ممكن اعرف ايه تعريفك للحياء نسبة الحياء فوجهك اد ايه بتستحي يعنى ولا ايه؟؟؟؟
لما يبقى دينك جاى مخصوص عشان الحياء زى ماقال الرسول ده خلق الاسلام ويبقى انت بتبص للى رايحة واللى جاية والصورة اللى فالتوقيع الفلانى ومش بعيد تكون انت الل بتنزل صور او بتحطها فتوقيعك
طب بالله عليك يا اخى ده اسمه كلام بالله عليكى يا اختى ده كلام برضه
يعنى الاجانب الانجليز بيترجموا الحياء SHAME والكلمة دى معناها خجل وطبعا فيه فرق كبير بينهم شفتوا احنا مميزين اد ايه الخلق ده اصلا هم ميعرفهوش هم مدرسوهوش هم مش بيعرفوا حتى انه موجود
بجد يا سلام لما حد يشوف منظر واحد ماشى بيغض بصره فى الشارع واحدة ماشية عنيها فى الارض متبصش الا للاضطرار متبصش لما حرم الله وهو مبينتهكش حرمات الله انا بتكلم مع اللى عاوزين يعفوا نفسهم على اد ميقدروا
والحياء مش بس فى النظرة الحياء فى المعاملة الحياء فى اللبس الحياء فى الدين الحياء فى الجلوس والوقوف والكلام
عاوزين نرجع الحاجة الجميلة دى فعلا والله افرح لما الاقى حد فى المنتدى مليان حياء بجد والله فى هنا ناس ماشاء الله عليها وكلكم اعهدكم عند الله على خير ولا ازكيكم على الله
بجد ياجماعة عاوزين الخلق ده يرجع تانى لينا
الحياء
مش هقولك استحى من اللى ادامك انا هقولك استحى من ربنا اللى هيحاسبك على اللى هتعمله
عن أبى هريرة رضي الله عنه، أن رسول الله صلى الله عليه وسلم قال: “الإيمان بضع وسبعون، أو بضع وستون شعبة، فأفضلها قول لا إله إلا الله، وأدناها إماطة الأذى عن الطريق، والحياء شعبة من الإيمان
اذا قل ماء الوجه قل حياؤه *** ولا خير في وجه إذا قل ماؤه حياءك فاحفظه عليك وإنما *** يدل على فعل الكريم حياؤه
ايه تعريف الحياء من وجهة نظرك؟؟؟؟ هل انت/ى بتغض بصرك او بتجاهد نفسك للحياء؟؟؟؟ هل الحياء موجود؟؟؟؟؟ هل بتشوفه ؟؟؟؟؟ ولو بتشوفه بتشوفه فين؟؟؟؟؟ لو شايفه راح من معظمنا ياترى ايه السبب؟؟؟؟؟ بجد انا مفتقدة الحياء فأمتنا مش هقول كلنا كده بالعكس فيه ناس ماشاء الله زى ماقلت نور الحياء مالى وجوههم انما يكفينى انى اقول كل واحد بيقرا كلماتى تلك عارف هو فين من الحياء وهو فين من خلق الاسلام ومنضايقش ان لاقينا بنعمل حاجة غلط بس نضايق لو مقررناش نبطلها
موضوع: محدش شافه يا جماعة...كنت بدور عليه..حدش لاقاه؟؟؟ 
الجمعة 30 أبريل - 12:12
