منتدى كلية تجارة دمياط
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية تجارة دمياط

twister group
 
الرئيسيةأحدث الصورالتسجيلدخول

 

 الحلقة التانية يوميات عمرو وياسمين

اذهب الى الأسفل 
3 مشترك
كاتب الموضوعرسالة
malak
تويستراوى ذهبى
تويستراوى ذهبى
malak


الجنس : انثى
العمر : 32
عدد الرسائل : 1634
تاريخ التسجيل : 09/04/2010
المزاج : ماشى الحال

الحلقة التانية يوميات عمرو وياسمين Empty
مُساهمةموضوع: الحلقة التانية يوميات عمرو وياسمين   الحلقة التانية يوميات عمرو وياسمين Icon_minitimeالأربعاء 21 يوليو - 11:26

الحلقة التانية

واحد اتين تلاتة اكشنننننننن


طبعا صاحبنا فضل طول الليل سهران يفكر فيها وياترى يعمل اية يكلمها ولا لآ لحد ما توصل لفكرة جامدة جداااااا

وفجأه موبايل الخطيب الساعة 1 نص الليل بيرن
الخطيب استغرب جداااااا

ونط من السرير مفجوع ياترى مين اللى بيتصل ده
لقى عمرو بيتصل

وهنا بيبتدى الجزء التانى ..................


الخطيب :- عاوز ايه يا زفت !!!

عمرو :- بلاش غلط يا حيوان!

انا عاوز اشوفك دلوقتى حالا

((الخطيب باستغراب ))

الخطيب :- انت عبيط ياض انت دلوقتى اية ((( ده اتهبل ولا اية(((

عمرو :- يا عم اسمع الكلام تعالى نقعد على اى كافتيريا عاوز اكلمك شوية

الخطيب :- اية اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة ))

عمرو :- غور فى ستين داهية انا غلطان انى اتصلت بيك

الخطيب :- يا عم طب قول انت عاوز ايه ؟؟

عمرو :- خلاص بكرة يا عم غور اتخمد

وقفل السكة

((وكمل تفكير فى حبيبته اللى ماحدش حاسس بيه غير قلبه ))


تانى يوم

اتقابلوا هما التلاتة

حودة :- انت ليه انت ياض بتتصل بالولة نص الليل ياض !!!!!
ايه للدرجادى كنت محتاجة ؟

الخطيب :- ههههههههه

عمرو :- مش عاوز هزار

الخطيب :- طب قول انت كنت عاوز ايه منى ؟؟؟

عمرو :- انا جتلى حتة دين فكرة عشان اكلمها

الخطيب :- هى مين ؟؟

عمرو :- ياسمين يا عم

الخطيب :- يا خرابى هو انت كنت بتتصل بيا عشان كدا هو انت لسة بتفكر فيها

عمرو :- اسمعوا بس ((ويقطعه الخطيب ))

الخطيب :- انت بتحبها بجد

حودة :- هى بصراحة تتحب اوى جدااا خالص

عمرو :- يا جدعان انا البت دى شقلبت حالى والله ما نمت , طول الليل بفكر فيها وفى عنيها

ونفسى اكلمها واقولها انى بحبها

حودة :- خلاص يا فلانتينو ها تعمل ايه ؟؟

عمرو :- انا ها اروح الدرس معاها

((لحظة سكوووووت باستغراب)) حودة والخطيب بيبصوا لبعض

وفجـــــــــــــاه
ههههههههههههههههههه

حودة :- يبنى انت سخن انت دخلت الكلية خلاص وعديت مرحلة الثانوية من زمان يابابا
ههههههههه

عمرو :- اسمعوا بس

احنا ها نروح كاننا فى ثانوية كاننا عاوزين ناخد درس ونحضر الدروس عادى معاها عشان هى تلاحظ انى معجب بيها

الخطيب :- يا سلام ونرجع تانى للمذاكرة والتسميع والضرب والواجب

حودة :- طب اقولك على حاجة احسن احنا ناخد الطريق من اوله ونقدم فى كى جى تو
ايون ونرجع تانى للزمزمية والشنطة وميس فهيمة اللئيمة
هههههههههههههه

