منتدى كلية تجارة دمياط

twister group
 
الرئيسيةمكتبة الصورس .و .جبحـثالتسجيلدخول

شاطر | 
 

 نصائح للبناااااات قبل الخطوبه ههههههههههههههه ههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
FOXhassan
تويستراوى ذهبى
تويستراوى ذهبى
avatar

الجنس : ذكر
العمر : 26
عدد الرسائل : 1637
تاريخ التسجيل : 22/11/2009
المزاج : اهى عيشه والسلام

مُساهمةموضوع: نصائح للبناااااات قبل الخطوبه ههههههههههههههه ههههه   الأربعاء 18 أغسطس - 17:17

أنا جايب النهاردة شوية نصائح لأجمل بنات

يلا نشوف

آنستى العزيزة ..

لو ربنا فك عقدتك .. وإتخطبتى .. فإليكى نصائحى حتى

تأخذى بخطيبك من مركب الخطوبة اللى محدش عارف

هاترسى على إيه.. إلى مثوااااه الأخير فى قفص النسانيس..

قصدى قفص الزوجية السعيد..

أجمل ما فى الخطوبة العزومات الرومانسية..

على أحلى محلات أكل ف البلد..

واللى عمرك مانتى شايفاها بعد الجواز..

المهم نصائحى لك عند أى عزومة مع خطيبك .. قلنا رقَّه ....

1- الأول لازم تعرفى إن الشوكة والسكينة بيتمسكوا

من إيديهم من الطرف يعنى مش من الوسط

ولا من البوز زى الخنجر ولا من فوق طبعًااا

2- العيش إوعى تقطعيه بسنانك..

ولا الرغيف نصين بأيدك وكل نص لقمة وتحشرى..

إوعى .. العيش بيتقطع بالسكينة ف الطبق .. وبعدين تاخدى

لقمة .. لقمة.. بالعافية.. قال يعنى نفسك مسدودة ..

إضغطى على أعصابك جدااا وبعدين لماتروَّحى ..



إبقي حِفِّى زى مانتِى عايزه....


3 -

الشوووربة .. أبوس كعب رجلك.. بند الشوربة ده

مهم جدًاااا .. الشوربة تتشرب من غير صوت خالص..

ومن غير ماتقعدى تنفخى فيها .. زى القهوجى

اللى بينفخ ف الحجر للزبون..

وطبعًاااااا عايزك تنسى تمامًا .. السلطانية اللي بتقيميها

على بقك ف البيت .. وتدلدقى على روحك ..

بالمعلقة وبدون صوت .. سخنة ولعة برضه بدون صوت ..

وتسيبى تلت الطبق ع الأقل .. مش تميليه .. عشان

تلهطيها لآخر نقطة.....

- 4

الرز طبعاً .. بيتاكل بالشوكة .. إوعى إيدك

تتمد ع المعلقة .. وتغرفى من طبق الرز وتعبى .. إوعى ..

الرز بالشوكة.. وكأنك بتبوسيه مش بتاكليه..

5.

- المكرونة.. الاسباكتى . برضه بالشوكة .. تتلف على

طرف الشوكة .. لحد ما تخلص وبعدين تحطيها فبؤك

من سكات .. مش تشفطى المكرونة عود عود..

- 6

السمك .. مشكلة.. شوفى .. بتفصلى اللحم

عن الشوك .. إزاى ..؟؟

تقطعى اللحممن النص .. بالطول وبعدين تفردى اللحم

ع الجنبين ولما تخلصى ناحية .. متقلبيش السمكة..

بلاش فلح.. شيلي السلسلة بالشوكة والسكينة وحطيه

ف جنب الطبقوكملى أكل النص التانى .. وبدل الفيلم الهندى

ده .. نصيحة .. ماتكليش السمك خالص ..

قولى مابحبش السمك وخلصى نفسك..

- 7

الجمبرى .. - إذا كنتي عارفاه -.. أو لما طبق

الجمبرى ينزل .. بصيله بقرف وإحتقار شديدين..

آل يعنى زهقانة من كتر أكل الجمبرى الجامبو فى بيت ببااااا..

وإتنهدى جامد وقولى ..

برضه..؟؟؟

وتروحى قاطعة رأس الجمبرياية.. بالشوكة

أنا ف عرضك إنسى المصمصة دلوقتى..

- 8

البطاطس سواء مسلوقة أو محمرة.. أوعى تهرسيها

وتدبيها ع الرز وتدى ...لا..لا...لا...بالشوكة حتة حتة

وإنتى زى ما تكونى هاتعيطى من كتر ما البطاطس

صعبانة عليكى ..

- 9


الفاكهة .. لو الفاكهة فيها بذر.. طلعيه من بؤك

بالراحة وحطيه فى إيدك وهى مقفولة..

وبعدين فى طفاية السجاير اللى ع الترابيزه..

إوعى ياحبيبتى من نظام التفتفة للبذر .. إنسى ....

- 10

ولما تخلصى أكل تحطى إيدك على بطنك..

اللى عصافيرها بتصوصو من العينات اللى كلتيها -..

وتقولى له مش ممكن.. أنا عمرى ما إتفجعت كدة..

أنا أودامى أسبوع .. هابطل أكل فيه.....

وبعدين تمسكى الفوطة اللى دايمًا موجودة ع التربيزة

من غير لازمة .. وتبوسيها.. آل يعنى بتمسحى بؤك..

وبعدين تستأذنى منه لدخول التوليت لإصلاح مكياجك..

وتخشي التواليت وتطلعى من شنطة إيديكى.. لفة الفول

والطعمية اللى جايباها معاكى..

الرجوع الى أعلى الصفحة اذهب الى الأسفل
شمس
تويستراوى ماسى
تويستراوى ماسى
avatar

الجنس : انثى
العمر : 26
عدد الرسائل : 2228
تاريخ التسجيل : 08/11/2009
المزاج : الحمد لله

مُساهمةموضوع: رد: نصائح للبناااااات قبل الخطوبه ههههههههههههههه ههههه   الأربعاء 18 أغسطس - 19:16

هههههههههههههههههههههه
حرام عليك يا حسن احنا كدة بردو ماشى مردودالك
نايس توبك
الرجوع الى أعلى الصفحة اذهب الى الأسفل
FOXhassan
تويستراوى ذهبى
تويستراوى ذهبى
avatar

الجنس : ذكر
العمر : 26
عدد الرسائل : 1637
تاريخ التسجيل : 22/11/2009
المزاج : اهى عيشه والسلام

مُساهمةموضوع: رد: نصائح للبناااااات قبل الخطوبه ههههههههههههههه ههههه   الأحد 22 أغسطس - 2:18

مهى دى الحقيقه يا شمس
مبلاش نتكلام بقا

تسلمى لمرورك شمس
نورتى التوبيك بوجودك فيه
الرجوع الى أعلى الصفحة اذهب الى الأسفل
 
نصائح للبناااااات قبل الخطوبه ههههههههههههههه ههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية تجارة دمياط :: الترفيه والتسلية :: خمسة فرفشة-
انتقل الى: