منتدى كلية تجارة دمياط

twister group
 
الرئيسيةمكتبة الصورس .و .جبحـثالتسجيلدخول

شاطر | 
 

 يوميات شاب فكسان .. في اول يوم جامعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dark_MasTeR
تويستراوى ماسى
تويستراوى ماسى
avatar

الجنس : ذكر
العمر : 25
عدد الرسائل : 2630
تاريخ التسجيل : 20/08/2009
المزاج : تمام الحمد لله

مُساهمةموضوع: يوميات شاب فكسان .. في اول يوم جامعة   الأربعاء 18 أغسطس - 0:13

اول يوم في الجامعة..صاحي من قبل الفجر و اخذت الحتة اللي عالحبل و قاعد اكوي و اظبط اللبس و اجلجل شعري بقي و ايه .. بقيت حاجة انتيكه يعني ..

المهم نزلت لقيت نفسي ناسي كشكول المحاضرات (مش علشان اكتب فيه ولا حاجة..لا انا باخده علشان اقعد عليه علشان البنطلون ميتوسخش) .. طلعت السلالم و قعدت ارن الجرس..ارن..ارن..محدش فتح...بابا...و اخبط الباب...ماما..و ارزع فيه....مافيش برده....

لقيت الحاجة ثنيه جارتنا طالعة من الباب بتقوللي "انت عايز حد هنا يابني؟؟"

"صباح الخير يا حاجة ثنية عاملة ايه...ازي الصحة..."

قالتلي "مافيش حد في البيت ده يابني...الناس اللي كانوا هنا عزلوا من 13 سنة.."

"نعم ؟..عزلوا...عزلوا ايه بس يا حاجة...ده انا اصلا اللي ساكن هنا...!!..خشي نامي بس انت و استريحي "

بصيت في الساعة..."يا نهار ابيض...ده انا كده حتأخر عالمحاضرات..باباااا...ماماااااا.."...لقيت بابا طالعلي بالجلابية و الشبشب و نازل في ضرب "هو يابن الكلب ماينفعش تسيبنا مخمودين ساعتين علي بعض .. لازم تقرف اهلينا ياض "

"معلش يا بابا اصلي نسيت كشكول المحاضرات و المفاتيح و اكيد مش حاروح المحاضرات اقعد اتكلم و ماكتبش يعني ؟ (يا كذااااااب)...المهم دخلت جبت الكشكول و المفاتيح و الحاج دخل "اتخمد" من تاني...

و نزلت جري بقي و فرحان...رايح اول يوم الجامعة بقي...و انا نازل عالسلم وقعت و اتشئلط و اتكسرت رجلي ..الجيران شالوني و ودوني المستشفي (و طبعا الحاج و الحاجة كل ده نايميين) و جبست رجلي ..

"بقي يا عالم حد يروح الجامعة اول يوم رجله مكسوره .. ما علينا...قلت بقي علشان الواحد مايتبهدلش يركب تاكسي...مكانش معايا فلوس كتير...قلت يبقي اركب تاكسي قديم كده علشان السعر يكون خفيف...لقيت تاكسي "لادا" و السواق عنده من 80 او 90 و انت طالع..!!

قلتله جامعة ياسطي...قاللي ايه؟...قلتله جامعة؟...قاللي مين ؟...جامعة؟؟...بتقول ايه يابني مش سامعك...جاااااااامعة... "ااااه معلش يابني سامحني اصل سمعي علي قدي...

المهم ركبت و فضلت قاعد...ايه ياسطي انت ما بتمشيش ليه ؟...قاللي "مانا ماشي اهه يابني"...ببص بره لاقيتنا فعلا ماشيين...بس ايه السرعة ديه ... ده الراجل ماشي علي 6 كم / الساعة غالبا !!!

"ياسطي سرع شوية خلينا نوصل .. قالي " ما انا سريع اهه .. انت عايزني اتهور ولا ايه "
المهم سكت .. عارف المثل اللي بيقول "رضينا بالهم و الهم مارضيش بينا" هو ده اللي حصللي . فجأة سمعت " تودودودو بوم تاخ دوم تش تيننن " و العربية وقفت "معلش يابني العربية لازم تريح شوية" .. "تريح شوية ! ..يا عم انا نازل .. "

رحت نازل...يا دوب نزلت من التاكسي و لقيت عربية بسرعة رهيبة و كان في بركة مياه "بيييب بيييييب...فوووو...تششش" يابن ال*** !! المياه ديه كلها طرطشت عليا و هدومي كلها اتبلت و انا رايح الجامعة .. طب انا دماغي جزمة و حاروح كده .. هه ...

المهم فضلت واقف علي بال ما "انشف" شوية .. لقيت ميكروباص بينده "جيزة جامعة جيزاااااع" ... جامعة ياسطي ؟ ..ااه تعالي يا برنس ...

دخلت و ركبت في الكنبة اللي ورا و كالعادة نفس الخناقة بتاعة كل يوم "رايح فين يا كابتن .. ياسطي الكنية اللي ورا بتشييل تلاتة بس و انت عايز تركب واحد رابع ازاي يعني يعني اخده علي حجري ده ولا اية و بعدين في حريم هنا و ماينفعش نلزق فيهم كده و الدنيا حر و الشباك معصلج و ..." "يا باشموهاندز معلش بقي نساع بعضينا كده علشان كله عايز يوصل و السكة زحمة يعني لامؤ اخذة ..

" المهم ركبت و الناس سكتت ..و انا قاعد في امان الله لقيت الراجل اللي كان محموق اوي اني حاركب رابع ورا ده نام علي كتفي و الناحية التانية ست قاعدة تاكل لب و تتف علي بنطلوني "ايه يا جدعان الله يقرفكوا .. بقي ينفع كده "

"بووووووووووم " اايه ده...يووه خبطنا في العربية اللي قدامنا .. و السواق نزل خناق مع الراجل "ايه يا عم انت ما بتشوفش ولا ايييييه .. لا يابا ده انت الي وقفت فجاه .. يا عم انت عبيط اقف فجأه ليه طيب .. طب تعال بقي يلعن ....!! و بدأوا في الخناق ...و عينك ما تشووف الا النور ...

نزلت من الميكروباص و حلفت ل اروحها مشي ... و فجاه خير اللهم جعله خير لقيت بامبراية (مفرد بامبرز) بتترمي من عربية و تلبس في وشي .. اموت و افهم بيرموا الحاجات ديه في الشارع ليه .. المهم ما علينا .. خلاص .. اهيه .. وصلت .. هي ديه الجامعة ..ايوه .. ياهوووو .. اخيرا بقي .. ياااااااه "

دخلت المدرج .. ايه ده .. دول سنه رابعة و انا لسه اولي .. رحت افهم من شؤون الطلبة .."لو سمحتي انا محاضراتي انهارده اول يوم بس دخلت لقيت اللي جوه سنة رابعة مش اولي " ... "ااه.. ما هو الجدول اتغير" .. "اتغير ؟ ازاي ؟ ده الجدول لسة نازل اول امبارح" .. "ااه ما هو اتغير امبارح "

...."....." ..."
رحت ضارب الراجل بالكشكول في وشة و نمت اليوم ده في القسم

منتدى كليه تجاره دمياط
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://teggara.hooxs.com
Ranosha
تويستراوى بلاتينى
تويستراوى  بلاتينى
avatar

الجنس : انثى
العمر : 26
عدد الرسائل : 347
تاريخ التسجيل : 27/12/2008
المزاج : Rise and fall

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 1:13

ههههه حلوة اوي ماستر ومتبقاش تروح اول يوم الكلية استنا اما الجدول النهائي ينزل عشان الشحططة دي متحصلش تاني
الرجوع الى أعلى الصفحة اذهب الى الأسفل
Dark_MasTeR
تويستراوى ماسى
تويستراوى ماسى
avatar

الجنس : ذكر
العمر : 25
عدد الرسائل : 2630
تاريخ التسجيل : 20/08/2009
المزاج : تمام الحمد لله

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 11:45

Ranosha كتب:
ههههه حلوة اوي ماستر ومتبقاش تروح اول يوم الكلية استنا اما الجدول النهائي ينزل عشان الشحططة دي متحصلش تاني

منا غالبا ههعمل كده مش هروح ألا اوقات واوقات بدل الشحططة دى على رايك
منورة التوبيك Ranosha

منتدى كليه تجاره دمياط
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://teggara.hooxs.com
mohamed orz
تويستراوى عادى
تويستراوى عادى
avatar

الجنس : ذكر
العمر : 27
عدد الرسائل : 215
تاريخ التسجيل : 01/07/2009
المزاج : good

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 12:09

جميله اوي والله
قصه كلها عبر ما شاء الله ههههههه
الرجوع الى أعلى الصفحة اذهب الى الأسفل
dana
تويستراوى ماسى
تويستراوى ماسى
avatar

الجنس : انثى
العمر : 26
عدد الرسائل : 3410
تاريخ التسجيل : 02/11/2009
المزاج : تمام الحمد لله

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 13:51

هههههههههههههههههههههه
حلوة اوى القصة دى دارك
تسلم ايدك
الرجوع الى أعلى الصفحة اذهب الى الأسفل
Dark_MasTeR
تويستراوى ماسى
تويستراوى ماسى
avatar

الجنس : ذكر
العمر : 25
عدد الرسائل : 2630
تاريخ التسجيل : 20/08/2009
المزاج : تمام الحمد لله

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 16:49

mohamed orz كتب:
جميله اوي والله
قصه كلها عبر ما شاء الله ههههههه

ههههههههه
ماشى يا محمد نورت

منتدى كليه تجاره دمياط
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://teggara.hooxs.com
Dark_MasTeR
تويستراوى ماسى
تويستراوى ماسى
avatar

الجنس : ذكر
العمر : 25
عدد الرسائل : 2630
تاريخ التسجيل : 20/08/2009
المزاج : تمام الحمد لله

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 16:49

dana كتب:
هههههههههههههههههههههه
حلوة اوى القصة دى دارك
تسلم ايدك

منورة دانا

منتدى كليه تجاره دمياط
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://teggara.hooxs.com
besoo
تويستراوى عادى
تويستراوى عادى
avatar

الجنس : ذكر
العمر : 25
عدد الرسائل : 43
تاريخ التسجيل : 11/11/2009

مُساهمةموضوع: رد: يوميات شاب فكسان .. في اول يوم جامعة   الأربعاء 18 أغسطس - 23:58

Iههههههههههههههههههههه
عسل عسل
جميل جدا
الرجوع الى أعلى الصفحة اذهب الى الأسفل
Dark_MasTeR
تويستراوى ماسى
تويستراوى ماسى
avatar

الجنس : ذكر
العمر : 25
عدد الرسائل : 2630
تاريخ التسجيل : 20/08/2009
المزاج : تمام الحمد لله

مُساهمةموضوع: رد: يوميات شاب فكسان .. في اول يوم جامعة   الخميس 19 أغسطس - 0:21

انت اللى عسل يا بيسو
نورت يا حبى

منتدى كليه تجاره دمياط
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://teggara.hooxs.com
 
يوميات شاب فكسان .. في اول يوم جامعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية تجارة دمياط :: الترفيه والتسلية :: خمسة فرفشة-
انتقل الى: