مسلسل التويستراويه مسلسل كوميدى جديد

الحلقه الرابعه

حلقة النهاردة الحلقة الرابعة جزئين

وهنبدا لاجزء الاول

المشهد الأول..

افيتار //جالساً فى الحجرة ومن حوله مجموعة من رجال المنتدى يقف محيياً

الضيوف ويشير لشمس إشارة معناها ارغون ومس يروحوة اوضة الفيران

الشاب : السلام عليكم ورحمة الله وبركاته

الجميع فى صوت واحد جهورى : وعليكم السلام ورحمة الله وبركاته

الشاب مرتعباً من ضخامة الصوت موجهاً كلامه : طبعاً ياعمى نور كلمتنى عن حضرتك كتير وكان نفسى فعلاً تيجى الفرصة اللى أتعرف فيها بحضرتك والحمد لله أهوه جه الوقت اللى أتشرف فيه واجى أقعد مع حضرتك

افيتار // ياابنى هذا شرف لا ادعيه وأزكى على الله أحد ونعوذ بالله من شرور أنفسنا وسيئات أعمالنا إنه من يهده الله فلا مضل له ومن يضله فلن تجد له هادياً أبداً ،إخوتى فى الله .......


شمس // يا حج النهاردة التلات مش الجمعة إنتا طلعت عالمنبر بدرى

افيتار // وموجهاً كلامه لوالد الشاب : بقى حضرتك قلتى إنك شغال فى وزارة التربية والتعليم على كده تعرف محسن بيه عبد القادر ؟

والد الشاب : لاوالله مااتشرفتش حضرتك ياترى كان موقعه إيه فى الوزارة


افيتار // وكأنه بهت بالسؤال الموجه : مش عارف انا فاكر إنه كان حاجة كبيرة كده أوى هناك المهم ماعلينا

والد الشاب : انا إبنى ماشاء الله عليه إتخرج من حوالى تلات سنين من كلية الهندسة جامعة الزقازيق فرع بنها

الشاب // أيوة ياعمى دى فى شبرا عندنا دى جنب مدرسة ناصر الثانوية بنات انا كنت اعرف أصحاب ليا هناك زمان أصلى كنت بعدى عليها لما كنت بروح أجيب البنت صاحبتى من المدرسة وأنا فى أولى كلية ... ال يعنى مقطع السمكة وديلها

والد الشاب يكمل كلامه مبتسماً : اهوه طلعنا معرفة قديمة وأنا يسعدنى ويشرفنى اطلب إيد نور لابنى

افيتار // وأنا بقول الولد إبنك والبنت بنتك بس برضه لازم تسيبلى يومين اخد رأى البنت إنتا عارف إن الشرع فرض الأخذ بالرأى فى الزواج أينعم لا زواج لقاصر إلا بوكيل والزواج من العبادات والحماية للفتى قبل الفتاة فى زمن عز علينا أن نرى فيه شبابنا وقد عانوا الأمرين من متطلبات الزواج الضرورية ...... ويستمر فى كلامه

ارغون بيكلم ريد ومس

ارغون // شوف ادمن بيقول اية بيقولك هياخد راى العروسة من امتى وهو بياخد
راى حد فينا

ريد // عندك حق يا ارغون دة علطول بيقول راية واحنا بنفذ والبيخالف اوامرة

ارغون // اة انت هتقولى هههههههه منا لسة خارج من اوضة الفيران انا والغلبانة مس ايجيبت الهرت رقبتى من كتر الشعبطة وودانى اتسورت منها كل متشوف فار تقوم ماسك فى رقابتى وتصوت لحد انا مخلاص كنت هموتها

مس// يسلام يا خويا انا مش بخاف من حاجة انت اللى كنت بتصوت اية انت هتكدب

البوب// اية حكايتكم هتشاكلوة تانى

ارغون // لا ياعم انا مش هكلمها علشان انت بتصعب علية هدومك بتقطع

البوب //ههههههههههه اة واللة هههههههههههههههه

افيتار سمع البوب بيضحك بحس عالى

افيتار // ندة على البوب بحس رج المكان كلة البوب خاف من صوتة وقع من طولة

مس/ / اعدت تضحك على منظر البوب وهو واقع على الارض ادمن زعق فى مس امت مس اغمة عليها جمب البوب وارغون ميت من الضحك عليهم طلع بره راح الصالة
وقال انا اروح اضحك برة احسن بدل مموت هههههههههههههههههههههه

المشهد الثاني

فى غرفة نور وقد إزدحمت ببنات المنتدى ويظهر فى الكادر شمس واقفة بجوار نور

مس // أنا قلتلك بلاش كوافير وأنا أظبطلك شعرك شوفى انا اللى عاملة شعر فريجنيا ازاى

نور تنظر الى فريجنيا وقد إصطبغ شعرها بلون غير معروف فى الأوساط الكيمائية ويظهر وكأنه تم ضربه فى الخلاط ( شعرها طبعاً مش اللون ) وتحمد ربها فى سرها ان ألهمها الذهاب إلى الكوافير بدلاً من الوقوع فى مقالب اخواتها

نور // معلش يا ستى المرة اللى جاية

نهله ودانا: إمسكى يا مس انا شوية كركاديه من أودة الخزين وطحنتهم خدى

حطى لنور منهم

كاتى // أيوة أنا قريت فى مجلة روسية إن الكركاديه مفيد جداً فى الخطوبة خصوصاً لو كان مسروق .. ال يعنى مثقفة هههههههه


مس عمالة تششور شعريولندا وفريجنيا بتقول مس أول مش هاتحطيلى ميك آب إنتى وعدتينى إمبارح وأنا سمعت كلامك وماجبتش سيرة لحد إنك بتهربى البطاطس وتبعيها لعم عبده اللى عامل عربية كبدة على ناصية الشارع .


فاصل اعلانى قصير ونعود

----------------------------------

نور // تنزل على المطبخ تشوف هاتقدم إيه للضيوف : ياعينى عليا أنا الى مظلومة دايماً هما يقعدوا يتزوقوا وأنا الى أشوف المطبخ وسنين المطبخ

تفاجأ بأقفاص الفيران متكسرة ومافيش ولا فار فى القفص بتاعه ترقع بالصوت

الحقووووووووونى وتجرى على شمس إلحقينى يا أختى أقفاص الفيران كلها متعضعضة ومافيش ولا فار محترم نفسيته وقاعد فى القفص بتاعه ولا كراتين الضفاضيع كلها مقلوبة على ضهورها والضفاضيع كلها هربانة وصفايح الصراصير المخلية مافيهاش صرصار يوحد ربك أنا قلقانة يا شمس لأحسن يكون حد سرقهم

شمس //يانهار أبيض سرق إيه بس إحنا عندنا حرامية فى البيت لا

مس //يا اختى تلاقي بس عندهم رحلة مدرسية النهاردة ولا حاجة ولا يمكن النهاردة شم النسيم وإحنا مش واخدين بالنا أقولك إكفى على الخبر ماجور وإرجعى المطبخ ولا كأن أيوتها حاجة حصلت إعملى الشربات خلينا نخلص ونبقى ندور على الأشياء المذكورة دى بعدين لما الضيوف يمشوا


شمس //طيب أنا هاشوف الموضوع ده بس يلا شهلى إنتى كمان لأحسن لو افيتار

إستعجل المشاريب ومالقاهاش هايخرب بيتك ويكب زيتك

المشهدالخامس


نور وشمس ومس يلاقوا الرجالة كلها راكبة على نفس العريس وكل واحد بسؤال


ارغون وريد وميجو وفوكس وانت فى المرحلة الجامعية هل كنت تتبع أي تيار فكرى أو سياسى أو ثقافى وإذا لم تكن

هل عملت مرشداً لمباحث أمن الدولة ؟
العريس مذهولاً يكاد يفتح فمه ليعترض


يلاحقه ارغون ياترى تقدر تقولى الفرق بين شعر نزار قبانى وشعر زكى جمعة ؟

ريد // إنتا بتشجع نادى إيه

فوكس // تعرف اية عن المصارعة انا اول محافظه خامس جمهوريه على فكره

ميجو // حافظ أد إيه من القرآن

فوكس// اية رايك فى الفنش بتاع اندرتيكر امبارح

نترك العريس وهو يكاد ينفجر من ملاحقة الرجالة له بالأسئلة ونقترب من والده الذى بدا عليه انا افيتار لم يترك له أية مساحة من الوقت حتى يستطيع مجاراته فى الكلام


