وكسه البنات مسلسل عن البنات اللى بتتوكس

الحكايه دى وكسه بجد لاى بنت مش بتفكر او بتفكر بقلبها بس و تلغى عقلها
انا
هحكيلكم الوكسه دى فى سبع مراحل
البنت اسمها ريم
و الولد محمد
يالا بينا نبتدى بالوكسه الاولى
اولا هنتعرف على الشخصيات
ريم
بنت جميلة رقيقه و حساسه
انا بقى انسان طايش و كداب
.................................

محمد
شاف ريم فى الكليه و قال ايه معجب بيها لف و دار و اخيرا جاب رقم الموبايل
بتاعها بس بعد عذاب طبعا

الحوار الاول هيبتدى بالموبايل

يلا
نشوف
محمد: اهلا ريم انا محمد زميلك فى الكليه ممكن اتكلم معاكى
فى موضوع مهم ؟
ريم : اهلا محمد خير موضوع ايه الى انت عايزنى فيه؟
محمد : هو الموضوع ان فيه بنت جميله و رقيقة اعرفها و معجب بيها جدا جدا جدا
ريم
: طب و انا ايه دخلى فى الموضوع ده؟
محمد : بصراحه يا ريم البنت دى انتى
،انا معجب بيكى من زمان و كنت عايز افتحك فى الموضوع ده من بدرى بس خفت
تصدينى

المفاجأه بقى ان ريم برضه معجبه بمحمد من فترة

ريم :
و انا كمان كنت عايزة اقولك حاجة يا محمد

محمد بقى كان مفكر ان
ريم هتبهدله و تهزء الى جاب ابوه

انا : انا سمعك يا ريم احكى
ريم
: وانا كمان يا محمد معجبه بيك اوى و كنت عايزه اقولك خوفت لتكون مرتبط
او تجرحنى بكلام زى كده

طبعا محمد مش مصدق نفسه

محمد: بجد
يا ريم بتتكلمى جد انتى معجبه بيا انا مش مصدق اخيرا لقيت البنت الى
بتمناها

محمد و ريم هاتك بقى فى كلام فى كلام فى كلام
بس فى
وسط الكلام ريم قالت لمحمد حاجة غريبه اوى يا ريت تحفظوها علشان الوكسه
التانيه هتبقى عن الموضوع ده
يالا نشوف ريم قالت ايه لمحمد

ريم :
بس يا محمد فى حاجة عايزة اقولك عليها
انا : تحت امرك يا ريم اتفضلى
قولى انا سمعك
ريم : محمد متحولش تقولى هاتى صورة ليكى او اى حاجة من دى
علشان اخاف تقع فى ايد حد يعرفنى و تبقى مشكله اتفقنا ؟
انا : طبعا يا
ريم انا عمرى ما هطلب اى حاجة من دى
ريم : اوكى خلاص اتفقنا

محمد
طبعا مش عايز كده اصل محمد كان عايز يقول للناس اصحابه انه كلم اجمل بنت
فى الجامعة
بس محمد فكر فى حاجة تانيه خالص و دى هتبقى الوكسه التانيه

طبعا
ريم صدقت محمد و لانها انسانه رقيقه و بتحب محمد بجد

الله يكون فى
عونك يا ريم ربنا وقعك فى شر اعمالك ربنا يستر عليكى

..........................................................................

كفايه عليكو كده انهارده
تابعونا

با بن الكبير والله جميله جدا
الله يكون فى عونك يا ريم
وقعتى ولا حدش سمى عليكى
تسلم يا كبير
ههههههههههههه

وانا كمان معجبة بيك من زمان
دى بت هبلة
واخرتها ضياع
ربنا يستر
ومستنين باقى الوكسات

كمل يا هشام
القصه حلوه اووووووووووى

بداية وكسة جميلة

فرى فرى نايس توبيك هشام

فين بقيت الوكسات

نايس توبيك هشام ومستنين موضوعاتك اللذيذة

بدايه مشوقه يا اتش بجد

وانا متابع معاااااك

نايس توبيك

تقبل مرورى :454546:

ِكرا ليكو منورين التوبك
تابعو معايا باقى الوكسه
ربنا يهديكى يا ريم

هااااااااااااى ياجماعه ازيكوا الاول انا النهاردى جااااااااااااااى
اكملكم وكسه ريم
وطبعا زى ماعرفنا فى الجزء الاول ان ريم دى بنت
نااااس اووووى ومالهاش فى اللف والدوران وبنت محترمه بس هيا كانت نفسها
تعمل زى منى زكى وتتحب من تيمور .
بس للاسف احنا اليومين دول فى غابه
مش فى بــــــــــــلاتوه .
المهم اكمل.... طبعا ريم ومحمد كل دا لسه
ماتقابلوش ومأضينها كلام فى التليفون وطبعا البت ريم على نيتها ع الاخر
وعماله تحكى لمحمد كل حاجه عنها عن بابا وماما واخوتها عادى زى ماكل بنت
بتحكى للانسان اللى بتتكلم معاه او بترتاح وهى بتتكلم معاه عن كل حاجه
عنها .
والواد محمد مابيتكلمشى خالص.
قال ايه انا مش بعرف اتكلم عن
نفسى . وانا بحب اسمع . وبالذات لما تكونى انتى ياقمر بتتكلمى .
والامتحانات جات ومحمد بقى بيشوف ريم كل يوم فى ايام الامتحانات بس للاسف
مش عارف يعد معاها لوحدهم لان ريم اعده كل الوقت مع اصحبها اللى هما عارفين
عنها انها معقده وما بتكلمشى حد وبتعد تطرقع لدى ولدى فامش عايزة حد يطرقع
لها .
والواد يعينى عايز يعد يظرفها الكلمتين .
المهم الواد محمد دا
بقى ايه دماغه متكلفه وبيسمع اسامه منير على طول ويعرف ايه اللى بنات
يتحبه فيعمله .ومتبع طريق ارغى فى ودنها توصل لقلبها .
محمد طلب من ريم
انوا عايز يقابلها فاريم ردت بالرفض اه انا يامحمد معجبه بيك جدا بس انا
مش هاينفع اخرج معال انا عمرى ماخرجت مع حد وازاى هانعد لوحدنا والناس كلها
هاتعد تبص علينا واللى رايح واللى جااااى عمل يتكلم لا سورى يامحمد انا مش
هاينفع اخرج معاك .ولو حد شفنى كمان يقول على ايه .
طبعا محمد وشه جاب
الواااااان وقالها ياريم معلشى انا اسف ماكنتش اعرف انك مش بتحبينى وانا
اسف كمان مرة على وقتك اللى انا ضيعته.
ريم مستغربه ايه هو الواد دا
اتهبل هو بيقول ايه .
ريم: ايه يامحمد انتا سخن ولا ايه ايه اللى انتا
بتقوله دا انتا عارف انت بتقول ايه .
محمد:ايوة ياريم مافيش حد معجب بحد
ومابيتمناش انو يعد معاه .انتى كدا مش عيزانى اكلمك تانى .
ااوووواواواوة
الواد هنا بقى مسك ريم من الايد اللى بتوجعها معلشى اصل انتوا ماتعرافوش
بقى البنت لما بتتعود على واحد بالذا ت لما يكون قريب منها اووووى ويعرف
عنها كل حاجه وخصوصا ان العمار مقطوع بين ريم ومامتها اللى المفرود ان
مامتها هانا بتلعب الدور اللى محمد هنا هو البطل فيه.
محمد زعل منها
بقى لما رفضت تقابله ونهى المكالمه وقفل التليفون وريم هاتك يارن هاتك يارن
والافندى عمال يلعب بلاى ستيشن مع اصحابه وهى مفكره ان الواد نام زعلان
يعينى وعماله تتصل بيه عشان خايفه ان الواد ينام زعلان ويجيلو شوووجروبعد
مامحمد خلص لعب ظرف ريم الرساله التمام واللى بتقول .ريم انا هاموت واشوفك
ولو انتى مش عارزه تشوفينى انا هاتعبر انك بتقوليلى ان انا مش عايزاك بس
بالذوق ع العموم ياريم انا مش ها لاقى حد قلبه ابيض زيك وكنت اتمنى ان انا
اكمل معاكى ..
انا مستنى ردك ومش هايجيلى نوم الا لما تردى عليا . بحبك
.
طبعا ريم شافت الرساله وقالت الواد دا اتجنن ولما كملت الرساله وشافت
فى اخرها كلمه (بحبك ) البت جابت الوان وخصوصا انها كانت اول مره تتقال من
الناحيتين . ريم رفعت التليفون واتصلت بمحمد وقالتله قبل اى كلمه انا
هتكلمها انتى قولتى بحبك صح ولا التليفون بيهيس .
سكت محمد وقالها اكيد
التليفون بيهيس . ريم :محمد انا موافقه انى اقابلك بس ماتاخدشى عليها ودى
اول واخر مره هاخرج معاك فيها .اوكى لو انتا عايزنى اخرج معاك ممكن نماشيها
رسمى وتيجى تكلم بابا .
طبعا محمد سمع كلمه الشاى ورسمى وبابا والكلام
دى بلع ريقه كد ووشه اصفر ونزل عليه داء الصامت ربنا مايوريهولش ليكوا .
المهم
قالتوا ايه سكت ليه ولا انتا نااااوى تخلع .
محمد: عيب ياقمر دانا بموت
فيك بس انا نفسى اتعرف على شخصيتك اكتر عشان اخش بقلب جامد . هو انا
هالاقى حد زيك فى الدنيا . ومن هنا اتحول الاعجاب المتبادل بينهم الى حب
بين الطرفين وخرجت معاااه والمعلم سبتها وقلها أناا والدنيا والحياه
والظروف وطبعا انتى بتاعتى وانا عمرى ماهرتبط بحد غيرك بس ياريت تصبرى على
شويه لحد مالظروف تتحسن معايا شويه .
وباقت بتخرج مع محمد كل ما الفرصه
تسمح وهيا اللى كانت بتطلب دا وباقت ريم بقى عادى الحياه زبادى فى الخلاط
وبقت بتبتدع الحجج وباقت استاذه فى انها ازااااى تحور على ماما عشان تخرج
من البيت وتقابل حمص .
وطبعا كلام كل يوم فى التليفون طول الليل .

