الظلم فى نتيجة كلية التجارة والتفرقة بين انتساب وانتظام

فى اطار الازمات العالمية الاخيرة وانفلونزا الخنازير قررت الحكومة المصرية الاتى: 1- تقديم ميعاد الامتحانات على مستوى الجمهورية مما ادى الى ضرر كبير جدا فى النظام المتواصل علية دكاترة الكلية
وادى ايضا الى ارتفاع حالات النصب من العاملين بالكلية على الطلاب .

وقام دكاترة الكلية بتلخيص المنهج فى محاضرات بسيطة جدااا تكاد تكون لا تذكر مما كان يحدث سابقا
ومن الذين تضرروا فيما حدث من قبل الوزارة
شعبة انتظام اكييييد كدا كدااا لازم تنجح علشان مصاريفهم بسيطة جدااا فى حدود من 100 الى 150 فى السنة
اما شعبة انتساب تكون مصاريفها من 450 الى 550 فى السنة
الارقام دى جنية مصرى مش قروووش
مااااااااااذا يفعل طالب انتساب امام هذا المبلغ الضخم
هل يمكن للكلية انها تسيبة فى حالة كدااا ولا اكيييييد لازم يا تصقتوا يا تنزلوا بمواد علشان يدفع علشان الكلية تقدر تصرف على الدكاترة وعلى الاصلاحات الغير مستفاد منها احد
من الطلاب
دة حتى طلبة انتساب ملهمش سكاشن

كلية تجارة دمياط عبارة عن مدرسة ابتدائى واعدادى للصم والبكم
مافائدة التعديلات التى تقام الان فى الكلية مادام ان جامعة دمياط ستقام خلال سنتين من الان وسوف يتركون الكلية بما فيها من تعديلات
وان اكثر الناس متضررين تماما من هذة الكلية

وطبعا معظم دكاترة الكلية اول مرة يدرسوا وعمالين نفسهم فهمين وشغالين بيقرأوا من الكتاب وخلاص ولا فية شرح ولا فى بدنجان حتى
والواحد مش عارررف يعمل اية مع الناس دى
نرجو من مسؤلوا التعليم العالى لنظر الى نتيجة شعبة انتضام كلية تجارة دمياط والنظر الى نتيجة شعبة انتساب موجة كلية تجارة دمياط
وحتلاحظ الفرق وااااااااااااااااااسع جدااا جداااا
كما ان معاملة الموظفين للطلبة فى وضعية سوء ومعاملة سيئة جدااا جدااا والنظام ال هناك شغال بالواسطة

مع احترامى لوكيل الكلية بس هو انسان مش محترم جداا جدااا
اى طالب يطلب منة نصيحة او مساعدة يقوم بتهزيقه امام العماله ليييية المعاملة دى
دة زى والدنا واحنا بنحترمه قوى بس حنقول اية الغرور والحقد الطبقى وعلى فكرة الدكتور دة من لاحين دمياط وهما كدااا الفلاحين فى اى مكان فى الدنيا تديهم مكان فى المجتمع يسيؤا استخدامة
وانا مش حتكلم عن عيوب الكلية بس
انا حتكلم عن مزاياها ال مش معروفة غير للطلبة ال عندهم واسطه او معرفة
اكثر دكاترة الكلية احتراما هو الدكتور محمود السجاعى اى شخص فى الكلية مش بيحب الدكتور دة عشرى جدااا ومتواضع وخلوووق والله بتمنى يمسك عميد الكلية وبأذن الله حيقلل الفساد الموجود فى الكلية
وبيسعى لمصلحة الطالب وخدوووم جدااا جدااا
تانى هؤلاء الدكاترة الدكتورة امال مبارك والدكتورة علا
هؤلاء الدكاترة هم من يشرفون الكلية وكل من فى الكلية بيحبهم والقبول على محاضرتهم تكون نسبة الحضور فى محاضرات الدكاترة عالييية جدااا
تخيلوا لو ان طااالب من انتظام يدفع سنويا 140 جنيها رسب فى السنة
وان طالب من انتساب يدفع 550 جنيها رسب فى السنة
ايهما تفضل يا من يقرأ هذة الرسالة الان
اكييييييد علشان فية اصلاحات فى الكلية لازم نصقت الطالب ال مصاريفة كتير جدااا ال هو انتساب
ونفرض مثلا ان عدد طلاب الكلية 500 طالب انتساب
ومصاريفهم 550 جنيها
يعنى 500×550 =275000
هذا المبلغ كافى جداااا لان يختارة عميد الكلية لتطوير الكلية
وان طالب من انتظام يدفع سنويا 140 جنيها رسب فى السنة
وعددهم هو 700 طالب
.:. 700× 140= 98000

