حقوق السعاده محفوظه

سعادتك ...من حقك....
دور عليها...
و علشان تلاقيها ...
لازم تلاقي معنى لحياتك...
و علشان تلاقي معنى لحياتك ...
لازم تعرف انت مين و وظيفتك ايه في الدنيا...
و علشان تعرف ده لازم تعرف انت اتخلقت ليه؟؟..
و علشان تعرف اتخلقت ليه..لازم تعرف مين اللي خلقك...
عايز السعادة؟؟؟
ارجع للخلقنا و خلق معانا السعادة... :):)
هتلاقي اجابة للأسئلة دي...

هتلاقي ان احنا اتخلقنا علشان نعبد ربنا و علشان نعمر في الأرض و نبني و نخترع و نشتغل و نجتهد و نبدع و نكتشف و نتأمل في خلق الله ... و من هنا يجي معني الحياة .. و من هنا تيجي السعاااااااااااادة :):)

لو قلتلك بكرة الصبح ان شاء الله هيبقى عندك مليون جنيه ....هتفرق معاك أد ايه؟؟؟ سعادتك هتزيد أد ايه؟؟؟
فيه ناس سعيدة لدرجة انها مش هتفرق معاهم كتير ..مش أكتر من ابتسامة و كلمات شكر و تسبيح......
طيب لو تاني يوم ما أخدتهم ....راااااحو من ايديك :(:(.....هتكون حزين أد ايه؟؟؟

هي السعادة في القلب و لا في الايد؟؟؟؟..
لو في الايد يبقى ممكن حد ياخدها مننا...
لو في القلب يبقى محدش يقدر يهوب ناحيتها...الوحيد اللي ممكن يديهالنا أو ياخدها مننا هو ربنا سبحانه و تعالي
هل ممكن نكون بنتألم بس سعداء؟؟؟
هل ممكن نكون في شدة وسعداء؟؟؟
هل ممكن نكون مضغوطين و سعداء؟؟؟
هل ممكن نفقد حبيب و نكون برده سعداء؟؟؟

هل ممكن نشعر بالحزن و السعادة في نفس الوقت؟؟؟؟؟؟؟؟؟!!!!!!!

أنا ممكن أكون حزينة اني فقدت حد قريب مني بس سعيدة انه باذن الله يكون في مكان أفضل بكتيييييييييير من اللي احنا فيه، سعيدة اني فاهمة الكلام ده أصلا ، سعيدة اني منجرفتش في الحزن، سعيدة بحب ربنا ...سعيدة بنعم ربنا..سعيدة بحب أهلي و أصحابي ..سعيدة اني أكيد هشوف الحد ده قريب باذن الله....

ممكن أكون في شدة و تعبانة ..بس سعيدة ان ربنا بيبتليني و بيطهرني من ذنوبي علشان أقابله من غير ذنوب...سعيدة اني أكيد هطلع متعلمة حاجة جديدة من الأزمة دي ...سعدية لأني بشكي لربنا همي و بدعيله...سعيدة لأني فاهمة ان الدنيا دي قصيرة أوي و ان مكاني الأصلي مش هنا..مكاني في الجنة :):)

ممكن أكون بتألم و سعيدة ...لأني عارفة انه تكفير ذنوب أو زيادة لحسناتي...

ممكن أكون مضغوطة في شغلي و سعيدة...لأني حاسة اني بعمر في الأرض ...لأني مؤمنة برسالتي ....لأن حياتي ليها معنى...لأني حاسة بنجاح.....لأني حاسة أن ربنا مستحيل يضيع مجهودي...

أنا مش عايزة يتفهم من كلامي اني بنكر وجود أي مشاعر تانية غير السعادة في الدنيا...لأ ده مش ده قصدي ....المشاعر التانية موجودة....
بس ايه المسيطر علينا؟؟؟ ايه الشعور المسيطر على حياتنا؟؟؟؟

ربنا مخلقناش علشان نشقى في الدنيا...بالعكس....ربنا خلقنا علشان نبقى سعداء ...و كمان خلقلنا أسباب السعادة... و وجهنا ليها...

و أسباب السعادة هي :

معرفة الخالق سبحانه و تعالى ....و معرفة سبب وجودنا على الأرض...ساعتها ممكن كل نفس بتنفسه ناخد عليه ثواب لأنه لله...كل شغلنا لله...كل لعبنا و نومنا و معاملتنا لله...كل تعميرنا في الأرض لله...

ساعتها هنعيش سعداء و نموت سعداء :):)

كلمة أخيرة أحب أقولها...تعالوا ننشر سنة الابتسام...الابتسامة بتسعدنا قبل ما بتسعد اللي قدامنا