امتى هتقوم ؟

منذ ان وعيت للدنيا وانا اسمع لفظ الحالة نايمة فى مجتمعنا
عندما تسئل اى حد فى الشارع عن الحياة يقولك ان الحالة نايمة وان مفيش شغل ويحكى ليك انه 3 اولاد ومحتاجين مصاريف والاسعار ترتفع
وفجاة تجد الشخص اللى بيقولك كده تلاقيه راكب عربية هونداى 2010 وماشي بيها
هل الان حالته قامت من نومها
والله العجب
من كام بيوم كده اتكلمت مع صاحب موبليا مشهور جدا بدون ذكر اسمه حتى لا احد يعرفه
فقلت له يا عم الحاج فى جامع بيعاد بنائه اى لسه بيتبنى ومحتاج تبرعات مساهمة من حضرتك فى بناء المسجد
قال ليا الرجل يا عم لؤي الحالة نايمة جدا الايام دى
قلتله ---------------- ليه

قالي كنت بابيع فى اليوم قبل كده 16 اوضة نوم والان بابيع 11 اوضة فقط

تخيلوا 11 اوضة فى اليوم ومش عجبه
قل يا عم الحمد لله
سبب عدم البركة فى اموالنا هو عدم قول الحمد لله والرضا بما قسم الله لك والقناعة
وتجد الراجل راكب عربية على احدث موديل bmw ويقولك الحالة نايمة
يا تري قامت ولا لسه هتقوم ؟
انا لو احكى ع صحابة الرسول وكم صحبي ليس معه الا ثوب واحد فقط يذهب بيه الى الصلوات الخمس فى اليوم وهو ليس معه الا هذا الثوب
دلوقتى اللى عنده 5 بنطلونات
وتلاقي 5 قمصان
ويقولك الحالة نايمة
كم كان محقا ما قاله السيد احمد عز محتكر الحديد حينما قال ان الشعب المصري من اغنياء
واقولكم على سبيل المثال
موظف اعرفه راتبه 350 جنيه فى الشهر وعنده 4 اولاد وياتى كل يوم بشرب الشاى واكل سندوتشات ب 4 سندوتشات وعلبة السجاير اللى تمنها 8 جنيه ومعاه موبايل n 85 ولما بكلمه اخبار الحياة ايه
يقولي يا استاذ الحالة نايمة وعندى كوم لحم قصده عياله ومرتبات الحكومة وحشة انا باخد 350 جنيه
قلت له توقف يا حاج
قالي ولماذا
فكان امامى علبة السجاير
قلت له هل الحكومة قالت ليك ادفع فى علبة السجاير كل يوم 8 جنيه
هل الحكومة قالتلك اشتري موبايل n85
فاندهش الرجل من كلامى وقال لي لم اجد اى احد يتكلم معي بهذه الطريقة
فقلت له قل الحمد لله
لا تنظر الى اعلي بل انظر الى اسفل فهناك اناس اقل منك ويحتاجون الى 100 جنيه لا محتاجين 5 جنيه يشتروا بيها اكل لعيالهم
قالي كم عمرك ؟
قال عمري 21 سنة
قال قابلت شباب كثيرون ولم احد قال ليا هذا الكلام
قلت له قل الحمد الله على كل حال فهناك اناس اقل منك
وقلت له توقف عن السجاير فثمن علبة السجاير تحتاجها انت وزوجتك وعيالك وانت بهذا تضر صحتك
فالمهم انتهيت من الحاجة اللى عملتها وقلت للراجل فرصة سعيدة اننا قابلتك
فقال ليا بارك الله لك وجزاك الله كل خير

فقل الحمد لله على كل حال فى السراء والضراء ولا تقل ان الحالة نايمة
فرزقك سياتى حتى لو كانت الحالة نايمة
اعمل ما عليك وسيجزيك الله كل خير فى الدنيا والاخرة