الاب كان مسافر ولما رجع لقى ابنه مستنيه فى محطة القطر
الاب : ايه احوال البيت وانا مسافر؟
الابن : كل حاجه ميه ميه متقلقش بس حصل حاجه بسيطه
الاب : حصل ايه؟؟
الابن : عصايه المقشة اتكسرت
الاب : بس كده ولا يهمك بس ايه اللي كسرها
الابن : انت عارف ان البقرة لووقعت على حاجه بتكسرها
الاب : انت تقصد بقرتنا؟
الابن : اه
الاب : ايه اللى حصل؟
الابن : كانت بتهرب وهية خايفة فوقعت على عصاية المقشة كسرتها
الاب : المهم البقرة حصلها حاجة
الابن : ماتت...
الاب : ايييييييييييييييييييه... ماتت!!!! وهى كانت بتجرى خايفة من ايه
الابن : لا دي كانت بتهرب من الحريقة
الاب : حريقة!! حريقة ايه؟؟
الابن : لا مفيش أصل بيـتـنـا اتحرق
الاب : اتحرق!!! .... اتحرق من إيه ؟
الابن :اخويا الكبير الله يرحمه هو السبب
الاب : ايه؟؟؟؟ اخوك مات!!!!! ازااااااي ؟؟
الابن : كان بيشرب سيجارة وقعت حرقت البيت وهو جواه
الاب : اييييييييييييه !!!!!!!!! اخوك كان بيشرب سجاير؟؟؟
الابن : هو بصراحة كان بيشرب حشيش علشان ينسه حزنه
الاب : حزنه على ايه؟؟؟؟
الابن : على امى الله يرحمها
الاب : هية امك كمان ماتت؟؟؟؟؟
الابن : بسبب جرعة الهيروين الزيادة اللي شمتها
الاب : هيروين ... هيروين ايه يابني انطق ... امك كانت شمامة
الابن : لا ابدا دي لقيته في شوال في الصندرة افتكرتوا دقيق و عملت منه السمك
الاب : و ايه يابن الكلب اللي جاب الهيروين في الصندرة
الابن : ماهو البوليس لما حقق اكتشف ان عمي هوا اللي كان مخبيه في الصندرة
الاب : اييييييييه سليم تاجر هيروين
الابن : مش كدة بالظبط , ماهو لما اتهري ضرب في النيابة اعترف انه ماشي في النشاط مع جدي الله يرحمه من و هو صغير , و ورث الصنعة منه
الاب : ابويا كمان .. لا لا حرام غوووووووور ياد من وشي غووو اااااااااه اه اااااااااااه قلبي
و الاب ماستحملش و وقع من طوله ومات فوراً .... ياريت الواد سابه فحاله
الابن : بابا متعملش في نفسك كده .. فداك ألف مقشة يا حبيبي!!!
منقوله مع بعض التعديل و التحابيش مني
موضوع: قصة واحد غبي 
الإثنين 29 مارس - 10:07