تخيل انت لو عميد الكلية ومعروض عليك النسبة دى وانت فى حاجة ماساه لتطوير الكلية
وكما كانوا يعلمونا فى ادارة الاعمال او ادارة المنشأت
سوف يختارون السعر العالى والذى يحقق ربحية كاملة
هكذا كانوا يعلمونا فى الكليـــــــــــــــــــــة
وهناك تكملة ومتابعة للاحداث فى الكلية
...............! .....................!........................!...........................!
مش عارف ليــــــــــــة مش مطمن بعد نشر هذة الحقائق امامك
ولا عاااااااااااارف اية ال حيحصل

معاك إن المبلغ اللى بيدفعوه إنتساب كبير وخاصة فى الظروف الصعبة دى وكمان مش مقدرين إن فى ناس متقدرش تدفع المبلغ ده كله

وشايفة فعلا إن الكلية دى نظامها فاشل فى كل حاجة ومفيش عند الدكاترة ضمير ولا أى حاجة خالص قاعدين بس فاضيين للجودة والبتاع وكل ده عشان إيه...بس طبعا مش كل الدكاترة وخاصة اللى ذكرتهم

ده حتى من قلة الضمير مفيش تصحيح مظبوط للورق سواء فى إنتظام أو إنتساب وكأنهم بيلعبوا لعبة ياترى مين هينجح ومين هيسقط وكأن الدكتور اللى يشيل أكبر عدد من الطلبة مادته هو اللى هيكسب فى اللعبة

انا اهنيكى يا همس ع الكلام الجميل ده

[i]السلام عليكم ورحمه الله وبركاته[/i
في البدايه انا مش بحب الظلم
وكل الكلام ايل مكتوب ده حرام

لان لكل مجتهد نصيب ومش معقول حد يجاوب ويجل صح صح
ومينجحش !!!!
هو ممكن التقدير يقل شويه بس""""
والحمد لله الكليه بتاعتنا فيها احسن دكاتره واحسن عميد
وانا والله بحب الدكتوره ميرفت حب مقدارش اوصفه
ربنا يخاليها...................

وايل يقول علي اي دكتور كلام مش كويس يبقي حقيقي طالب مش محترم....
واتقوا الله شويه""يارب اكون وصلت وجهه نظري بكلامي ده"""
انا طالبه بالفرقه الرابعه""
والسلام عليكم ورحمه الله وبركاته
"وشكرا لجميع العاملين بالكليه"
علي تحسين العمليه التعليميه

