حب بلا عنوان

حب بلا عنوان يحتاج إلى من يسطر له عنوان
فهل من مجيب

ياجماعة أنا عندي واحد صحبي بيحب وحدة قوي بس مش عارف يقولها إزاي إنه بيحبها
بس هو بيحبها بجد .
وهي قريبته ومعاه في الكلية على طول

بس مش عارف الطريقة للكلام معاها

فهل يبعتلها ورقه بالكلام إلى هو عايزه ولا يكلمها وجهاً لوجه ؟
بس هو بيتحرج جامد قوي

ياريت سعدوه علشان يريح قلبه

:Heart:

بص يا سيدي جيت لاحسن واحد ينصح ومينفذش
ههههههههههههههه
تعديل للمقدمات
ولو مفيش واحد صاحبك وانت الحد ده متتكسفش عادي يعني
قبل ما يتخذ اي خطوة لازم يكون عارف هيا اصلا بتفكر زيه كدة او علي الاقل عندها قبول وقابلية لانها ترتبط بيه ولا لا
لانها جايز تكون بتعتبره اخ ليها ومبتفكرش فيه كحبيب وشريك عمر وكدة وساعتها ردها هيصدمه وهيزعله
فمنعا للاحراج
لازم يتأكد الاول مش بالكلام بس بالحركات والايماءات يعني
ولو واحدة بتكلم حد ومعجبة بيه بيبان عليها ولو مبتطيقوش برده بيبان عليها
خليه يتأكد الاول ويتأكد ان قلبها خالي مفيش حد يمتلكه ووقتها يكلمها ويصارحها باللي جواه اول ما تسنح ليه الفرصة ويكون صريح وصادق معاها وهيا اكيد هتقدر ده
وربنا يوفقه ويوفقنا جميعا
وطبعا كل ده بعد ما يعرف هو نفسه عايز منها ايه
يعني بيحبها لمجرد انها تبقي حبيبته ويقول ويسمع كلام حلو والكلام فاضي وفي الحالة دي انسي كل اللي قلته او انه فعلا عايز خير ولو عايز خير اظن انه هيبقي سهل عليه يرتبط بيها طالما بتقول قريبته
يارب يكون رأيي افادك واسف علي الاطالة

الف شكر يا برنس
انت فعلاً برنس
ههههههههه

شكرا على المعلومات القيمة دي وأكيد هتفيد صحبي قوي

أخوك : محمد

شكراً يا مس

وربنا يسهل الأمور على صحبي
هههههههههههه

انا شايفة يقولها عادى علشان مش يعيش فى وهم لو الظروف مش معاه

ويسيب الباقى على ربنا وان شاء الله يسهل له الامور

شكرا avergenya على الرد

وكلام صح علشان هو عايز يريح نفسه ويفوق لدراسته

أخوكي فى الله : محمد

miss Egypt كتب:

ويتحرج من ايه هو الحب حرام ولا حاجة وحشة

المهم النيه والباقى على ربنا

جمد قلبك وقول ال فى نفسك وخليها ع الله

لو هى محترماك اكيد هتتقبل الكلام بالرفض أو القبول وهتحافظ عليه

الحب مش حرام يا مس
بس فيه ناس بيبقي صعب عليها انها تصرح باللي جواها
بيبقي عنده امل ان الطرف التاني يفهم لوحده
وبيبقي اصعب عليها انها تضع نفسها في موقف محرج بإنها ترفض حبه مثلا
وانا من الناس دي