عمرو :- والله العظيم ها امشى

الخطيب :- يا عمرو ما انت كلامك مش معقول

عمرو :- اسمعوا بس

وفضل عمرو يقنع فيهم لمدة ساعة كاملة انهم يروحوا الدرس واخيرا قدر يقنع حودة انه يروح بس الخطيب رفض وطبعا حودة

وافق عشان سببين :-

1_ اولا طبعا عشان البنات اللى فى الثانوية
2_ عشان عمرو هو الل ها يدفع تمن الدرس
((ههههههههههههههههههههههههههههههههه ))
((سببين يقنعوا اى حد وبالزات حودة ))

وفعلا راحوا للاستاذ وكان مدرس فلسفة وطلع شكله عبيط همه كله الفلوس

وده اول يوم فى الدرس

حودة :- الصلا عل النبى هى ليلتنا فل ولا حاجة

عمرو :- شششششش ها تفضحنا

حودة :- والنعمة امشى سيبنى بقى شوية اعيش حياتى

وعدت واحدة من قدمهم

حودة :- ايه الجمال ده غزال يا خواتى

عمرو :- وحيات امك اسكت عشان ..................

وفجاه دخلت ياسمين عمرو اتسمر فى الارض ومش عارف يعمل ايه كل اللى عمله انه ماشلش عينه من على عينها

حودة :- يابن المحظوظة دى البت زى القمر صارووووووخ.................

((سمحوه عشان خاطرى هو ده مبدأه فى الحياه طبعا مبدأ منيل بنيلة ))

عمرو :- حودة عشان خطرى اسكت

حودة :- خلاص ياعم انا غلطان من الاول

وعدى اليوم الاول من غير ما عمرو ما يعمل اى حاجة غير انه يبصلها وبس بس هى طبعا اكيد اخدت بالها

وبليل التلاتة قاعدين على كافتيريا

الخطيب:- يلا يا عم اى خدمة جبتلك رقم التليفون بتاع البيت من صباحو كدب

عمرو :- وقولتله ايه ؟؟

الخطيب :- ولا حاجة يا عم حورت عليه شوية

وهو فضل يدخلنى فى متاهات وعاوز اقوله خلاص عارف انك بتحور ومكسوف منه هههههههههه
حودة :- المهم انت ها تتصل امتى ؟؟

عمرو :- لا لسة مش دلوقتى

وجيه تانى يوم فى الدرس

(وكل اللى عمله عمرو انه يبصلها بس هو المرة دى اتاكد انها اخدت بالها انه دايما يبصلها

وحودة كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ

وبليل

التلاتة وخصوصا عمرو عمل حاجة جريئة اوى

فكر انه لازم يشوفها فجى ناحية البيت وراح معدى من تحت البلكونة وهما التلاتة علو صوتهم وبما ان حودة خلاص صوته بقى مميز جدااااااااااااا

فجأأأأأأأأأأأأأأأأأأأأة

طلعت من البلكونة تبص

صاحبنا قلبه اتخلع من كتر دقاته ووشه جاب الوان

حودة بيكلمه بصوت واطى

حودة :- يلا يا عم اى خدمة

ووصلوا لاخر الشارع ورجعوا تانى لقوها لسة واقفة

عمرو بصلها جت عينه فى عينها

دخلت جرى على جوه

خد لفه ورجع تانى

حودة اتكلم بصوت عالى

لقوها طلعت من البلكونة

عمرو فرح جدااااااا

وعمل نفسه بيكلم فى الموبايل وبيقول

عمرو :- طب خلاص بقى انا ها اتصل بيك كمان شوية

وفى الطريق

حودة:- ما تتصل بقى يا عم

عمرو :- لا يا عم لما اشوف اخوها الاول واكلمه عشان اوضحله الموضوع شوية

حودة :- انت عبيط ولا انت شكلك كدا

عمرو :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان

الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك

عمرو :- امممممممممممممممم

حودة :- اتصل بقى

الخطيب :- لآلآلآلآلآلآلآلآلآلا

اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

عمرو :- اااااوك

حودة :- على اقرب سنترال

ودخل عمرو السنترال

واول ما مسك السماعة حس انه بينهار حس انه مش عارف هيقول ايه سابها لربنا كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى

وفففففففجاه



ياسمين :- الو

عمرو بعد ما تاكد انها هى من صوتها

عمرو :- ايوة

ياسمين :- مين معايا ؟؟

عمرو :-واحد ومش لازم تعرفى مين

بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك

ياسمين :- مين معايا !! (باستغراب )
((قال يعنى مش عارفة مين ده يا جدع البنات دول عليهم حركااااااااااات ))

عمرو :- واحد معجب بيك يا ياسمين وصعب اقول اكتر من كدا

ياسمين :- اه وبعدين يعنى

عمرو :- ولا قبلين

ياسمين :- طب اى المطلوب منى !!!

