قصيدة (شعبي حبيبي)التي هزت عرش مصر

يا شعبي حبيبي يا روحي يا بيبي

يا حطك في جيبي يابن الحلال

يا شعبي يا شاطر يا جابر خواطر

يا ساكن مقابر وصابر وعـــال

يا واكل سمومك وبايع هدومك

يا حامل همومك وشايل جبال

يا شعبي اللي نايم وسارح وهايم

وفي القبر عايم وحاله ده عال

احبك محشش مفرفش مطنش

ودايخ مدروخ واخر انسطال

احبك مكبر دماغك مخدر

ممشي امورك كده باتكال

واحب اللي ينصب واحب اللي يكدب

واحب اللي ينهب ويسرق تلال

واحب اللي شايف وعارف وخايف

وبالع لسانه وكاتم ما قال

واحب اللي قافل عيونه المغفل

واحب البهايم واحب البغال

واحب اللي راضي واحب اللي فاضي

واحب اللي عايز يربي العيال

واحب اللي يائس واحب اللي بائس

واحب اللي محبط وشايف محال

واحبك تسافر وتبعد تهاجر

وتبعت فلوسك دولار او ريال

واحبك تطبل تهلل تهبل

عشان ماتش كورة وفيلم ومقال

واحبك تأيد تعظم تمجد

توافق تنافق وتلحس نعال

تحضر نشادر وتجمع كوادر

تلمع تجمع تظبط مجال

لكن لو تفكر تخطط تقرر

تشغلي مخك وتفتح جدال

وتبدأ تشاكل وتعمل مشاكل

وتنكش مسائل وتسأل سؤال

وعايز تنور وعايز تطور

وتعمللي روحك مفرد رجال

ساعتها هجيبك لا يمكن اسيبك

وراح تبقي عبرة وتصبح مثال

هبهدل جنابك واذل اللي جابك

وهيكون عذابك ده فوق الاحتمال

وامرمط سعادتك واهزأ سيادتك

وخلي كرامتك في حالة هزال

وتلبس قضية وتصبح رزية

وباقي حياتك تعيش في انعزال

منقووووووووووووووووووول

هههههههههه

محمد

نايس توبيك

تسلموووووووووو

تقبلى مرورى

شكـــــــــــــــــــــــــــــــــرا لمروركم
محمـــــــــــــــــــد
فرجينيا

جاااااااااامدة موووووووووووت

عارفها من زماااااااااان على فكرة دى لشاعر الشعب احمد فؤاد نجم و عندى كل قصايده

نااااااااااايس توبيك

تقبلى مرورى

» قصيدة ...دموع....
» قصيدة إلكترونية
» ###قصيدة عينيكِ عنواني###
» قصيدة طالب طفش من الدراسة
» انت يا حبيبي