يعني إيه كوكاكولا زيرو

- يعني تترشح في الانتخابات عن فئة (العمال) وتنجح فتعيش عيشة (الملوك(

-يعني تبقي جماعة محظورة بس ليها 80 نائبًا في البرلمان.

- يعني أبوك ياخدلك كشك في مصر القديمة ويحصل هبوط في الأرض يبلعك إنت والكشك، فتنزل تلاقي كنز تحت الأرض.

-يعني الفرق بين الزمالك والأهلي يوصل لـ 7 نقط وتسخن المنافسة بينهما والإسماعيلي يفوز بالدوري.

- إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.

-إنك تجيب جون في نفسك والحكم يحسبه أوفسايد.

- يعني يبقي عندك شركة روتانا وتشتري مطربين مصريين وتجمدهم، ولما الحكومة تسألك عن الأرض اللي اشتريتها في توشكي وجمدتها، تقول لهم هازرعها أمال أنا كنت باشتري المطربين ليه؟

- يعني شيخ الأزهر يموت وأول واحد ينعيه البابا شنودة.

-يعني تقعد ليلة الامتحان في أي كافيه تلعب بلاي ستيشن والامتحان يتلغي علشان الأسئلة اتسربت.

-يعني الريس يسافر برة علشان يعمل عملية في المرارة والسولار يختفي من البلد في نفس اللحظة علشان ماحدش يستغل الفرصة ويولع فيها.

- يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!

- يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!

- يعنى حسنى مبارك يعمل سور لقتل اطفال غزه ويطلع واحد يقولك البرادعى عميل لاسرائيل

- يعنى وزير مالية عمل قانون الضرائب العقارية وقال هيدفع عن القصور بتاعته، ويطلع يتعالج على نفقة الدولة

- يعنى وزير صحة شريك فى كبرى مستشفيات البلد)دار الفؤاد) و مراته برضه تتعالج على نفقة الدولة

- يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز

- يعنى جمال مبارك يسرق فلوسنا وارضنا ويوزعها على اصحابه و ييجى واحد عـ** يقولك اللى تعرفو احسن من اللى ما تعرفوش.

- يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الامن فى جنوب أفريقيا و عدم و جود بنية تحتية فى المغرب و فجاة تاخد زيرووو كبييير من لجنة الفيفا.

- يعني الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فية الشعب المصري.

- يعني مصانع الحديد كانت بتبيع الطن ب2000 جنية ويجي بقدرة قادر احمد عز محتكر الحديد يبيعه ب8000 جنية ........ تيجي الحكومة تعمله قانون تفصيل مخصوص لية عشان تحمية من بطش الناس

- يعني يعملوا قانون ضرائب جديد على العقارات ....... والشعب الي مش ناوي يدفع، يموت نفسة عشان يجيب الاقرار ويتباع في السوق السودا كمان.

- يعني تبقي عندك بحرين و نيل قناة السويس و11 بحيره وبتستورد السمك من بره !

- يعني الدايرة الي فيها 2500 صوت مرشح الحزب الوطني ياخد لواحدة 13000 صوت

- يعني كلنا خايفين علي مستقبل مصر ، واللي ماسكينها خايفين علي مستقبلهم هما.

- يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان والصندوق الطبى علشان الننوس يبيع ويغتنى.

- يعني الموظف فى الحكومة بياخد 500 جنيه مرتب و يقولك مش عارف يعيش علشان الزيادة السكانية

- يعني يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر

- يعني وزير الإسكان يبقي سمسار اراضي !

- ووزير التعليم يبقي بلطجي قديم !

