.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟أو نتخيل سيناريوهات مختلفة للي هيحصل بعدها ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني
في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده
ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟
ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟
ده سيناريو مكتمل محتمل للي ممكن يحصل فيه سيناريو تاني
.نعم يا ابن *****؟......ده أبوها
ساعتها انت موش هتقفل السكة
ثواني ياعمي أنا والله بحب جمالات بس مستني وقت أرتبط بيها
وهنا هيختلف رد فعل الأب حسب شخصيته يعني ممكن يكون راجل جنتل ويقولك
حب ايه ياحيلة روح ياض العب بعيد
وممكن يكون راجل عقلاني....
هو يابني اللي يحب حد يكلمه الساعة دي
لو اختك ترضي حد يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب
.وعموما يابني ممكن أعرف انت عايز ايه دلوقت؟
وهنا هتبان نواياك
يااما تاخد منه معاد تقابله وتكلمه وتشرحله ظروفك
يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي
.تك....صوت سماعة بتتحط وسكة بتتقفل في وشك فيه سيناريو تالت
أنك تطلع ندل وترد عليه
ماتشتمش يابا الحاج انت متلم بنتك ياأخويا
انا مضربتهاش علي ايدها
وطبعا رد فعل الراجل علي بق زي ده
يااما هيقع علي الكرسي من الصدمة وتسمع صوت (بابا بابا)
أو هيرد علي كلامك
وممكن يبقي فيه سيناريو رابع
أول ماابوها يدخل...هتلاقي جمالاات بتقولك
ثواني ياتيفا...بتدلعك ياعم مين قدك يابختك
فيه حاجة يابابا مخبطتش ليه قبل ماتدخل.
.معلش ياجمالاات اصلي كنت بدور علي حاجة معلش اني مخبطتش
.طيب يابابا عاوز حاجة؟
لا خلاص هدور في أوضة تانية
وفيه سيناريو كمان
.وده بقي محتاج واد ابن جنية
وهو انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش
وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة):
أو ممكن يطلع الراجل تربية فكرية ويصدق ويقولك أما توصل يابني ابقوا طمنونا طبعا أنا مقلتش الموضوع من ناحية البنت بمعني لو أبوكي رفع السماعة(موش تعصب ضد حكوك المرأه لا سمح الله)بس لأن السيناريو معروف
.لو أبوها راجل ودمه حامي
فيبقي اللي تقدر تعمله بس انها تكون لها علاقات في المستشفيات خصوصا قسم العظام عشان يتوصوا بيها
thelegend_2m تويستراوى بلاتينى
الجنس : العمر : 33 عدد الرسائل : 320 تاريخ التسجيل : 17/02/2010 المزاج : good
موضوع: رد: لو ابوها رفع السماعه هتعمل ايه......! السبت 20 فبراير - 21:14
هههههههههههههههههه نايس يا مان
avergenya مدير سابق
الجنس : العمر : 33 عدد الرسائل : 3252 تاريخ التسجيل : 08/02/2010 المزاج : عالى والحمد لله
موضوع: رد: لو ابوها رفع السماعه هتعمل ايه......! السبت 20 فبراير - 21:29
it is wow
بجد تسلم ايدك وياريت تاخد بالك ياتوفيق
MR_blackshadow تويستراوى ماسى
الجنس : العمر : 32 عدد الرسائل : 4906 تاريخ التسجيل : 06/12/2008 المزاج : عصبى
موضوع: رد: لو ابوها رفع السماعه هتعمل ايه......! السبت 20 فبراير - 21:51
كويس انا ابوها رفع السماعة مرفعش حاجة تانية
nody تويستراوى ماسى
الجنس : العمر : 33 عدد الرسائل : 3266 تاريخ التسجيل : 16/03/2009 المزاج : الحمدلله تمام
موضوع: رد: لو ابوها رفع السماعه هتعمل ايه......! السبت 20 فبراير - 23:00
قلتله : اسماعين سمعة يا حج بتاع الفراخ اللي انت لسه شاري منه النهاردة كتكوت
لقيته سكت شوية كدا وقالي : انت ا... امير؟؟
قلتله : مين امير انا سمعة يا حج والله
سكت شوية ومضايق اووي وقالي : طب بتكلم ... يا سي اسماعين الوقتي؟
قلتله مفيش والله انا بس كان دكرين بط ضايعين مني النهاردة وكنت بشوف كدا عندكوا ولا ايه يمكن تحت السرير في الاوضة كدا ولا حاجة دور في الدولاب كدا يمكن دخلوا يغيروا هدمهوم ولا حاجة هه
بس هو سكت شوية وقالي : طيب انا هارد علي باباك يا سي امير وهانشوف موضوع البط دا ان شاء الله
قلتله : طب اديهاني بقي نكمل تدوير علي البطة ههههه
تيت .. تيت .. تيت... ههههههه قفل السماعة في وشي
بس بعدها بيومين راح قال لابويا ... بس ابويا عارف ان انا ابن كلب صايع اصلا هههه عادي يعني ... مقاليش حاجة
katy تويستراوى ذهبى
الجنس : العمر : 35 عدد الرسائل : 1656 تاريخ التسجيل : 14/03/2009 المزاج : مروق
موضوع: رد: لو ابوها رفع السماعه هتعمل ايه......! الأحد 21 فبراير - 9:18
والله هيا اكيد صوابعك مش زى بعضها
وربنا يهدى الجميع
قولو امين
شمس تويستراوى ماسى
الجنس : العمر : 33 عدد الرسائل : 2228 تاريخ التسجيل : 08/11/2009 المزاج : الحمد لله
موضوع: رد: لو ابوها رفع السماعه هتعمل ايه......! الأحد 21 فبراير - 9:51
لا بجد حلوة فوكس وانت يا أمير بلاش كدة تانى
amir yosef تويستراوى عادى
الجنس : العمر : 35 عدد الرسائل : 172 تاريخ التسجيل : 22/10/2009
موضوع: رد: لو ابوها رفع السماعه هتعمل ايه......! الأحد 21 فبراير - 13:25
حاضر يا شموسة
ElBob& تويستراوى ماسى
الجنس : العمر : 33 عدد الرسائل : 2672 تاريخ التسجيل : 19/04/2009 المزاج : الحمد على كل شىء
موضوع: رد: لو ابوها رفع السماعه هتعمل ايه......! الأحد 21 فبراير - 13:47
ههههههههههههههههه جامدة يا حسوكة
يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي
حلوة اوى حكاية اكوم نفسى دى ههههههه وطبعا لو البت دى ايه ملكة جمال ولا مين عمرى مهعمل الحركة دى بتاعة اتصل بيها اتنين بالليل عشان ايه يعنى
Red dragon تويستراوى مطرود
الجنس : العمر : 35 عدد الرسائل : 3311 تاريخ التسجيل : 26/12/2008 المزاج : عالى اوى اوى
موضوع: رد: لو ابوها رفع السماعه هتعمل ايه......! الأحد 21 فبراير - 15:31
موضوع: لو ابوها رفع السماعه هتعمل ايه......! 
السبت 20 فبراير - 18:25