حبيب قلبي يا برنس

انت شغال تمام اهو

وانا معاك فى الكلام ده

هههههههههههههههههه الراجل ده بيقول كلام زي الفل

خلاص يا جماعة صحبي بعتلها ورقة بالكلام إالى هو عيزه
ولسة مستني الرد

تتوقعوا الرد يكون ايه ؟

ربنا يسهل متفكرش كتيييييييييييييير

إن شاء الله
انا معتبرك زي اختي الكبيرة
بجد والله

ربنا يخليك دا من ذوقك بس والله

والله ان ديموس في ان صاحبه بعتلها ورقة علشان يشوف مصلحته

بس مش لازم صاحبه يعني يقف ساكت بعد الورقة كده وما يستنهاش تكلمه هي هو اللي يبدأ

لان المواضيع اللي زي دي بتبقي محرجة قوي للبنات والا اذا معملش كده يبقي ينسي الورقة اللي بعتها دي

تقبل مروري

اخوك ميدوووووو

ماشي ياعم ميدوووو
كلامك صح وبكرة ان شاء الله هتشوف

انت خنقتنا بصحبك ده يا ديموس يا عم هو الحل انه بعد ما يديها الورقة اللى مكتوب فيها اللى هو حاسه من ناحيتها
لازم يسيبها فترة تفكر وبعدين يكلمها ويعرف منها الرد ولو معرفش يكلمها ابقى قوللى عليه عشان اولع فيه
تقبل مرورى او متتقبلش عادى ههههههههههه انا بهزر بس بجد الكلام الصح اللى انا قولتهولك ده
أخوك : خالد

صاحبك بردو؟ هههههههههههههههههههههههه ما علينا
هتقوله مبفكرش دلوقتي او مبكلمش ولاد حاجة من اتنين ههههههههههههههههه

مش معاك يا خالد انه يديها الورقة ويسيبها تفكر لان الموضوع مستعجل

وان هي تفكر ده يبقي الورقة دي هتتنسي وكأن مفيش حاجة حصلت وهنشوف بكرة

تقبل مروري

ميدوو

ماشي يا شباب
وشكرا على اهتمامكم بالموضوع ده
وانا استفدت بجد منه كتير
وبعدين انا هو صحبي
والبرنس عرف من الأول

ههههههههههههه عيب عليك ازاي مش هعرف
بس نصيحتي ليك يا ديموس
بالرغم من اني مش اعرفك
بس احساسي من ناحيتك انك الي حد ما صادق في مشاعرك
بس برده لازم تسأل نفسك
انت عايز منها ايه؟
بتحبهاا الحب اللي يخليك ترتبط بيها ؟ متخيلها زوجة ؟ ولا علي قد حبيبة في فترة الكلية بس ؟
حبيبة في فترة الكلية يبقي بلاش من البداية انسي الموضوع
لو فعلا بتحبها بجد فكر ازاي تحافظ عليها وازاي تخليها تشوفك الانسان اللي بتحلم بيه
الحب مش كلمة بحبك
كلمة بحبك دي البداية بس
المهم انت هتعمل ايه علشان الحب ده يعيش ويسير في مسار شرعي بعيدا عن اي تجاوز او اخطاء
وزي ما قلتلك
طالما قريبتك يبقي الموضوع سهل
في حاجة اسمها ربط كلام لو تسمع عنها ودي ان والدتك تتصل عندهم في البيت وتظبطلك الحوار يعني وهما لو شايفينك مناسب مظنش هيمانعوا
ومساء الفل

احلي سلاااااام لللبرنس
أنا شايفك واخد الموضوع من ناحية يدموس ومركزتش علي الجانب الأخر والأهم لان هو المهم ف الموضوع
واذا هو وافق يعتبر الموضوع منتهي

وعلي رأي المثل

أنا راضي وهو راضي مالك انت ومالنا يا قاضي

تقبل مروري مستر ديموس
أخوك أحمد

ههههههههههههههههههههه
كلامكم جميل
بس بجد يابرنس
أنا بحبها جدا مش حب في فترة الكلية وبس
حب صادق من كل قلبي

بس برده لو في نصيب يقدمه ربنا

وشكرا للاهتمامك الشديد بالموضوع

أخوك : محمد

شكرا [ندعوك للتسجيل في المنتدى أو التعريف بنفسك لمعاينة هذا الرابط]
على الرد

وإن شاء الله خير

محمد