- ووزير الصحه بيتعالج علي نفقة الدوله

- يعنى كولا زيرو

- غاز زيرو

- مرتبات زيرو

- ضمير زيرو

- تنمية زيرو

- انتخابات زيرو

- صحة زيرو

والزيرو يكسب

يسلمووووووووووووو

كلام كبير جدا

تسلم ياشادوا

حلوه
شكرا

محمد

شكرا لمروركم

يا اخ ديموس و الله اسمى حسام محمد الكنانى

انا معرفش مين الى خدعك و قالك ان اسمى محمد

نايس توبيك شادو

على فكرة ديموس تقريبا هو اللى اسمه محمد
لانه بيتكب كدا فى كل الردود مش ليا بس

توبيك رائع حسام خصوصا واحنا داخلين على انتخابات وكله كلام واقعى فعلا
تسلم ايدك
بس خلى بالك من نفسك علشان الحكومه خدت خبر ههههههه
تقبل مرورى

الى مش عاجبه يشرب من البحر خلاص الناس اتخنقت

شكرا لمروركم

تســـــــــــــــــــــــــلم ع الموضوع ويارب متبقاش تحت الزيرو بعد كده

و تقريبا مش هتبقى فوق الزيرو برده احنا محتاجين معجزة

الشعب مات و الحكومة ابقى سلميلى عليها

هم يضحك و هم يبكى

سلامتها ام حسن

هههههههههههههههههههههههههههههههههههههههههههههههه
بجد توبيك رائع شاااااااااااااااااادو
خلى بالك على نفسك
هههههههههههههه
بجد كلامك صح بجد بجد هو ده الكلام
والحمد لله نتمنى نوصل لواحد بدل الزيروووو

فى المشمش

موضوع جميل شادو

ربنا يسترها معانا فى المستقبل و البلد متتبعش كلها و نقول يا ريتنا دافعنا عن حقوقنا

*تسلم يداك*

و الله ما فى حد عارف ايه الى ممكن يحصل تانى للبلد دى ممكن تخرب اكتر ما هى خربانة

توبيك جامد يا حسااااااام
مصر بتتنهب من ايام محمد علي ولسه بخير يا مصريين
***

و حياتك من قبل عهد محمد على

كله زيروووووووووووووووووووووووووووو

توبيك راااااااااااااااااااااااااااااااااااااااااائع جداااااااااااااا
سلمت يمينك
ياريت حد يسمع الكلام ده بس تقول لمين
بلد كل ال فيها بيقول يلا نفسى
كله بيقول نفسى ثم نفسى ثم نفسى ثم الاخرين
حسبى الله ونعم الوكيل مش عارفة لسة عاوزين يعملوا فينا ايه

لسه عاوزين الناس تبصم بالعشرة و تعترف انها السبب ورا مرض الرئيس

كلام جميل شادو
ربنا يسترها معاك ويعدى ايامك الجايه على خير
هههههههههههههههههههه

يا عم احنا فى بلد ديمقراطى مش ده كلام الحكومة و لا هو كلام و بس
زى كادر المعلم
بس على فكرة احنا ناس زى الفل
يعنى الحكومة بتوهم نفسها انها بتدينا مرتبات و احنا بنعمل احنا بنشتغل
و كله بيضحك على كله

عندك حق ف كل كلمه فعلا كله بقى زيروووووووووووووووووووو
الدنيا كلها بقت زيرو كبير جواه زيرورات صغنونه الى هو احنا[ندعوك للتسجيل في المنتدى أو التعريف بنفسك لمعاينة هذه الصورة]
ربنا يلطف بينا ويتولانى قادر كريم

ويبقي انت اكيد في مصر
يا شادو والله لو ملينا حولنا نهر النيل لصلصا مش هيكفي الكوسه اللي في البلد
ربنا يسترها علينا
تقبل مروري

بس و الله نفسى اشوف البلادى على حالة احسن

اظن ان دى حاجة سهلة مش صعبة و لا ده حلم مستحيل الايام دى

صعب اوي يا شادو ان البلد دي ترجع زي الاول
لان مصر اساسا طول عمرها مبتليه بحكامها
ادعي انت بس وقول يارب ومش عاوزين يأس

دع الامور تسري في أعنتها .... ولا تبيتن الا وخالي البال
ما بين طرفة عين وانتباهتها .... يغير الله من حال الي حال

يعني لازم نسيبها علي الله

» يعني ايه مصر ؟!!!!!!!
» اللمبرجيني وبس اسد اسد يعني
» نصائح من شاب رخم بجد بجد يعني ...
» غـبـاااااااااوة غـبـاااااااوة يعني مش أي كلااااام
» حصريا صور لمعالم محافظه دمياط اللي انا منها يعني بلدي