[size=24][/si
العلامات اللي تعرف بيها انه ربنا بيحبك انت
وهي كثيرة هنحاول نعدها مع بعض :
1 – يحميك من الدنيا
يعني ما تكون الدنيا مسيطرة عليك طول ال 24 ساعة ..يعني تفتكر ربنا كل شوية
قال الحبيب صلى الله عليه وسلم ((إذا أحب الله عبدا حماه من الدنيا كما يحمي أحدكم سقيمه الماء)) صحيح
2 – يجعلك متدين (فاهم دينك صح )
قال الحبيب صلى الله عليه وسلم ((....إن الله يعطي الدنيا من يحب ومن لا يحب ، ولا يعطي الدين إلا من أحب ، فمن أعطاه الله الدين فقد أحبه...))
3- يفقهك في الدين
وده بالتدريج يعني مثلا بدأت تعرف حاجات في الدين ..بدأت تتعلم تجويد .. بدأت تقرا قرأن صح ..........
4- يعلمك تكون رفيق بالناس ..
يعني تتعامل برفق مش بعصبية ..يعني تتكلم وتتصرف بحلم وحنيه ..مع ابويك واولادك اصحابك واي حد في الشارع
قال الحبيب صلى الله عليه وسلم ((إن الله إذا أحب أهل بيت أدخل عليهم الرفق))
5-تيسير الطاعة
يعني ربنا يفتح لك سكك الهداية ..يعني واحد من صحابك يقولك يلا نصوم اتنين وخميس ..تشرك في جروب بيعمل شنط رمضان ..يجي لك ميل فيه معلومة تفيدك وتفتحه وتقراه وتبعته لغيرك...
حاجة يو صلك منها ثواب
((يثاب المرء رغم انفه )))
6- تعسير المعصية..
تبقة نفسك تعمل حاجة وهي حرام ..وتبص وتلاقيها اتعسرت
خروجة مش حلوة ..موقع مش كويس عايز تدخله ..سهرة مش اد كده ..هتنم في حد وتجيب سيرته ............وتلاقي كل ده بيتعسر عليك يعني بعد ما ناويت تعمل ما انتش عارف تعمل
يبقة تعرف انه ربنا بيحبك
7 – يختم لك بالصالحات
يعني حسن الخاتمة .. يعني يموتك على العمل الصالح ..
قال رسول الله - صلى الله عليه وسلم -: (إذا أحب الله عبدا عسله).
قال: يا رسول الله، وما عسله؟
قال: (يوفق له عملا صالحا بين يدي أجله حتى يرضى عنه جيرانه -أو قال: يرضى عنه من حوله )
اللهم ارزقنا حسن الخاتمة وازقنا حب من حولنا
..................................................
دى كلها من علامات حب ربنا لينا ...
يارب تكونوا استفدتم وتفيدوا اللي حواليكم ..ولا تنسونا من الدعاء
... ربنا يرزقنا عبادته على قدر حبه
موضوع: علامات حب ربنا 
الأربعاء 21 يوليو - 13:18
