يوميات ابليس وقريش الحلقة السابعة

الحلقة السابعة

[ندعوك للتسجيل في المنتدى أو التعريف بنفسك لمعاينة هذه الصورة]
سبنا أبو جهل وإبليس وهم دايخين في الشارع بعد ما عربية إبليس اتسرقت .. إبليس هيتجنن[ندعوك للتسجيل في المنتدى أو التعريف بنفسك لمعاينة هذه الصورة] لإنه مش عارف يتصرف أو يتصل بأصحابه لإن الموبيل عطلان .. أبوجهل مابين انه فرحان جدا بأخلاق المسلمين البايظة .. وبين انه متضايق عشان حركة العربية
إبليس مش عارف يتصرف .. الشباب حسوا ان فيه مشكلة .. توجهوا لمساعدتهم
واحد (يوجه الحديث لأبو جهل) – خير ان شاء الله يا حاج .. فيه حاجة ؟؟
أبوجهل – العربية اتسرقت .. أنا مش عارف ايه اللي بيحصل في البلد دي
واحد ( يحس بلكنة غريبة في كلام أبو جهل .. يفتكره سايح ) – لامؤاخذة يا حاج والله .. حاجة تكسف .. حضرتك بس اتفضل معانا نصلي سوا .. ونحاول نتصرف بعد الصلاة ان شاء الله .. اتفضل اتفضل
بقية الشباب – أيوه .. نصلي سوا وربنا يحلها ان شاء الله
أبو جهل ( يبص لإبليس ) – لأ .. أصل .. يعنيييييييي[ندعوك للتسجيل في المنتدى أو التعريف بنفسك لمعاينة هذه الصورة]
إبليس يختفي فجأة .. فص ملح وداب .. وأبو جهل يلاقي نفسه مدفوع دفعا للجامع .. يدخل مع الشباب .. ويروح على الحمام فرارا من الصلاة .. لحد ما الصلاة تخلص
واحد من الشباب .. يسلم على أبو جهل بعد الصلاة – تقبل الله يا حاج .. أمال فين الأستاذ اللي كان مع حضرتك ؟؟
أبو جهل – ده صلى وطلع على طول بعد الصلاة .. موضوع العربية شاغله أوي
واحد تاني – ولا يهمك .. إن شاء الله نتصرف .. ياللا بينا
أبو جهل يدور على حذائه .. يدور .. يدور .. يدور .[ندعوك للتسجيل في المنتدى أو التعريف بنفسك لمعاينة هذه الصورة]. حزروووووووووا حصل إيه .. أيوه بالضبط كده .. مع الأسف الشديد .. جزمته اتسرقت .. إخص على كده
أبو جهل – إيه يابني ده .. معقول الجزمة تتسرق في الجامع ؟؟ .. معقول ؟؟ هم المسلمين دلوقت بقوا كلهم كده ؟؟
الشباب في نص هدومهم .. واحد منهم يتطوع بحذائه عشان الراجل الغريب
– معلش والله يا حاج .. مش عارفين نقولك ايه .. للأسف بعض الناس بتسيء للإسلام جدا .. ربنا ينتقم منهم .. اتفضل حضرتك .. البس الجزمة دي وان شاء الله تطلع على مقاسك
أبو جهل ياخد الحذاء وهو مضطر .. يلبسه ويطلع .. ياخد إبليس على جنب ويمسك فيه
أبو جهل – وكمان يسرقوا جزمتي .. لااااااا .. ده انت زودتها أوي
إبليس – معلش .. جت فيك يا عمور .. أصل جزمتك غالية .. لقطة بقى .. ******هه .[ندعوك للتسجيل في المنتدى أو التعريف بنفسك لمعاينة هذه الصورة]. انت عارف .. أنا حرّمت ناس كتير أوي يخشوا الجوامع بسبب المواضيع دي .. واللي بيصلي مابقاش عارف يركز في الصلاة وللا يبص على الجزمة
أبو جهل – المهم .. هنعمل إيه دلوقت في موضوع العربية
إبليس – أمرنا لله بقى .. نشوف الشباب دول يساعدونا
يوجه كلامه للشباب – نروح نبلغ البوليس .. وللا نعمل ايه في موضوع العربية ده ؟؟
واحد من أهل المنطقة – إزاي بقى .. ده انتم ضيوفنا .. سيبنا احنا نتصرف ونجيب العيال اللي سرقوا العربية دول من تحت الأرض
شوية كده .. ويظهر واحد معلم كبير من أهل المنطقة .. ومعاه عيلين .. ينزل فيهم ضرب
المعلم – فين ياد انت وهو الوله زقزوق
ولد منهم – آآآآي .. والله ما عرف يا معلم .. آآآآآآآآآي .. قفايا ورم حرام عليك[ندعوك للتسجيل في المنتدى أو التعريف بنفسك لمعاينة هذه الصورة]
المعلم – اوع تكون فاكر نفسك عند الحكومة وهنطبطب عليك .. ده انا هاعلقك هنا لو ما جبتليش الواد ده في ساعة تاريخه
الولد – آآآآآىي .. حاضر يا معلم .. هاجيبه .. هاجيبه
إبليس لإبو جهل – يا نهار اسود .. زقزوق ؟؟
إبو جهل – انت تعرفه ؟
إبليس – أيوه .. ماهو ده صاحبي اللي كنت جاي له
أبو جهل – أيوه .. كده صح .. ماهو انت هتعرف مين غيره ؟؟ .. بس برافو عليك .. عرفت تربي
أبليس – أربي .. ده انا هاديله جـِـزا .. مالقاش غير عربيتي يسرقها
إبو جهل – عشان تحرم تسلط اصحابك على جزمتي
شوية كده وتظهر العربية .. والمعلم الكبير يعتذر لإبليس
المعلم – لا مؤاخذة ياباشا .. عربية سعادتك سليمة اهي .. والواد زقزوق تاويناه .. وآخر مرة ياباشا
إبليس – شكرا يا معلم .. أنا مش عارف من غيرك كنت هاعمل ايه
ينطلق إبليس وأبو جهل بالعربية .. فجأة أبو جهل يحس بآلام شديدة في بطنه

أبو جهل – بطني .. آآآآآآه .. إلحقني يا إبليس .. مغص جامد أوي
إبليس – سلامتك يا أبا الحكم .. مالك .. فيه إيه ؟؟
أبو جهل – سكاكين [ندعوك للتسجيل في المنتدى أو التعريف بنفسك لمعاينة هذه الصورة]بتقطع في بطني .. ألم رهيب
إبليس – طيب .. نطلع على المستشفى حالا
يطلعوا على مستشفى خاص جدا .. جدا .. جدا .. واستثماري جدا .. جدا .. جدا
[ندعوك للتسجيل في المنتدى أو التعريف بنفسك لمعاينة هذه الصورة]
يتبع ان شاء الله

جميل يا حودا