اتضربت ضرب وشمس كمان عشان صاحبتها اخدت من الحب جانب عشان تبقى تحوش عنها واتضربت هى كمان وف الاخر اعدنا كلنا نضحك ع الموقف ده والطياره اتقلبت قهوه وهيصه ولعب [ندعوك للتسجيل في المنتدى أو التعريف بنفسك لمعاينة هذه الصورة]
شويه ولاقينا الطيار بيذيع ف المايك الى قارفنا بيه ده وكأنه اول مره يمسك مايك ف حياته بيفكرنى والله بحد عندنا ف الكليه كده يفضل ماسك المايك وهات يارغى طول الامتحان لما ببقى خلاص هقوم اعلقها بسلك المايك ف المروحه
حمدالله على سلامه الاعضاء احنا دلوقتى وصلنا لمطار الصين اتمنالكم رحله سعيده
بس فجأه واحنا كل واحد بيستعد عشان هننزل من الطياره سمعنا صوت عياط من اااااااااخر الطياره
ميس بتسأل اراجون بتقوله ::ف ايه؟؟ مش ده صوت دانا تعالى كده نشوف ف ايه
كل الاعضاء راحوا يشوفوا مين الى بتعيط دى وبتعيط ليه؟؟
الادمن وبصوت طهقان من الرحله الى مش باينلها ملامح دى::مالك يا داانا بتعيطى ليه؟؟ حد داسلك على صوباع
دانا :: اصل انا امممممم انا اممم
الادمن::هو يوم مش باينله شمس اساسا ارغى مااالك؟؟؟ اهدى كده بس
شمس ::بتطبطب عليها وبتقولها مالك ف حد ضايقك؟؟
دانا::لا محدش ضايقنى اصل انا لاقيت صورصار من بتوع البوب الى بيربيهم هربان ودخل شنطتى صورصار شكله وحش اوووووووووووى عاااااااااااااااااااااااااااااااا[ندعوك للتسجيل في المنتدى أو التعريف بنفسك لمعاينة هذه الصورة]
البوب::بتقولى ايه؟؟ مين الصورصار الى تجرأ وخرج من علبته ده؟؟ عدى عدى ورينى كده الشنطه دى
ميجو::انا مش قلتلك ياض انت تسيب المستنقع بتاعك ده ف مصر ولا انت جايب الصراصير تبيعها هنا عشان عارف ان الصين وجبتها الشعبيه هى الصراصير لا يا واد طلعت بتفكر صحيح
دانا :: انتوا لسه هتكلموا طلعوا الصورصااار ده من شنطتى حاااااااااااااااااااااااااااالا
وتم بحمد الله العثور على ذلك الصورصور الهارب وطبعا البوب لازم يعاقبه عشان كده حرمه من الاكل اسبوع كامل ويتحبس ف علبه لوحده
طبعا ميس فطسانه على نفسها من الضحك هى والبنات صاحبتنا على منظر دانا والصورصور والادمن ماشى يكلم نفسه من عمايلنا ويقول صبرنى ياربى مش عارف اربى
كله نزل من الطياره بحمد الله وبقينا ف ارض المطار الصينى ياترى ايه هيحصل وايه المفاجأت الى مستنيانا ف البلد دى؟[ندعوك للتسجيل في المنتدى أو التعريف بنفسك لمعاينة هذه الصورة]

كله نزل بقا من الطيارة بحمد الله وبقينا فى مطار الصين بعد ضحك وهزار كتير فى الطيارة وكله نازل مزاجه عالى وتمام
فجأة لقينا أراجون بيقول في مكرفون الطيارة يا جماعة احنا بنتخطف فيه جماعة ارهابية سيطرت ع الطيارة فالكابتن رونالدو بيقول لميجو (وميجو حاطط سماعات وبسمع تامر) الحق يا ميجو فى جماعة ارهابية هتخطفنا ميجو رد عليها وقال يا عم انت بتصدق برضه الكلام ده ده اراجون شكله بيهزر معانا ومن ناحية تانية جوجو نازلة من الطيارة عايزة تكمل نوم فنازلة من الطيارة نايمة مش سامعة فيولندا بتقولها الحقى الحقى هنتخطف ردت جوجو لا يا شيخة خطف ايه هو احنا فى قندهار ولا ايه بطلى تتفرجى على افلام قديمة كتير يولندا قالتلها لا لا بجد اسمعى اسمعى اراجون بيقول كده اهو فزغقت شمس وقالت فين الرجالة فقما افاتار نادى وقال على الجميع الهدوء قالتله ميس هدوء ايه احنا بنتخطف هداها افاتار وقالنا كلنا لازم نكون ايد واحدة والآن يتم تجميع لجنة للتفاوض اللى بيعرف صينى يقول يا جماعة طبعا محدش رد فرد واحد من الإرهابيين do u speak english?
قال افاتار الحقوا ده فيه واحد بيتكلم انجلش دى لعبتك يا بلاك شادو خش عليه دخل بلاك شادو على الإرهابى وقعدوا يتكلمو يا ترى بيقولوا ايه؟