|| هــــــقولهــــــــــــــــــــــــــــــــالك ||

هقولهالك
وانا دلوقتي مطمن ومش قلقان بجد عليك
وعارفك يوم ورا التاني هتنسي كل ايامي
ولو هيضيع حبيب منك فـ غيره كتير اوي حواليك
ومش صعب انك انت تعيش فـ يوم وتحب من تاني
وانا صدقني مش ندمان علي ايام.. قلبي بطيبه عاشهالك


هقولك كلمه ولو اني عندي كلام كتير جدا
لكن ما اقدرش اجرح فيك..هقولك كلمه وهترضيك
وداعنا راحه ليا وليك وانا حاسس بكدا فعلا
ولو نفسك اقول اسباب..هقولك شوفت ياما عذاب
ومش عارف ليه كان دايما عذاب قلبي بيحلالك


هقولهالك
ومش حاسس بذنب عشان شايفك بردو محتاجها
وتيجي مني انا احسن ما تيجي منك
ولو فيا جروح منك خلاص الفرقه دي علاجها
وراحتي بجد هلاقيها بعيد عنك
ولو حنيت فـ يوم ليا ..في مني ذكري باقيالك