وعملت
رقم سرى ع الموبايل وع الرسايل وغيره ومن هنا تعرف ان البنت دخلت على اول
الطريق . ومابتسبشى الموبايل من ايدها وبينام جنبها .
والعلاقه بقت
بينهم علاقه حب جامده جدا وصلت لمرحه الحب الافلاطونى وايام تشلهم وايام
تحطهم وريم تزعل شويه ومحمحد يصالحها . ومحمد يقفل تليفونه شويه ويعمل
زعلان وريم تيجى على نفسها وتصلحه وايام تشلهم وايام تحطهم .
وريم
الحياه اختلفت معاها 360 درجه واتغيرت ع الاخر وانتوا بقى يابنات عارفين
الحورات اللى البنت بتعملها والتغيرات اللى بتحصل فى حياتها لما بتحب .
.استمروا
على كدا كتير اه يعنى عدى بتاع سنتين وارتبطوا ببعض اوووووووى .لدرجه ان
ريم كل ماتصحى من النوم تفضل ترن على محمد لحد ماتيجى تنام ومحمد بيرد ع
الرنه قال ايه عشان نفضل فاكرين .
لكن بعد الحب الشديد دا ابتدت تظهر
المشاكل وهنا قابلتهم اول مشكله جامد اووووووووووى اووووووووووى ريم ممكن
تروح فيها .
والمشكله دى بقى هيا ان ......................... كفايه
بقى كدا ياجماعه انا تعبتوانتوا أكيد زهقتوا منى . ممكن اكملكم فى الوكسه
اللى جايه . اه بس قبل ما انام عايز اقول لكم على حاجه فى مشكله جامده
اووووووووووووووووووووووووى عند ريم حد ممكن يقولى ايه هى ودة من الاسباب
الرئيسيه اللى بتخلى البنات بجد تتوكس وما بتكونشى ليها يد فيها .تصبحوا
على خير.

ههههه
حلوة اووى يا هشام يا ريت تكملها بسرعة

جامده يا اتش

متااااااااااااابع

جمداااااااااااااااااااااااااااااااااااااااااا جدا جدا
و بل النسبة للمشكلة او الوكسة التانية انا اعتقد انهاااااا
اتقدملها عرييييييييييييس
صح
متااااااااابع

انت المفروض كنت تكمل لان انت علقتنا خالص زى مسلسلات وافلام التليفزيون يلة مستنينك تكمل ومشكور على الموضوع دة يا باشا

ههههههههههههههه
جامد يا اتش
بس يا ترى ايه هيا المشكله
انا همووووت واعرف

حلو اوى نظام الوكسات ده جديد ...بجد علقتنا وكل الحورات دى بجد الى بتحصل اليومين دول
واعتقد ان المشكله الى هتقابلهم ان فعلا واحد هيتقدملها
يارب بس يطلع محمد ده مش هو سبب الوكسه وتكمل الحكايه ع خير
متابعين كمل بقى وتسلم ايدك ع الموضوع الرائع ده
تقبل مرورى

[ندعوك للتسجيل في المنتدى أو التعريف بنفسك لمعاينة هذه الصورة]

البت ريم دى هبلة جدا جدا
والواد محمد ده ضحك عليها بسهولة اوى
ومش لاقية حاجة اقولها غير
ههههههههههههههههههههههههههههه
هههههههههههههههههههههههههههه
ربنا يسهل ونشوف حصل اية تانى؟؟؟؟

هاااااااااااااااى على احلى اعضاء موكوسين ومش موكوسين
انا النهاردى جاااااى اتقل عليكم وأكمل وكسه ريم الجزء الثالث .
طبعا
فى الجزء الثانى بعد ماعرفنا ان الحياه مع ريم ومحمد بقة زى السكينه فى
الحلاوه .
الواد بقى ابتدى يتخنق من الحصار الشامل بالاسلحه النسائيه
اللى ريم محاصراه بيها .
انت بتكلم دى ليه ...مين دى ....الرساله دى
جايالك من مين ....انا هاشوفك امته ....عايزة اعد معاك ...الرقم دا بتاع
مين .....كل شويه هاتك يازن هاتك يازن لحد ما الواد جاب اخره .
والحياه
مافيش فيها جديد هو مثبت المصلحه معاه وهى مؤمنه بذالك ان الواد هو اللى فى
القلب وفى العين وفى التلاجه .
بس محمد هنا بقى مش بيعجبه الكلام دا اه
هو عارف انها بتموت فيه بس هو عايز يمتلكها بعد الحب اللى دام اكتر من
سنتين .على شان يحس ان حواره مارحشى ع الفاضى بس محمد كان واخد راحته ع
الاخر يخرج مع دى ويطلع طلعه مع اصحابه .يعاكس دى ويرزل على دى زى اى شاب .
المهم
محمد ابتدا يدخل فى السكه اللى الشباب كله بيفكر فيها ولكن محمد دا صبر
شويه والسكه دى سكه الوكسه وأكيد فى شباب كتير مروا على السكه دى و منهم
اللى اتفرج عليها بس.
محمد بقى عند ريم كل حاجه فى حياتها
وريم دى
كانت عندها اخت اضغر منها بحاجات بسيطه بس مش سر ليها او بمعنى اصح اه احنا
اخوات بس ساعه الجد ابيع امى .
او بمعنى اصح ماينفعشى ترغى معاها علشان
مش عايزة حد يعرف أو يمسك عليها حاجه وخصوصا دى اختها كمان .وكان ليها
واحده صحبتها كانت اسررها كلها معاها اللى هى صحبتها الانتيم .وكانت فى نفس
الوقت جارتهم وطبعا مع بعض باستمرار وهاتك يالوك لوك .
وطبعا محمد بقى
على التليفون طول الليل مره يكلمها عن أصحبها ومره عن نفسه ومره عن اصحابه
ومره بيحل مشكله ومره بيتصالحوا ومره بيتكلم فى ...اللى مينفعش اقوله .
وكان دايما
بيبحث عن المتعه كمثل اى شاب او اى شابه .او الكثير منهم .
والواد محمد
دا كانت دماغه راكبه شمال يعنى دماغه زى اى راجل شرقى اعملى دى ودى لا ودا
غلط وكلمى دى وبلاش تخرجى النهاردى وكدا يعنى الحاجات اللى كتير مننا
بيعملها ودا طبعا على قلب أى بنت زى العسل .
اه انا بكلم سى السيد وحقه
اللى هو عايزة يقوله ومنهم اللى بيسمع الكلام ومنهم حاضر ونعم وأهى العجله
ماشيه .نرجع لموضوعنا .
بس على حد معلوماتى ان محمد دا بقى ايه قلبه أعد
اووووووى .
زى مابنقول احنا كدا الواد دا قلبه ميت.
المهم فى يوم
ريم كانت بتكلم محمد وكانت المكالمه خاصه ....ع الاخر وقالتله انتا عارف انا
نفسى فى ايه دلوقتى يامحمد .
طبعا محمد وبكل حنيه قولى ياقمر .انتى
عليكى تأمرى وانا أنا انفذ
.ريم:انا هاموت وأشوفك دلوقتى حالا عايزة
اخدك فى حضنى .
ومن هنا بدأت وكسه ريم
محمد: حالا انتى عارفه الساعه
كام .
ريم:ايوة . والساعه كانت حوالى 2بعد منتصف الليل
محمد: طيب
اللى عايز يشوفك دلوقتى يعمل ايه
ريم: بسيطه انتا تيجى تحت البيت وترن
عليا وانا هافتحلك وتدخل عندى الاوضه بتاعتى وبمجرد ماتدخل الاوضه انت
هاتبقى فى امان اصل كلهم فى البيت هنا عارفين ان انا ليا دماغ لوحدى وكدا
كدا انا بقفل عليا بالمفتاح وانا نايمه والبيت عندنا كله نايم وبابا مسافر .
محمد
بقى قالك انا هاروح يابمبو دى هاتبقى ليله زى الفل بس لما فكر شويه وراجع
الكلام قالك بس البت دى مجنونه وعملالى كمين وشكللك هاتتسلم يابمبو وهاخرج
من البيت دا اما ريم فى دراعى أو هاخرج حرامى وفى كلا الاحوال انت ميت ميت
ياخيرى وهاتبقى فضيحه بجلاجل .
محمدرفع التليفون ريم انا عندى شغل كتير
النهاردى اوعدك فى اقرب فرصه هانظبطها وهاجيلك بس خلى بالك زى ماهادخللك
سليم تخراجينى سليم اوك .
ريم: ميته على نفسها من الضحك ايه انتى خوفتى
يابيضه ماتخافيش انا اللى مسئوله وانتا كمان حد هايقدر يكلمك دا اللى يبصلك
اموته دا أنتا حبيبى ومستعده اقول ادم الدنيا كلها .
محمد:لا
ماتتهواريش اوى كدا كفايه انا وانتى بس بلاش موضوع الدنيا كلها .
وخلع
محمد واعد طول الليل مع وسواسه القهرى اللى ممكن يموت اى حد فى الدنيا وهو
الفضــــــــول .دماغه عمال يجبها كدا يجبها كدا البت دى كانت عايزة تعمل
فيا ايه النهاردى ياترى هى كانت عايزة تسلمنى تسليم أهالى ولا كانت عايزانى
بجد.
طيب لو كانت عايزة تسلمنى طيب هى ليه تعمل فضيحه لنفسها.
طيب
لوحد من اهلها دخل علينا هايعمل ايه اكيد مش هايعمل حاجه عشان شكله ادام
الجيران وعشان بنته ولازم يلم الليله .مش عارف مش عارف والواد كان
هايتجنن.
ومحمد فضل فاكر الكلام زى ماهو فاكر امته اول مره مسك أيديها
وأول مره قالها بحبك وأعد يدور الموضوع فى دماغه اروح ولا ماروحشى
وتانى
يوم محمد قرر يعمل لريم مفاجئه جامد جدا اخر حاجه .
والمفاجئه دى انا
أكيد هاقولكم عليها بس انا تعبت وانتو أكيد تعبتو أكمل الوكسه الجايه .
بس
ريم هنا .........................................مش لاقى كلام أقوله

اممممممممممممم؟؟؟ ريم اتهبلت ف عقلها واتوكست وكسه ما يعلم بيها الا ربنا ...بلا نيله بنات اخر تايم
ياترى روميو عاملها مفجأة ايه؟؟ كمل بقى ياAraghon

ღ

حلقه جامده يا اتش بجد

كمل متابعك

ههههههههه

منورين التوبك والله
تابعو وكسه ريم

هههههههههههههههههه
هههههههههههه
جامدة جدا يا هشام انا قرات الحلقتين جمال جدا وتسلم الايادى
كويس ان الواحد عاقل والله يارب دايما
وتقريبا الوكسة التانية زى ماقال بيبو
عريس جديد هههههههههه

مسلسل جامد

بس بقولك انت اتعرفت على مين فيهم وحكالك الحكاية

ابقى قولى

هههههههههههههه لا دى وكسة مابعديها وكسة
دى لو فى كلمى اكتر من كدة لازم تتقال
كمل بقى يا هشام عملها ايه روميو ده دى خسارة فيه الاسم