ازاى تقول بحبك؟؟؟؟؟؟؟؟؟

[color=yellow]موضوع حبيت اتكلم معاكوا فيه وعايز ه راى كل واحد وواحده هنا
وكمان الحمد لله احنا معانا ناس مخطوبين عايز ه برده رايهم

اولا الشباب

احنا لسه طلاب صح ؟
اكيد

طيب
وبعد ما هتخلص هتعمل ايه ؟
اكيد هتشوف الجيش صح
صح

طيب بعد ما تشوف جيشك هل متهيألك انك هتشتغل على طول
يعنى على الاقل فتره بتدور فيها على شركه كويسه وشركه تستريح فيها نفسيا

اوك اشتغلت بتاخد فتره فى الشركه تدريب لحد ما تتثبت ويبقى ليك تامين ومرتب وكل امورك الشخصيه

اوك اشتغلت واتثبت وكله الحمد لله تمام
مش المفروض بقى انك بتشوفلك شقه وتحاول تشطبها وتخلصها علشان لما تروح تخطب او تتجوز يبقى كل حاجه جاهزه
متهيألك تقدر تعمل الشقه وتخلصها فى فتره قد ايه ؟

طيب عملتها وخلصتها مش هتروح تخطب طيب هجيب شبكه بكام ومن فين وانت مرتبك مش هيكون هو
الا طبعا لو عايز الوالد هو اللى يساعدك ههههههههه

بعد كده الفرح وحاجات الشقه من حجره نوم ومش عارف ايه كده ليله يعنى

يعنى قدامك على الاقل 4 او 5 سنين عقبال ما تفكر فى الارتباط


طيب ليه با ابن الحلال تقول لواحده فى الكليه معاك انك بتحبها وضيع وقتها ووقتك مع ان انت عارف انك مش قد الكلمه ديه وان لسه قدامك مشوار كبير
ولا مثلا انت كنت عايز تتسلى معاها فى فتره الكليه وتعيش حياتك
وبعد كده تسبها ما انت مش فارقه معاك فى حاجه بس هى ممكن يحصلها حاجه لما تقولها بعد سنه او سنتين حب فى الكليه احنا مش هنقدر نكمل مع بعض اصل انا ليه ورايا حاجات كتير اعملها وتفضل تقلها على ظروفك اللى انت اصلا عارفها من قبل ما تقولها بحبك من سنتين بس قولت ادينى بتسلى
هههههههههههه

ثانيا بقى البنات

انتى اكيد برده كنتى فاهمه الموضوع ده من الاول ما انتى مش بتحبى ابن وزير مثلا ( ولا ممكن بس برده عايزه تحبى واحد ابوه هو اللى بيصرف عليه حتى بعد الجواز ما ابوه وزير بقى )
طيب ليه بقى فضلتى معاه مع ان انتى عارفه ان اخره الموضوع ده لاشئ ولا يمكن انتى كمان بتتسلى هه ما انا مش عارف انتم بتفكروا فى ايه ؟
ولو انتى مثلا حطيتى فى دماغك انك هتستنيه العمر كله لانك بتحبيه طيب حطيبتى فى دماغك انه بيحبك بنفس القدر من الحب ده لدرجه انه يستناكى ومفيش بنت تقدر تأثر عليه غيرك ويبحبها سواء بقى معاه فى الشغل او قابلها صدفه او السكرتيره ههههههه او او او..................
المهم الراجل طلع بيحبك اكتر منك
هل مامتك هتوافق انك تفضل مستنياه كل ده مع انها ياعينى نفسها تفرح بيكى قب ما بعد الشر ............. ما الواحد مش ضامن عمره وكل الامهات بتقول كده
ولا بقى هتتحدى مامتك مع العلم انها شايفه كل يوم واحد بيجى ويتقدم ليكى وانتى بترفضى حتى لو كان شخصيه لا ترفض
صدقينى هى مش هتوافق وانتى غصب عنك لانك بتحبيها هتعملى اللى هى عايزاه وبعد كده تلاقى نفسك حبيتى الانسان اللى انتى اتخطبتى ليه وتعرفى ان اللى كان بينك وبين الانسان اللى انتى كنتى مستنيه مش حب ده شغف للبقاء معا
هههه وتفضلى تندمى على عمرك اللى ضيعتيه معاه

يعنى من الاخر الموضوع متعقد خالص

ليه بقى كل واحد يقول لاى واحده معاه فى الكليه انا بحبك مع ان عارف ان اخره الحب ده لا شئ او ممكن يحصل حاجه بس بعد فتره كبيره
حرام انه بربط واحد بيه كل الفتره ديه

فكان من الاول دا لو كان هو فعلا بيحبها انه يبعد عنها ويخليها تشوف حياتها وتعشها
حتى لو ده كان ضد رغبته
بس ديه بنت وعايشه فى مصر وكلام الناس وغيره وغيره

