ما رأيك فى نتيجة الترم الاول لعام 2010؟

بسم الله الرحمن الرحيم
ما رأيك فى نتيجة الترم الاول لعام 2010؟
طبعا محتاجين رايكم
لان
الرأى الاول والاخير يرجع ليكم انتم
مش لحد تانى
انا شخصيا
ومش بتكلم على العامة
بقول شخصيا
حاسس ان التصحيح
كان اى كلام وهيصة واتلنتيجه كلها
كانت كلام فى كلام واى حاجه
والى بيقولك هيعيد التصحيح
والى جاى يقول
روح بوس ايد والدتك لو جبت 10 فى الماده
والنبى ده كلام
تقوله داكاترة كلية محترمين

على العموم مش هتكلم
كتير
لان انا ذات نفسى
حالل فى ماده زفت
وجبت جيد
وماده تانيه
حالل فيها كويس جدا جدا
وجايب فيها
3
من
20
ازاى ده
قدرة قادر بقى
هنعمل ايه

هسيب الرأى الاخير ليكم
حاسين ان فيه ظلم ولا لا

عندك حق يا محمود
انا معاك ان التصحيح كان اي كلام
انا كمان اتظلمت في مادة حليت فيها كويس
وجبت فيها 5
حسبي الله ونعم الوكيل

كلامك صح والله
فى ظلم جامد فى التصحيح
وطبعا المادة اللى جبت فيها 3 دى الاقتصاد
مش انت بس اللى اظلمت فيها تقريبا الدفعة كلها شايلة المادة دى
والمصيبة ان امتحانها كان سهل والكل حل فيها كويس
ويجوا الدكاترة يتكلموا يحسسوك انك مكتبتش كلمة فى الورقة

ميه ميه والله
تماااااااااااااام

لا يا ريد ميه ميه ايه
هو انا الحمد لله عديت بس بتقدير مقبول
وبقول الحمد لله بس برده فيه ظلم وظلم كبير
عندنا كتير شايل مواد والمصيبه ان الاغلبيه ال شيلين تلاقيهم نفس المادتين
يعنى هيكون العيب من مين يعنى

اشطة اروح ابوس ايد الجاحة
والتصحيح دة بصراحة كويس جدااااا لدكاترة اول مرة تصحح وتدرس اساسا
وربنا يستر علينا فى الترم التانى
وموضوعك دة مش عايز تعليق ولا كومنت دة عايز الكلية دى نولع فيها
ونحرقها بال فيها
ههههه

أيوة يا دانا
الاقتصاد

شوفتوا يا جماعة معرزفه يعنى

دانا والله ما اعرفها

وعرفت لواحدها

يعنى بجد حرام

بجد النتيجة فيها ظلم ع طول من اول مادخلت الكلية اصلا
يعنى دة مش جديد عليهم
وبعدين انا سمعت الكلام اللى قلتة دة وانا فى المحاضرة بس دة قدرنا نعمل اية
وبعدين الدكتور الجديد جايبلما امتحان طويل وربنا يعلم بية وكمان النتيجة بتاعتة وحشة جدا دى
حتى عيبة ف حقة

Avatar كتب:: أيوة يا دانا
الاقتصاد

شوفتوا يا جماعة معرزفه يعنى

دانا والله ما اعرفها

وعرفت لواحدها

يعنى بجد حرام

اصل هى معروفة والله
لان كل الطلبة شايلين الاقتصاد
ويا ريت لانهم محلوش ولا الامتحان صعب نقول عادى
لكن مفيش حد اخد حقه فى المادة دى
وربنا يسامح بقا اللى عمل فينا كدا

يلا
ربنا على الظالم

حاجه قله ادب والله ...لو عشت وكان ليا عمر هحول من الكليه دي واروح المنصوره

هو الحمد لله انا جايبة جيد جدا-1 بس عندى اصحاب كتير اتظلموا وشيلوهم الاقتصاد والمشكلة انهم حتى لو مش حلين كويس حيجيبوا على الاقل 7 مش 4

والله دول شوية ظلمة وطبعا انتوا عارفين ان دى خطة ومدبرلها عشان سنة الفراغ
الهيخسروا فيها كتير بسبب ان مفيش طلبة فى السنة دى
عشان كدة عوزين الناس تعيد السنة عشان يملو المدرجات
وربنا ينتقم من الظالم
يظلموا دفعة بحالها ويسقطوهم عشان يملوا جيوبهم

معاكم إن النتيجة بصراحة غير مقبولة بالمرة وإن الظلم واضح أوى أوى

عن نفسى نجحت بالعافية بالرغم إنى كنت عاملة حسابى على تقدير جيد أو جيد مرتفع

وأخويا اللى بذاكر معاه نفس المواد ويمكن يكون حل أحسن منى كمان سقطوه

ده بقه غير شلة صحابى كلهم شالوا مواد

يلا مفيش فى إيدنا حاجة غير حسبنا الله ونعم الوكيل

طبعا هقول زي ما الجميع قالوا حسبي الله ونعمة الوكيل لان فعلا هما ظلموا ناس كتير جدا وده طبعا حرام وبرغم ان انا جبت في المواد تقديرات كويسة الا انهم شيلوني مادة كنت واثقة ان هجيب فيها تقدير عالي جدا وكمان انا كنت جيبة فيها في الميد ترم 2و1/2 من3 انا علي العموم عملت تظلم وعندي امل في ربنا كبير وحسبي الله ونعمة الوكيل في اللي ظلمني

عليا النعمة الناس دي بتتكلم كلام زي الفل مادام قالوا دراع ساد بيرد يبقوا بيتكلموا كلام زي الفل

بجد حرام

موضوع ررررررررائع

محمد