قوية بيك

ماسألتنيش أنا ليه بحبك..
رغم الجراح بستنى جنبك..
كل الحزن ماخوفنيش..
وأزاى قادره أحب وأعيش..
ماسألتنيش..

ماسألتنيش عن قوتى..
عن قدرتى ع الاحتمال..
أنا كل يوم أنام وأقوم أسأل لروحى نفس السؤال..
بلم خوفى كلو فيك..
وأخد شجاعتى من عينيك..
عشان كده لو يوم هتسأل ليه بحبك..
هقول عشان قويه بيك..

أحساس وجودك شىء مهم..
ووجودى جنبك ده الأهم..
أى نار أى فكر ..أى هم..
كل صعب مش مهم..
عندك صدر يساع ويضم..
زى الطفل وحضن الأم..

وبقيت عارفه كل فصولك..
كل تاريخك أنا اقولهولك..
شتا أو صيف..ربيع وخريف..
كل العمر اللى أنا عشتولك..
زاد عندى كل التعريف..

صبرى عليك علمنى الصبر..
شوقى اليكى حلالى المر..
ولا فيش لحظه ف عمرى تمر..
غير وأنا جنبك قبل الكل..

وبكلك ومافيك عاشقاك..
ولا فيش دنيا الا معاك..
ولا حدش يستاهل حبى..
ولا يتجرأ يشغل قلبى..
ويكون جنبى الا عينيك..
لو يوم تسأل أنا ليه بحبك..
هقول عشان قويه بيك

نايس توبيك

تسلمووووووووووووو

تقبلى مرورى