من الاخر ترضاااااااهاااااااااااااا لاختك ؟؟؟؟؟؟؟؟؟؟؟؟؟؟؟؟؟

يارب تكونوا فهمتوا انا عايزه اقول ايه
ومستنيه بقى اعرف ايه رايكم

وياريت نتكلم بالعقل مش بالقلب
ونراعى الظروف اللى احنا عايشين فيها والعادات والتقاليد بتاعه بلدنا

كلامك صح
وانا برده قولت الكلام ده
بس الواحد لازم هحب واحده
بس فترة وهيعرف الطريق الصح

وشكرا ليكي

أخوكم : محمد

katy كتب:

كل دا يا فرجينيا يطلع منك
هههههههههههههههههههه

بصراحه موضوع جميل جدا
ومقلتيش حاجه غلط
بس لو متاكد منها وهو بيقلها ليها وهو فى الكليه اكيد بابا هو ال هيعمل ليه كل حاجه
هيجوزه وهيصرف عليه
بس الاغلبيه بيكونو نفسهم بنفسهم
ولسه ادامهم كتير
وربنا يصلح حالهم

ويهدى الجميع
تحياتى ع التوبيك

ميرسى ياكاتى على مرورك

انا بختلف معاكى فى ان بابا الولد اللى يجوزه ويصرف عليه كده هو مش هيتحمل اى مسئولية وبعدين هو

متعبش فى تكوين بيته واسرته عشان يحس بالسعاده واللى بيتبنى بالسهل بيتهد برده بالسهل وبنلاحظ

ان معظم قضايا الاسرة الوقتى بسبب عدم تحمل المسؤلية من قبل الشاب وطبعا زى ما قلت هاتى دى الوقتى شاب يخلص جامعة ويقدر يفتح بيت هو على الاقل لازم يكون راتبه 3000 جنيه عشان يقدر يعيش

وزى مانتى شايفه كله بيخرج مايشتغلش بمؤهلة اللى اصبح شهادة على الحيط عشان يعرف يكون نفسه

ديموس كتب:

كلامك صح
وانا برده قولت الكلام ده
بس الواحد لازم هحب واحده
بس فترة وهيعرف الطريق الصح

وشكرا ليكي

أخوكم : محمد

نورت التوبيك يا ديموس

وامته هيعرف الطريق الصح لازم نعيش الواقع وبلاش عالم الاحلام ده

ولا ايه رايك

شمس كتب:

هههههههههههههههههههههههههه
كلام واقعى جدا فيرجينيا وعندك حق فيه وفعلا الايام دى كل واحد عاوز يتسلى وخلاص
بس والله فيرجينيا الحق يتقال فيه استثناءات يعنى والله عارفة ناس حبوا بعض من ايام الثانوى والحمد لله اتجوزوا ومازالوا بيحبوا بعض جدا بس طبعا نادرا جدا ما بيحصل كدة بس اولا واخيرا كلامك مضبوط جدددددددددا

تسلمى عالموضوع يا قمر وعلى رأى كاتى كل دة يطلع منك ههههههههه

ميرسى يا شموسة حبيبتى

بس بنسبة كام فى الميه يا شمس الاستثناءات دى

بس برده لازم الواحد يتذوق حلاوة الأحلام دي

ويرجع ويقول ملوش لازمة

تقبلي مروري

انا كتبت كلام كتير وبعد كدة مسحته كله
بس انتي الي حد ما كلامك منطقي
ما عدا في انك اتكلمتي عن الحب زي ما يكون شكل واحد او استمبات يعني
والحل في المشكلة اللي بتتكلمي عنها مش اننا منحبش
بس اننا نحسن الاختيار ونفكر بالقلب والعقل مش القلب بس
يعني ميكونش جانب العاطفة هو المسيطر السيطرة التامة

انا مع البرنس
في الكلام ده
بس برده أكيد كل واحد هيحب حد في حياته

محمد

pappay كتب:

والله كلام كويس و بنسمعه كتير اوي بس المهم اللى يتحط ف الموقف دا لازم يحارب عشان يكون من الاستثناءات دي
عموما انا مش بحب ان الاتنين المرتبطين ببعض يكونو ف كليه واحده و مجال عملهم واحد
يعني مثلا انا لما احب واحده لازم احافظ عليها من كلام الناس
يعني مش هامشي معاها ف كل حته و افرج الناس علينا
اما بقي بالنسبه لموضوع ترضاها لاختك انا بشوف ان الحجه دي بليده اوي
يعني لو اي واحد بيحب واحده و ليه اخته بيتحمق اوي و يقول لا مرضاهاش
بس انا شايف ان انا لو ليا اخت و عرف انها بتحب حد
بتحب بجد
و ف الاطار المحترم
الاطار المحترم دا كل واحد بيقدره لنفسه و بيرسمه حسب تربيته
انا اكسب اختي و اكسب الحد اللى بيحبها حتي لو قدها و اساعده حتي والله لو هاديله فلوس

مقنع كلامك جدا بس نادر اما تلاقى تفكير يشابه ده

PrInCe كتب:

انا كتبت كلام كتير وبعد كدة مسحته كله
بس انتي الي حد ما كلامك منطقي
ما عدا في انك اتكلمتي عن الحب زي ما يكون شكل واحد او استمبات يعني
والحل في المشكلة اللي بتتكلمي عنها مش اننا منحبش
بس اننا نحسن الاختيار ونفكر بالقلب والعقل مش القلب بس
يعني ميكونش جانب العاطفة هو المسيطر السيطرة التامة

مظبوط يا برنس كلامك كدة عين العقل والله

ميرسى على مرورك

ديموس كتب:

انا مع البرنس
في الكلام ده
بس برده أكيد كل واحد هيحب حد في حياته

محمد

اكيد اننا مقولتش ارفض مبدا الحب اطلاقا

الحياة متبقاش بدون حب

بس لازم جانب العقل يكون تاثيره اكبر بكتير من العاطفة او الحب

ميرسى على مرورك

شكرا علي طرحك الموضوع كلام حضرتك منطقي وجهة نظري فيه
اولا :الحب موجود ولا احد يستطيع انكار ذلك
ثانيا المصارحة من بداية الكلام وان يكون كل شي في النور وقبل ان يلفظ اي منهما كلمة حب يجب ان يكون صريحا في كل نقطة قالها موضحا كل الظروف
ثالثا لو نظرنا للموضوع عقلا فقط هي مخاطرة ومن يقع عليه العبء الاكبر من تلك المخاطرة هو الفتاه لان الفتاة لها سن لو تخطته يبدا شبح الخوف من العنوسة في الظهور عكس الولد ولكن زواج بعد قصة حب سيكون اسعد زواج لانه بنى علي الصراحة والحب لذلك هي مخاطرة تكون محسومةا لنتيجة لو هناك ثقة متبادلة وستكون تلك النتيجة سعيدة اما لو لم توجد ثقة متبادلة فالموضوع ينتهي قبل ان يبدأ
رابعا الانسان هو من يصنع الاستثناءات والمجتمع هو من يضع القواعد فلن يبلغ الانسان المجد حتى يلعق الصبرا وهكذا هي الدنيا
خامسا اوافقك بان كونها بنت وفي مصر من الافضل ان تعيش حياتها مراعاة للظروف المجتمعية ولكن قلت قبل ذلك مخاطرة تتحمل الفتاة نتيجتها والولد ايضا لو كان راجل
سادسا الابمان بان كل شي نصيب ومهما طال الوقت او قصر فلو كان لهذا الانسان نصيب في تلك الانسانة فستدور الايام ويحدث اللقاء والنصيب اما اذا لم يكن هناك نصيب فهذه حكمة القدر
واقول في النهاية لا يحقق الانسان كل ما يريد ولكن يجب ان يسعد عندما لا بحقق ما يريد رغم فعله ما يجب فعله لتحقيق ما يريد رغم عدم تحققه لظروف خارجة عن ارادته
فذلك الرضا
واللهم ارزقنا الرضا والصبر

ahmed0 كتب:

شكرا علي طرحك الموضوع كلام حضرتك منطقي وجهة نظري فيه
اولا :الحب موجود ولا احد يستطيع انكار ذلك
ثانيا المصارحة من بداية الكلام وان يكون كل شي في النور وقبل ان يلفظ اي منهما كلمة حب يجب ان يكون صريحا في كل نقطة قالها موضحا كل الظروف
ثالثا لو نظرنا للموضوع عقلا فقط هي مخاطرة ومن يقع عليه العبء الاكبر من تلك المخاطرة هو الفتاه لان الفتاة لها سن لو تخطته يبدا شبح الخوف من العنوسة في الظهور عكس الولد ولكن زواج بعد قصة حب سيكون اسعد زواج لانه بنى علي الصراحة والحب لذلك هي مخاطرة تكون محسومةا لنتيجة لو هناك ثقة متبادلة وستكون تلك النتيجة سعيدة اما لو لم توجد ثقة متبادلة فالموضوع ينتهي قبل ان يبدأ
رابعا الانسان هو من يصنع الاستثناءات والمجتمع هو من يضع القواعد فلن يبلغ الانسان المجد حتى يلعق الصبرا وهكذا هي الدنيا
خامسا اوافقك بان كونها بنت وفي مصر من الافضل ان تعيش حياتها مراعاة للظروف المجتمعية ولكن قلت قبل ذلك مخاطرة تتحمل الفتاة نتيجتها والولد ايضا لو كان راجل
سادسا الابمان بان كل شي نصيب ومهما طال الوقت او قصر فلو كان لهذا الانسان نصيب في تلك الانسانة فستدور الايام ويحدث اللقاء والنصيب اما اذا لم يكن هناك نصيب فهذه حكمة القدر
واقول في النهاية لا يحقق الانسان كل ما يريد ولكن يجب ان يسعد عندما لا بحقق ما يريد رغم فعله ما يجب فعله لتحقيق ما يريد رغم عدم تحققه لظروف خارجة عن ارادته
فذلك الرضا
واللهم ارزقنا الرضا والصبر

ميرسى على مرورك يادكتور نورت التوبيك