مصطلحات مشهوره جدا فى جميع البيوت المصريه

قــــــــــــــــــــابل يا سيدى :

*امشى جاتك مشش فى ركبك .

* جتها نيلة الى عايزة خلف تيجى تتفرج .

*ذاكر ياموكوس مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هات كيس عيش وانت راجع.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

*هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم

طبعاً ما حضرتش ولا محاضرة ولا سكشن , وطول اليوم صايع بره البيت
طبعا لما بنقرا الكلام ده بنضحك بس مش عايزين ننسي فضل الناس دول علينا
احنا من غيرهم نضيييييييييييييييييع

ههههههههههههههه
اه والله ده اللى بيحصل
موضوع اكتر من رائع

شكرا ميسى للمرور

فعلا هو ده اكلام الى بيتقال اشكرك بجد ضحكت على الرغم مكنتش عايزة اضحك

شكرا نور على المرور منوره المنتدى

حلوة بجد0مجهود كبيرمنك

شكرا لمرورك الجيل منوره المنتدى

فناااااااااااااااااان يا مان
كلام جميل جدا

حاجة حلوة

سبحان الله هودا الكلام بالطبط الكلام الى بيتقال

كإن الامهات والاباء متفقين علينا ولا ايه

بس على فكرة احنا الى عودنهم على كده

هههههههههههههههههههههههههههههههههه

اه طبعا احنا اللى عودناهم على كده
هههههه
بس ميهمش لازم نستحملهم

ههههههههههههههههههههههههههههههههه
الظاهر ان كل الابهات والامهات حافظين من كتاب واحد
شكرااااااااااااااا لمجهودك

تسلم ايدك يا اتش

احنا لينا الجنة بالكلام دة

انا زهههههههههههههههههقت من الكلام دة

انت حاطط كاميرات و بتصور اللى بيتقالى ولا ايه
ههههههههههههههههههههههههه

مجهود جاااااااااااااااااااااااااااامد

» قاموس مصطلحات الروشنه المصرى
» هذه قصة طريفه وقعت في احدى الجامعات المصريه!!
» البنت المصريه
» وظيفه فى المخابرات المصريه
» مصطلحات مصرية بمفهموم واقعى ............ادخل واضحك من قلبك