ارخم ولد فى العالم تعملى ايه لو ده خطيبك ؟

انا كنت عملت موضوع عن ارخم بنت فى العالم شوفو ده بقه واحكمو انتم
هو و هى مشيين على الكورنيش ..

الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض –

بما أن عندك إحساس يعنى –

إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة ..

ماانتى عارفة الكانز وغطاه .

هي : ماقلتش عايزة كانز ..

كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ،

وبعدين بقالنا 3 ساعات ماشيين ،

أنت مش ناوي تقعدنا ولا إيه؟

هو : عندك الكورنيش كله ..

اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى ..

نأخد مركب عالكورنيش .

هو : المراكب بتغرق اليومين دول ..

خلينا ع البر أحسن .

هي : بلاش المركب تعالى نأكل ترمس ..

أظن ده رخيص .

هو : إنتى تضمني منين إن الراجل غاسل إيده

وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! ..

ماأنت كان معاك إمبارح .

هو : إمبارح دخلت السينما مع بنت حلوة كده

فالفلوس خلصت

هي : بنت حلوه ؟؟!!

وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟

ماهو الجو مولع أهو .

هي : إنت اللي بارد .

هو : بارد إزاى ؟؟

دا أنا بشُر عرق .

هي : بقولك إيه ..

روحنى .

هو : أروحك ؟!

هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى ..

واضح إن الحر بيجى معاك بالعكس ..

يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك ..

و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه

مين هايوصلني بقى ؟؟؟

ههههههههههههههههههههههههههه حلوة
بس اييييييييييييييه الرخامة بتاعت الواد ده

ده لو كان خطيبى كنت
انتحرت من زماااااااان
وموته قبلى عشان اريح البشريه
من رخامته

ههههههههههههههههه

هو فعلا ارخم ولد فى العالم

هههههههههههه
ايه ياهشام الواد ده
ده واد رخم طحن
ده عايش ازاى

» ارخم بنت ف العالم
» خطيبك علي ماتسستميه .. إن هنج رستريه.. وإن ما استحملش الفيستا .. رجعي الاكس بي)
» ارخم مكالمه تليفون هههههه
» لوحكم العالم بنت رومانسية هيبقى العالم ازاى ؟؟؟؟؟
» تخيل خطيبتك او خطيبك بعتلك المسج ده ياترى ايه موقفك !!!