وكسه الشباااااب......................!

مساء زى الفل على كل أعضاء الجروب الجامدين ويارب مايكون في حد اتوكس انهاردة ويارب مافيش حد يتوكس خالص بعد كدة........جاية اتقل عليكم انهاردة بموضوع يارب يعجبكم موضوع فوق الفظيع وتحت المريع.

الموضوع النهاردة بنشوف ملابساته وإحنا ماشين في الشارع أو في النادي أو الكلية وفي أي مكان بنروحة بيتلفت نظرنا للنمط اللي أنا هتكلم عنه دلوقتى.

الواحد وهو ماشي في أي مكان في الجمهورية بيلاقي شباب وبنات لابسين هدوم غريبة كدة مالهاش ملامح اصلا ولا لايقة على بعضها نجيب كدة نوع نوع واتكلم عنه:

اول نوع الشباب :

الواد من دول يبقى ماشي في الشارع لابس هدوم غريبة....البنطلون واقع قال يعنى ساقط واحنا بنشوف النمط دا كتير وبيقولو انها الموضة وقال يعنى الواد كاجوال وهو فاهم انه كدة بيزغلل عنتين البنات وفاكر نفسة" الواد فانكى والمعجبات كتير كتير" ولابس بادي عليه الظاهر والله اعلم بتاع اخته يعنى الدنيا ملخبطة على الاخر والله انا شوفت واحد المفروض انه طالب لابس بنطلون زى بتاع الصيادين وبادي عليه الظاهر انه شحته من حد وموقف شعره مترين لفوق.........ولا ظاهرة اليومين دول بتاعة الجيل المهم ان الجيل دا بيخلى الشاب من دول يبقى اقرع وبيوقع الشعر وتلاقيه حاطه على شعرة ومنزل قصة كدة وتلاقيهم بيصرفوا على الجيل اكتر مابيصرفوا على الاكل اللي بياكلوه وبعدين لو أي واحد عايز يوقف شعره الموضوع بسيط يمسك سلك عريان ويتكهرب هيلاقي شعره وقف لوحده وكل مايمسك اكتر هيرتفع المسافة اللي انت عايزها ممكن متر اتنين دا كدة حتى يبقى ارخص.

الشباب فاكر ان كدة البنات هتموت عليهم بس بالله عليكم ياجماعة شوفو البنات اللي بتبقى واقفة مع واحد زى دا بتبقى بنات من نفس النوعية صدقونى مافيش بنت محترمة ترضى بواحد زى دا بالمنظر دا.

نيجي بقى على النوع التانى البناااااااااات اللي فضحينا فضيحة الطماطم في السوق هو احنا ناقصين مايبقى كفاية الشباب واللي عملينه......اموت واعرف هيجى لهم حاجة لو جابوا الهدوم بتاعتهم واسعة شويتين ولا طويلة حبتين الواحد بيشوف مناظر غريبة.

تلاقي البت من دول لابسة بنطلون شبه بنطلون الواد اللي احنا قلنا عليه من شويه مدخلاه بصابونة ولا بحبة رابسو متفهمش ولابسة بادي الظاهر دا بتاع اختها الصغيرة ودا طبعا يدوبك على كمر البنطلون ولابسة فوق كل دا طرحة طيب لابساها ليه ماهو يااما انتى قرعة يااما شعرك خشن يااما شعرك خشن يااما قرعة مش هتخرج عن الاربع اختيارات دول ولاتكون لابسة جيبة اختها الصغيرة ولابسة الوانات غريبة على بعضها مالهاش علاقة ببعض قال يعنى موضة وبتبقى فاكرة ان دا جمال وحلاوة والواد من دول ياخدها لفة لكن يوم مايتجوز يتجوز واحد يعرف انها هتحافظ عليه ومحترمة حتى لو ببنطلون بس لابسة عليه حاجة طويلة.

ياجماعة والله الشباب لا بتبص للبنات اللي زى دول ولا البنات ترضى تتجوز واحد زى داهيحميها ويتحمل المسئوليه ياريت الشباب والبنات يعيدوا تفكيرهم تانى في اقل حاجة لازم نفكر فيها وهي مظهرنا كاامة عربية ليها عاداتها وتقاليدنا ونبطل نفكر ونقلد الغرب تقليد اعمى من غير مانشوف دا يناسبنا ولا لا الغرب نجح في انه يحط لينا عاداته وتقاليده وافكار يمكن الغرب نفسه مش بياخد بيها.
ياريت الشباب والبنات يفكروا كويس بجد المنظر مقرف ومقزز وبقت حاجة تكسف.
ياريت حد يوافقنى على كدة

هههههههههههههههههههه

عندك حق فوكس والله بقت حاجة تلخبط ...والواحد قرف من المناظر دى وشكلنا بقى وحش أوى

قال يعنى ناصحين وبنقلد الغرب.طب منقلدهم فى حاجة كويسة فى إختراعاتهم مثلا...لكن إيه المصريين أهوم

تسلم ع موضوعك الجميل ده

تقبل مرورى :454546:

بجد والله يا همس
الواحد بقا محتا يغير من نفسى ولا بقا بيغير فى شخصيته
شكرا لمرورك همس

عندك حق والله
[ندعوك للتسجيل في المنتدى أو التعريف بنفسك لمعاينة هذه الصورة] تقبل مروري

شكرا لمروركmenas

[ندعوك للتسجيل في المنتدى أو التعريف بنفسك لمعاينة هذه الصورة]

والله حاسن منظرى مواضيعك جمده اوى

شكرا لمرورك محمد

جزاك الله خير علي طرحك للموضوع ده
مشكور

عندك حق يافوكس

لو البنت او الولد اهلهم شافوهم قبل مايخرجوا مكنش ده بقى حالهم

ربنا يحفظنا

تقبل مرورى

شكرا لمرورك فرجينيا

هههههههههههههههههههه
يا كبير
تسلم

ماشى يا احمد

[ندعوك للتسجيل في المنتدى أو التعريف بنفسك لمعاينة هذه الصورة]