عيـــــــال ســــــيــــــــس

عيال ســيـــس

السيس هو البلح الفاسد الذي يسقط من النخل


او الموجود في النخل لكنه فاسد لا ياكله الانسان

يسمى سيس من هنا اتت كلمة سيس اي انسان ملوش لزمه في الحياه

طبعا السيس هو انسان عادي جدا


ليس له اهتمام فى الحياه ولا هدف غير متعته الشخصيه وبس

هل فعلا لهم لغه خاصه بهم ؟؟


نعم لهم خاصه بهم يتكلمون بها

واغلبها اللى بنسميه الكلام الروش

هو ده بيبقى كلام العيال السيس

فعلا السيس قاعد ولا بينتج ولا بيشتغل قاعد يستهلك فقط و عايش على كده


يشرب المخدرات و يعيش كل اهتمامه المخدرات

و لكن عند العمل و البحث عن وظيفه لا يعمل

فعلا السيس كان موجود من زمان


لكنهم كانوا قله الان كثروا جدا في مجتمعاتنا

ممكن يكون الاب محترم و الام محترمه لكن ابنهما عنده مبدأ السيس انه يكون سيس


كده يبقى خلاص هيكون سيس مع العلم ان الاب محترم و كذلك الام

لكن ابنهما دخل مع صحابه الي عالم السيس

لا طبعأ السيس للبنات كمان ممكن تكون بنت سيس


بس حاجه غريبه فعلا تلاقي البنت السيس

بتحب واد سيس ترتبط بواد سيس تتخطب لسيس تتزوج سيس

عمرها ما تتزوج انسان محترم

لان عندها مبدأ السيس بداخلها

لابد على كل اب ان هو يعلم ابنه من صغره مبدأ الحياه

و التثقيف و لا يجعله ينصاغ في مجتمعات السيس

لازم يتعلم يكون له هدف فى الحياه

ولا يعيش حياته على الهامش ياكل ويشرب

ويقضى وقته فيما يضر اكتر مما ينفع


لان بجد ظاهرة السيس انتشرت بما فيه الكفايه في مجمعاتنا

هل بعد 20 عاما نشاهد السيس ييسيطرون على البورصه

المصريه و على المجتمع المصري و الاقتصاد المصري وقتها

مش هيكون فيه مثقف واحد او متعلم واحد للاسف

و دي مشكله كبيره لان السيس في انتشار للاسف في جميع المجتمعات المصريه

فالسيس لا ينتمى لطبقه بعينها

اوعى توصل نفسك انك تبقى

عيل ســــيــــس