بص بقى ياسيدى انت اتكلمت وقولت كتير وكل ال انت قولته دا مع احترامى ليك غلط
اقولك ليه
انت بتقول تقديم مواعيد الامتحان مما مش عارف عمل ايه كده
اولا احنا بدأنا امتحانات فى 24/1 ودى لاول مرة تحصل ان الترم الاول يبقى 24/1
كل سنه بيبقى اول اسبوع فى يناير يعنى 4/5/6/7 ف الحدود دى
يعنى انت اخدت الترم الاول حوالى 4 شهور
اكتوبر ونوفمبر وديسمبر كاملين وتقريبا نص شهر يناير
دى اول جزئيه
خش ع بعد كده
سيبك من المحاضرات البسيطه والكلام دا لأنى معرفش ف المحاضرات
وحكايه نصب العاملين ع الطلبه دى مش فاهمها
يعنى انت مثلا تروح تدفع مصاريفك 550 ياخدوا 735
ولا بتروح تجيب الكارنيه بياخدو فلوس ولا ماده التخلف بيحسبها 90 بدل 50
ندخل على جزئيه المصاريف ال هى 140 انتظام/550 انتساب
ومعاك ان 550 مبلغ مش قليل بس برده مش كتير
يعنى مش هقولك تجارة السلاب ولا خدمة اجتماعيه ولا الدلتا ولا الزرقا
ف الكليه معانا بتوع انجليزى بيدفع حوالى 3300
يعنى لو هيحسبوها كده الاولى انهم يسقطوا 100 من انجليزى
يبقى100*3300=330000
يعنى اكتر من بتوع 500 من انتساب
وانت بتقول ان 275000 مصاريف انتساب يعملوا اصلاحات ف الكليه
دا على اساس ان مفيش ميزانيات بتنزل الكليه ولا ايه
معرفش الحته بتاعت وكيل الكليه دى لانى متعاملتش معاه بصراحه
ودى ملهاش علاقة بالفلاحين او غيره
لان فيه دكتور اعرفه معرفه شخصيه ومش فلاح وبرده مش تمام
فانك تقول فلاح او لا دى مش مقياس
حته انه اكتر الناس عندهم حضور دكتورة علا
دى حاجة بسيطه انها لغايه السنه ال فاتت كانت بتوهم الطلبه انها بتاخد غياب
ودى حاجة مش موجودة ف اى تعليم عالى ف العالم
غير طب وهندسه والكليات العمليه
وبالنسبه للأخت همس هى بتقول المبلغ كبير والناس مش تقدر تدفعه
فيه حاجة ف رعايه الطلبه الناس بتروح تعمل بحث اجتماعى
وميدفعش حاجة خالص
يعنى فيه حاجة كويسه ف الكليه
ف حته تصحيح الورق
دى اتفق معاكى فيها لأنى جربتها تجربه شخصيه
وحصلت معايا ومع ناس كتير اعرفهم
طبعا كل الناس هتفتكرنى بدافع عن الكليه
انا من اكتر الناس ال بتكره الكليه بنت التييييييت دى
بس الكلام دا كان لازم يتوضح

انا من طلبة انتساب الفرقة الرابعة اللى اتظلموا ف النتيجة وخاصة مواد الدكتور خالد منه لله حسبى الله ونعم الوكيل ليه يا جماعة منعملش مظاهرة او اعتصام ونطالب انه يمشى زى الدكتور وائل

هههههههههههههه
دا على اساس ان وائل مشى علشان الاعتصام والمظاهرة ال اتعملوا
الفرقه الرابعه كلها وبالكامل اتظاهرت واعتصمت وعملوا مذكرة فيه
وكل ال حصل ان العميدق قالت ان الطلبه تاخد تقريبا الـ3 درجات بتوع الميد تيرم وخلاص على كده
انما هو مشى عشان راح اعارة واحتمال ف اى وقت يرجع
وفيه حاجة تانيه ان مش الطالب ولا حتى رئيس القسم بتاعه يقدروا يمشى دكتور
ال يمشى الدكتور قرار من مجلس ادارة الفرع وبموافقه الجامعه

انا فى الفرقة الرابعة انتظام و فر رايى ان كلامكم فى تحامل كبير على الدكاترة بتشتكى من خالد طيب ماهو معظم الطلبة ناجحين و بتقدير و ايه مشكلة الامتحان طالما انه قايله من الكتاب بالارقام و المحاضرة يبقى اللى بيقول كده اكيد مذاكرش كويس مفروض تحاسب نفسك الاول قبل ما تتهم اى دكتور لانهم معرفينا من اول يوم على النظام واحنا عارفيين خالد من العام الماضى يبقى ليه الشكوى ده