تلاحظه شمس وتكاد ينفجر من الضحك وتغمزمس إلحقي ياستي اخوكي الكبير ماسك الميكرفون من صباحية ربونا ومش مدى الراجل فرصة إنه يتكلم ده تقريبا بيقول كل الكلام بتاعه وكمان بيزود عليه وهو اللى بيقول الكلام اللى المفروض إن الراجل يقوله والراجل ياعينى مسلم خالص زى مايكون قاله إتفضل ودانى اهى خد اتعامل انتا بيها

ينفجر الإثنان من الضحك


شمس/بقولك إيه أنا عاوزه أزوغ من هنا تفتكري ان افيتار هاياخد باله إنى مش موجوده

مس // ياستي طنشي ياخد باله من مين بس داإحنا ماشاء الله علينا من الفين ومتين أخ وأخت ده على ماييجى يعدنا نافاااار نافااااار هايحتاج تلات ايام على مايخلصنا كلنا انا كمان هاطلع أعمل تليفون فى السريع كده

شمس //اموت فيكي إنتي يا بتاعه المقالب حاجة جديدة دى يابت

كاتى // بقى ماسكة ودان والدة الشاب وهات يا رغى من هنا لبعد بكرة : لا بقى إنتى تلاقيكى مادوقتهاش بالحبهان والمستكة والزعفران حاجة كده زى العسل ألا صحيح قوليلى جربتى تعمل شوربة ضفاضيع مع طبق صراصير بيضا بانيه ولا إسكالوب السحالى هابقى أكتبلك الوصفة

تميل كاتى على نهله ودانا وتقولها : شايفه طبق الحلويات اللى جايبه

نور وهمس // يا ريته كان جاب تمر ده التمر ده سنة عن النبى عليه الصلاة والسلام وبعدين إنتى متخيلة إن فيه محل حلويات فى البلد دى هايكفى إخواتك داإحنا لو جبنالهم مصنع حلويات العبد كله هاياكلوه ويقولوا كماااااااااااااااان


فجأة ينتبه الجميع على دخول نور العروسة شايلة صنية الشربات وتسلم على العريس ومافيش مانع إنها تدلق عليه كوباية الشربات الفراوله والبدلة طبعا كحلى وبقى عليها بقعة حمرا أد كده بس الموضوع عادى عادى


وبدا افيتار يتكلم : بص بقى حضرتك عملية المقابلات دى فى المناسبات القومية بس يعنى فى عيد العمال يوم الفلاح عيد الجلاء وطبعاً لو حب يخرج معاها يفسحها مش هايكونوا لوحدهم لازم يكون معاهم محرم كده حوالى 250 أخ من إخواتها إتفقنا

والد الشاب وهو يتحسر على مستقبل إبنه الغارق : موافقين

افيتار// على بركة الله نقرا بقى الفاتحـــه

فى نص الفاتحه تنقطع الكهربا ويحدث هرج ومرج وامسك واللي بيقول اهو لقيته فى جو الكهربا المقطوعة والفيران والصراصير الهربانة
وبعد رجوع الكهرباء.

ينادي ادمن فين العريس يابني
ويضحك الجميع في صوت واحد ده هـرب يا حج

هههههههههههههههههههههههههههههه عنده حق وربنا العريس يهرب هههههههههههههههههههههههه



ارغون:هو مش قادر يمسك نفسة من الضحك يالهووووووى ياخراااااااااااااااااااااااشى عليكى العريس طفش

لما دخلت علية اختك نور يا ريد

ريد // ههههههههههه اة ربنا يكون فى عونة

ارغون // بصراحة مش هى اختى بس الصراحة راحة

ريد// خير اية هى الصراحة

ارغون // اختك نور ولا بلاش اصل انت فتان

ريد // لا قول متخافشى انا مش هفتن عليك

ارغون // هى الغلطانة حد يخوش على العريس وهى ماسكة شربات

ريد // امال عايزها تمسك اية يعنى وتقدملة اية

ارغون// تمسكلة عصاية فى الاول علشان مياخدشى عليها

ريد // ههههههههههههههههههه عصاية لية هى داخلة تحارب

ارغون// المهم افيتار ناوى يعمل اية بعد العريس مختفى هو اختفى ولا هرب

ريد // العلم عند اللة اللة اعلم

اية الحصل للعريس
ياترى اتخطف ولا هرب
واية ارغون وريد دراجون اتكلموة فية
وافيتار رد فعله اية

كل دة واكتر هتعرفوة

فى الحلقة القادمة

انتظرونــــا الحلقة القــــادمة ( الخامسة )

لترو الاحداث الجديدة