بسم الله الرحمن الرحيم
اخواني و اخواتي.......الطلبه و الطالبات
عمت البلوي ......وانتشر الوباء
و اصبحت الامتحانات علي الابواب.......و يا قاتل يا مقتول
اقدم ليكو كبشة نصايح ربما تفيدكو في هذه الايام العصيبه
1-كن مستعد نفسيا و ذهنيا للمذاكره
يعني سيادتك ما تبقاشي منفعل اوي وفاكر ان خلاص ما عدشي فيه وقت و ان الدنيا اتهدت و انك لازم تعمل و تسوي و........
لالالالالا.....انسي يا بابا الكلام ده
لازم تدخل علي مكتبك و انت مرتاح نفسيا......خليك بااااااااااااااااااااااارد
منقوووووووووووووووول
خليك واااااد كوووووووول كده و قوول لنفسك...هي موته و لا اكتر يعني !!!
كمان سيادتك لازم تكون مستعد ذهنيا و ده بانك تاخد كفايتك من النوم
المريح......اينعم ما تسوقشي فيها و تبلط في الخط و يبقي بينك و بين
السرير غرام و انتقام و تفضلي نايم 8 ساعات كاملين
لالالالا يا استاذ....و انتي يا ماما اصحي شوية من النوم و بطلي كسل
كفاية 6 ساعات
2-هيء جو مناسب للمذاكره
مش بقي سيادتك رايح تذاكر في محطة المترو و امة لا اله الا الله رايحه جايه عليك.......و مولد يا دنيا بقي
لالالالالا...لازم من الهدوء و ا يتوافر الهواء المتجدد و الاضاءه المناسبه في الغرفه اللي سيادتك بتذاكر فيها
3-اعمل لنفسك جدول
اينعم انا عارف انك بتكره الجداول من ايام جدول الضرب و سنينه
بس انت المرادي لازم تعمل جدول لنفسك و تلتزم بيه علشان تستفيد و تستغل وقتك الي اقصي درجه
و كمان رتب المواد اللي هتذاكرها حسب جدول الامتحان و لكن بشكل عكسي
يعني اول ماده تذاكرها تكون هيا اخر مادة في جدول الامتحان و هكذا
4-ما تكلفشي نفسك فوق طاقتك
يعني مش تنتحر بقي في المذاكره و تعيش في دور المذاكرون في الارض !!!
انما برضو لازم تجدد نشاطك كل فتره
اخرج بره و اتمشي شويه....العب اي رياضه ان شاء الله تلعب في صوابع رجليك
انما المهم انك تمارس نشاط جديد.....علشان المخ مش يقفش و يلاقوك بقيت بطلع دخاان من ودانك !!!
5-اعلم ان الله لن يضيع تعبك
استعن بالله تعالي و كن واثقا من ان الله تعالي لن يخذلك و لن يضيع تعبك هدرا......يبقي ليه القلق يا بني ااادم ؟!!!
اقترب من الله تعالي و ادعوه و اعلم انه هو الحكم العدل و انه رؤوف بالعباد و انه يعلم حالك و مطلع عليك...و سيكرمك باذن الله تعالي
منقوووووووووول
موضوع: تعالي هنا يا طالب منك ليه....نصائح للمذاكره 
الخميس 13 مايو - 13:31