عمرو:- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

ياسمين :-اااااه ...... طب ممكن ما تتصلش هنا تانى

(وف ثانية عمرو قفل السكة اول ما سمع الكلمة دى ماعرفش ها يقول اى حس ان كل حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف ها يقول اى لصحابو اللى

مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه

وبعديييييييييييييييين نكمل المرة الجاية



_________________________

بس يا ترى عمرو ها يتصل تانى ؟؟؟؟

ولا ها ينسى الموضوع وكانه ما حصلش ؟؟؟؟

وهى يا ترى عرفت مين هو ؟؟؟؟

ويا ترى ها تعمل اى فى الحصة الجاية ؟؟؟؟
الرجوع الى أعلى الصفحة اذهب الى الأسفل
Dark_MasTeR
تويستراوى ماسى
تويستراوى ماسى
Dark_MasTeR


الجنس : ذكر
العمر : 31
عدد الرسائل : 2630
تاريخ التسجيل : 20/08/2009
المزاج : تمام الحمد لله

الحلقة التانية يوميات عمرو وياسمين Empty
مُساهمةموضوع: رد: الحلقة التانية يوميات عمرو وياسمين   الحلقة التانية يوميات عمرو وياسمين Icon_minitimeالخميس 12 أغسطس - 12:58

على فكره القصة دى حصلت لواحد صاحبى الكلام يعتبر متشابه مع اللى حصله
تسلمو ملاك بجد قصة جميلة ومستننين نعرف عمرو هيعمل ايه
الرجوع الى أعلى الصفحة اذهب الى الأسفل
https://teggara.hooxs.com
Nahla
تويستراوى ماسى
تويستراوى ماسى
Nahla


الجنس : انثى
العمر : 32
عدد الرسائل : 4162
تاريخ التسجيل : 19/11/2009
المزاج : زى مــــــوج البحر

الحلقة التانية يوميات عمرو وياسمين Empty
مُساهمةموضوع: رد: الحلقة التانية يوميات عمرو وياسمين   الحلقة التانية يوميات عمرو وياسمين Icon_minitimeالخميس 12 أغسطس - 13:04

حلوة يا ملاك

مستنين الباقى
الرجوع الى أعلى الصفحة اذهب الى الأسفل
malak
تويستراوى ذهبى
تويستراوى ذهبى
malak


الجنس : انثى
العمر : 32
عدد الرسائل : 1634
تاريخ التسجيل : 09/04/2010
المزاج : ماشى الحال

الحلقة التانية يوميات عمرو وياسمين Empty
مُساهمةموضوع: رد: الحلقة التانية يوميات عمرو وياسمين   الحلقة التانية يوميات عمرو وياسمين Icon_minitimeالجمعة 13 أغسطس - 1:58

اوك طالما تابعتوا هكمل
الرجوع الى أعلى الصفحة اذهب الى الأسفل
 
الحلقة التانية يوميات عمرو وياسمين
الرجوع الى أعلى الصفحة 
صفحة 1 من اصل 1
 مواضيع مماثلة
-
» حب العمر الحلقة التانية والتالتة
» انا والمحبين وهواك الحلقة التانية يا ريت الكل يدخل
» الحلقة الاخيرة من يوميات ابليس وقريش
» يوميات ابليس وقريش الحلقة السابعة
» يوميات ابليس وقريش الحلقة التاسعة

صلاحيات هذا المنتدى:لاتستطيع الرد على المواضيع في هذا المنتدى
منتدى كلية تجارة دمياط :: الترفيه والتسلية :: خمسة فرفشة-
انتقل الى: