قصه الحلــــــــــم 4

ازى الجميع ....... يارب تكونو بخير...... النهارده الحلقه 4

احنا كنا وصلنا المره اللى فاتت ان مى كانت مدايقه من اسلوب ياسر .... نشوف ايه
اللى حصل

(( حسام )) لا والله .... انا الاسف على اسلوبنا احنا
الاتنين..... معلش مش بنعرف نتعامل ...... سورى يا مى .
(( ياسر )) طبعآ هتفضل
تتاسف للصبح ..... ما هو اللى يرفص النعمه يبقى عبيط .
(( حسام )) طب قوم يا
عبيط روح هاتلك طبق .... وكل يلا احسن تفضحنا قدام الناس .
(( ياسر )) طب وانت
مش جى معايا ....؟ ...... انا مش هروح لوحدى .
(( حسام )) اروح ليه ...؟ مى ربنا
يخليها قامت معايا بالواجب ... ربنا يخليكى يا مى .
(( سلمى )) طبعآ ... اصلك مش
ماشى بشعار الاستاذ .... ومع ذلك هقوم معاك .... يلا .

- ومشيو سلمى وياسر ... وقعد حسام مع مى .... مى كانت مكسوفه
جدآ..........
وبعد شوية حسام حاول يبتدى الحديث........

(( حسام )) ايه يا مى ....... ساكته ليه ؟
(( مى )) لأ عادى
..... مش متعوده اكل وانا بتكلم .
(( حسام )) ممكن اطلب منك طلب
....؟

مى بصتله باستغراب...........

(( حسام )) لأ اوعى تقولى عليا مستغلك عشان قمتى معايا بالواجب
.... اسمعينى للاخر .
(( مى )) خير ... طلب ايه !؟
(( حسام )) عايز اعرف عنك
كل حاجه .
(( مى )) ليه ....!؟
(( حسام )) يعنى .... كنت بحلم بيكى ......
وفجأةعرفتك ...... وكمان فى الجروب بتعنا .
(( مى )) لأ اطمن ..... الجروب فى
امان .... انا لا حرمية ولا مجرمه و لا ......
(( حسام قطعها )) ايه مالك
.....!؟ نشفتى القاعده كده ليه .......؟

وهو بيقول الكلمة لقى نفسه اتغرق ميه .....
ياسر كان داخل على
الكلمة وكان متغاظ منه جدآ راح كب عليه الميه...........

(( ياسر )) ولا يهمك ...... القاعدة اتبلت تانى .
(( حسام رفع
راسه )) ايه ده يا مجنون ......!؟ اه ... ماهو ياسر العبيط خلاص عادى .
(( مى ))
ليه كده يا ياسر ؟ ..... حرام عليك يا خد برد .
(( حسام )) خلاص ...... هقوم
اغير واجى .... ولا بلاش هى مش مستهلة .
(( مى )) خلاص .... خد الشال ده عشان
متبردش.

رفض لكن هى صممت .....
وبع شويه حسام سرح ..... تقريبآ الهوا
لطش مخه و قعد يغنى ..... كانو اول مره يسمعو صوته و كان بيغنى الاغنية دى
.......

ده كل الناس بتسالنى ليه بسال عنها
و عرفوا من غير ما اقول
انا دبت فى سحرها
و قالو عليها عادى وفى كتير زيها
بس لو عرفوها يتمنو ظلها

وعارف بكره حبنا ما هلاقى زيه مثيل
و صعب نفترق لأ ده مستحيل
نفسى اقول
بحبك ومنى تسمعيها
وعارف من غير ما اقولها انتى حاسه بيها
ده انا نفسى اسمعها
منك فبلاش تخبيها
نفسى اسمع بحبك ده انا ياما حلمت بيها
وبقول باعلى صوت
بعشقها انا من زمان
دى كفاية نظره منها بتحسسنى بأمان

- وبطل الاغنية لما لقى الجروب كله سرح معاه ومركز قوى فى
صوته............

(( مى )) سكت ليه .....؟ صوتك كان حلو قوى .
(( حسام )) لأ
كفايه كده ...... انتى سرحتى لفين ؟
(( مى )) لأ موجوده .... انت اللى كنت مركز
اوى ....... بس دى اغنية مين ؟
(( حسام )) لأ دى بتاعتى ............. كتبها من
يومين .
(( مى )) بس بجد حلوة قوى .
(( ياسر )) ايه يا سلمى هانم .......
نمتى ولا ايه ؟
(( سلمى )) لأ ..... بتفرج على الخيبه ..... انت بتعرف تعمل ايه
فى حياتك ؟
(( ياسر )) بعمل جمعية واقبضها الاول .
(( سلمى )) يدوب على قدك
.
(( ياسر )) عشان اجيب الشبكة ونتجوز بقه .
(( حسام )) يا اخى اتنيل واتخرج
الاول .
(( سلمى )) على رايك ..... يلا يا مى .
(( مى )) على فين
.....؟
(( سلمى )) هنام ..... عشان بكره من اول النهار هنتمشى بقه ونتعب كتير
.
(( مى )) اوكيه ... عن إذنكم يا جماعة .

- وقامت مع سلمى ودخلو عشان يرتاحو ........
وقام حسام تانى
يوم حوالى الساعة 7 الصبح ....... وطلع عشان يتمشى على البحر ......
وهناك لقى
مى قعدة ورحلها ..........

((حسام))صباح الخير .
((مى))صباح النور .
((حسام))ايه ..
.صاحية بدرى ليه .....!؟
((مى))عادى .... كنت بتفرج على الشروق ..... اصل بيبقى
منظره حلو قوى .
((حسام))واضح انك روحانية جدآ .
((مى))من بعض ما عندكم يا
أستاذ ..... على فكره الاغنية كانت حلوة قوى .
((حسام))عجبتك بجد
.......؟
((مى)) اه والله .... هتبقى شاعر كبير .
((حسام))لأ .... انا اكتب
للى قلبى يحبها و تسكن فيه .
((مى))يابختها .... دى هتاخد شاعر بتعها وبس
.
((حسام))طب ما أحنا فيها .
((مى)) يعنى ايه ....!؟
((حسام))بصى .... انا
أمبارح سألتك عن كل حاجه عنك ومرديتيش ....... ليه...!؟
((مى)) يعنى معرفكش قوى
... ومش اى حد اقولو كل حاجه عنى .
((حسام))بس أنا أعرفك .
((مى))ده أزاى
..... !؟ وأنا عمرى ما شفتك غير يوم ما كان ياسر رابط دماغه .
((حسام)) كنت بحلم
بيكى .... لكن معرفش حاجه عنك .
(( مى)) انا عايزه اعرف ايه حكاية الحلم ده
.....؟ اللى كل شوية حلمت بيكى حلمت بيكى ... ايه ؟

نسيبهم بقه لحسن يمسكو فى خناق بعض

سلااااااااااااام