هو ...
هو د/ شريف عرفه ...
هو دكتور جراحة الفم والأسنان ورسام الكاريكاتير والكاتب العظيم فى مجال التنمية البشرية .....
هو من ستحب مؤلفاته سواء اقتنعت بكلامه او لا لما يتميز به من خفه الدم وسهولة الاسلوب .....
هو اول من أقرأ له فى هذا المجال وهو من أدين له بكثير من الفضل فى تغير شخصيتى الى الأحسن وفى افهامى لكثير من أسرار الحياة ...
هو مؤلف السلسلة المعروفة (ببرمج عقلك ) والتى سيكون موضوعنا عنها ومؤلف كتاب (لماذا من حولك أغبياء) والذى سيكون الجزء الثانى من الموضوع بعد انتهاء حلقات برمج عقلك
وهذه هى اول كلماته فى اول حلقة من (برمج عقلك)
*************************
أدركت.. أنني سأقابل في المستقبل، مواقف سلبية وتحديات وصعوبات كثيرة..
أن هذه الأشياء لن تنتهي أبدا، لأنها جزء من هذه الحياة..
فكان اختياري هو: أن أتعلم كيف أواجه هذه المواقف حين تحدث..
أن أتعامل مع الحياة كما هي.. فما الممتع في الحياة إذا لم تكن فيها تحديات؟ لو كان اليوم كالأمس، فأين روعة الحياة؟ لو لم تكن هناك صعوبات، فأين متعة النجاح والفوز؟
تعلمت أن أغير طريقة تفكيري، كي أستطيع التعامل مع الحياة..
فدعونا نتغير معا في (برمج عقلك)..
************************
برمـج عقلــك!!
ممكن تستغربوا من العنوان الغريب ده... إيه برمج عقلك ده؟؟
ممكن واحد ييجي يسألني:
هو كمبيوتر ولامؤاخذة؟؟ يعني بدل ويندوز 98 ننزل إكس بي عشان مخنا يمشي أحسن ولا إيه يعني؟
تصدقوني بقى إن هو ده يبقى الموضوع بالضبط؟؟
تعال أسالك سؤال....
لو عندك كمبيوترين من نفس النوع واحد شغال بالإكس بي, والتاني شغال بالدوس.. هتكون كفاءتهم وقدراتهم واحدة؟؟ طيب لو عايز تدخل منتدى مدرسة المشاغبين... ينفع تستخدم الكمبيوتر أبو (دوس)؟؟
لأ طبعا.. عارف ليه؟ لأنك علشان تنجح في دخول المنتدى لازم يكون عندك البرنامج المناسب... صح؟
فيه علم ظهر حديثاً اسمه البرمجة اللغوية العصبية.. (نقول برمجة العقل أظرف).. العلم ده قائم على فكرة إنك ممكن تعمل أي حاجة لو عرفت تبرمج عقلك بالبرنامج المناسب.. تخيل؟؟
يعني لازم تحط البرنامج المناسب في مخك عشان تعرف تستخدمه بطريقة أكفأ.. وتوصل للهدف اللي إنت عايزه.
تعال أسألك كمان كام سؤال....
عمرك حسيت إن اللي قدامك مش فاهمك وإنك مش عارف توصل له وجهة نظرك أو اللي إنت حاسس بيه؟؟
حسيت قبل كده إنك تايه ومش عارف تخطط لبكره كويس؟؟
لاحظت إنك مش فاهم والديك وإنهم مش فاهمينك؟؟
عمرك حسيت إنك متضايق كده من غير سبب ومش عارف تعمل إيه؟؟
عايز تطور قدراتك الوظيفية ومش عارف ازاي؟؟
أهي برمجة العقل بقى هي العلم اللي متخصص في حل كل المشاكل دي..
لو إجاباتك لمعظم الأسئلة اللي فاتت هي ( أيوه ).. إذن الموضوع ده هيعجبك قوي....
تابع معانا
يللا نبدأ...
موضوع: برمج عقلك 
الجمعة 30 يوليو - 0:40
