مسلسل التويستراويه مسلسل كوميدى جديد

هههههههههههههههههه
حلوه
ياله كمل

هههههههههههههههههههه
انا مبسوط بجد ان المسلسل عاجبكم
ان شاء اللى جاى هيبقى احلى واجمد
وطبعا معندناش حد بيزعل من الهزار
ميرسى لكل الردود الحلوه
نورتو التوبك

قريبا الحلقه الثانيه باذن الله

جميل جدا المسلسل ده

فى انتظار الباقى

مطولش علينا بقى

يلالالالالالالالالالالالا بقى يا هشام انتو كدة بتعلقونااااااااااااا مينفعش نزل بقى الحلقة التانية
وياريت لو دمجت فيها التالتة يبقى كتر خيرك
وتسلم ع التوبيك

ههههههههههههههههههه
كمان ادمج فيها التالته
ده انتو مستعجلين اوى

لازم التشويق
وانا بحب اعلقو اوى

البوب بقى خلبوص يلا اصحاب اخر زمن

اه مستعجلين خالص

نزلها بقى يا هشام

امال لما يعرفو انت لابس الطاربوش ليه هيقولو ايه
ههههههههههههههههههههه

متستعجليش كلو بالصبر

اتش اوعى يكون اللى فى دماغى انتوا حرين بقى فى اللى هيحصلكم انا قولت وخلاص

بتحب تعلقنا ربناااااااااااااااا يستر
هههههههههههههههه

ميرسى على المسلسل الجامد اوى ده وبجد فكرته حلوة اوى
واكيد فى انتظار الباقى

ايه يا شباب هو المسلسل ده حلقه واحده ولا ايه

فين الحلقة يا هشام

انت علقتنا اوووووووووووووووى

ههههههههههههههههههههههههههههههههه
بصراحة جامد ومنتظرين باقى الحلقات
استمرووووووووووووووووووووووووووووووووووووووووووووووا

الحلقة التانية يوم الخميس يا جماعة

هههههههههههههههههه

جميل ياهشام

و في انتظار باقي الحلقات

دائما موضوعاتك

و مسلسلاتك ممييزة جدااااا

[ندعوك للتسجيل في المنتدى أو التعريف بنفسك لمعاينة هذه الصورة]

كويس والله موااااااااااااااااهب جميلة منتظرين الباقى

ههههههههههههههههه

الفكرة جميلة أوى وجديدة

مستنية باقى الحلقات المتميزة

دمتم متألقين

جميل بجد
احنا فى انتظار الباقى

ههههههههههههههههههه جميل اوى تسلم ايدك نتتظر الباقى

ههههههههههههههه

جميل .. في انتظار البقية

جزاكم الله خيرا

منورين كلكو والله انتو استنيتو كتير
بس ميهمش بقى
شكرا لكل اللى رادو على التوبك
ويارب تكون المسلسل عاجبكم

الحلقه الثانيه

البوب // وقد بدي الارتباك علي ملامحه : نعم ها اه الطربوش
لا ابدا اصلهم طلبوني في الخيمة بتاعت الاوبرا وقولت لازم الطربوش علشان وحي
القصبجي .

نودى // واللة يا بوب الف مبروك طبعا حاتعزمنا علي اول حفلة

البوب // ايه اعزمكوا لا طبعا.... قصدي اه طبعا

البوب بيكلم نفسة اعزمهم فين بس يادي المصيبة لو حد فيهم
اكتشف انا بعمل ايه

افيتار // هو لسه اد ايه علي الفطار والا الغدا

نودى // انت جعان انا حاروح اطبخلك بنفسي ..

افيتار // وهو بيصرخ: تطبخيلي لا بلاش تطبخيلي معنديش رصيد
اجازات مرضية
البوب // انا طالع اريح شوية
افيتار // خدني معاك
نودى // وانا كمان ماشيه

المشهد الاول :
التاسعة صباحا...

مطبخ كبير اوي عامل زي المصنع وبنات بتروح وبنات بتيجي وشمس
رابطة راسها باشارب وبتزعق..

شمس // يالا يابنات عايزين نخلص الاكل بسرعة

فرجينيا // مستعجلة علي ايه لسه كتير على الغدا

نودى // ياجماعة اللحمة تقريبا مش حاتكفي اعمل ايه ؟؟

شمس// قولى لكاتى تتصرف من المشرحة مش فى بواقى جثة من
امبارح

نودى // لا يا شمس حرام ناكلهم بقايا الجثة طيب والطلبة تذاكر
علي ايه

فريجنيا // واحنا حاناكل معاهم جثث ياي

يولندا // وهي تكشر عن انيابها: جثث ايه ياشابة هو طبيخنا
ده صالح للاستهلاك الادمي انا طالبة ديلفري من عند مؤمن .

فرجينيا// يابنات هو انتوا خلصتوا حلة الملوخية

نودى // ايوة خلصناها بس عايزين حد يشوفلنا الملح مظبوط
والا لا
شمس// عايزين نشوف الملح مظبوط والا لا يابنات يالا حد
يتطوع ويدوق ..

يحصل هرج ومرج والبنات بتجري في كل اتجاه ..

شمس // اهدوا بس يابنات في ايه بس ده عمل بطولي وشرف عظيم
والل حايقوم بالعملية البطولية دي حانيدله ميدالية شوكة البدنجان .

نودى // ازاي بس واحنا اللى طابخين ندوق ايه ؟

شمس // يابنتي مفيهاش حاجة انتي حاتدوقي بس بطرف لسانك مش
حاتبلعي حاجة
فريجنيا // لا احنا معندناش الا لسان واحد وبعدين العملية
دي عايزة واحدة استشهادية
نودى// وعنيها بتبرق: ايوة هي استشهادية يالة يا كاتى

كاتى// ادوق لا انا عايزة افجر نفسي مش عايزة اموت
بالملوخية ..
شمس // يابنتي انتي حاتدوقي بس بعد الغدا لما تاكلي الملخية
كلها حاتنفجري لوحدك ..
نودى // خلاص لحد يدوق ولا حاجة هي كدة عاجبهم عاجبهم مش
عاجبهم يبقي يروحوا ياكلوا برة ..

يالا يابنات نوضب طرابيز السفرة

المشهد الثاني :
الثالثة عصراً

المكان : حجرة السفرة واعضاء المنتدي كلهم قاعدين مع بعض وافيتار
علي رأس المائدة ..

افيتار // كل سنة وجميع اعضاء المنتدي بخير وبصحة بالسلامة
واللي معندهاش ربنا يرزقها واللي لسه متجوزتش ان شا الله عنها ماتجوزت وخليها كدة
لحد ما تعنس واللي ناوية تتجوز تاخد بالها لان الجواز هباب وزفت ..

البنات في صوت واحد : وانت طيب يا افيتار وربنا يخليك لينا يارب

افيتار //وانتم طيبين يابنات و كل سنة واعضاء المنتدي بخير
وسعادة وجمال و الشباب اللي بتدلع تبطل دلع واللي عايزين يتجوزا بقولهم يعرفوا
يعني ايه مسئولية الاول واللي مش عايزين ان شا الله برضه عنهم ماعازوا وخليهم كدة
لحد ما يموتوا لوحديهم والا عيل ولاتيل ياخد باله منهم واللي بيقعدوا علي القهوة
يبطلوا يقعدوا واللي مبيقعدوش ان شا الله عنهم ماقعدوا ..

الولاد في صوت واحد : وانت طيب يا افيتار وربنا يخليك لينا

افيتار // وانتم
طيبين ياولاد حد جعان يقول( وهو يرمقهم بنظرة نارية ..

)

كل اعضاء المنتدي في خوف : لا طبعا جوع ايه احنا اخر حاجة
نفكر فيها الاكل ..( يقولوها وهم ينظرون للاكل بحسرة ..)

افيتار // في رضا :
طيب كويس ولحد لما تجوعوا أوى هأقولكوا درس صغير

يحدث هرج ومرج وهمهمة في القاعة .

افيتار // بيبرق ليهم وبيضرب بايده علي الترابيزة : بس سكوت
مش عايز اسمع نفس

ارغون // فيه ايه ياحاج انت واخد الموضوع علي صدرك كدة ليه
يعني ايه متسمعش ولا نفس مش حانتنفس يعني والا ايه هو انت فاكرنا هنود حاندفن ومش
نتنفس

فوكس// ماهو يا افيتار
لو انت كنت ناوي تقولنا درس كنت عملت حسابك انبارح وقولتهولنا قبل ما ننام
كان يادوبك لحقت تخلصه علي الغدا

بس ياض منك ليه وانت يابو شعر ولسان طويل انا حاعلمك تتكلم
كويس بوب

هاتلي مقص الجناينى بسرعه

بوب// حمامة اجيب الفلكة كمان ؟؟ (اصله بيموت فى المصايب وعايز
ينتقم من فوكس

فوكس // خلاص يا افيتار انا بهزر حقك عليا

افيتار // وانت
ياعم متعب ايه بس

متعب // لا ولاحاجة ياحاج ده انت كلامك علي قلبنا زي العسل
بس والنبي اختصر علشان نلحق صلاة الفجر ..

افيتار // لا متخفش انا كمان عايز اصلي العشاء

نودى // يا افيتار
أنا جعانة وانا بقول ناجل الدرس لبعد الغدا

فرجينيا // لا انا عايزة اشوف الماتشات ..( الزمالك هيتغلب
هههههه ! !

افيتار // مفيش تاجيل ولا حاجة انا حاقول كلمتين كدة وخلاص
..
افيتار // بسم الله
الرحمن الرحيم الحمد لله الذي هدانا وماكنا نهتدي لولا هدانا الله اما بعد ...

افيتار بيتكلم
حان الآن آذان المغرب حسب التوقيت المحلى لمدينة القاهرة

افيتار ما زال بيتكلم

حان الآن آذان المغرب حسب توقيت مدينة بروكسيل

افيتار مزال بيتكلم

نودى // انهارت وحاول كل من فرجينيا ونور مساعدتها ولكن
زغرة من افيتار

رجعتهم لمكانهم ..

افيتار ما زال
بيتكلم

مس ايجيبت بتاكل في صوابعها افيتار مازال يتكلم ..

انفجرت مرارة مس ايجيبت// بعد الشر يعنى

افيتار ما زال
بيتكلم
دقت الساعة الثانية عشر وحان الان موجز الانباء

افيتار ما زال
بيتكلم

ميجو // عمال يدور علي شعرة في راسه علشان يشدها

افيتار ما زال
بيتكلم

حان الان موجز انباء الساعة الثانية ..

زلزال يدق اليابان ومصرع عشرين الف شخص

افيتار ما زال
بيتكلم

خبر عاجل .. تغيير حكومة نظيف وتعيين حكومة ابو الليف

افيتار ما زال بيتكلم

مصرع مسئول كبير بالحكومة ضربا بالقباقيب

افيتار ما زال
بيتكلم

يصمت افيتار تتصاعد تنهدات الارتياح

افيتار // انا تعبت
حانقف شوية
نودى // في لهفة: ايه خلاص

افيتار // لا بس حانقف دقيقة حداد علي روح المرحوم ونقرأ
الفاتحة ..

الاحباط علي وجه الجميع ..

افيتار // عاد وتكلم ..

وتكلم ...

وتكلم........

وتكلم............

خبر عاجل انفجار ماسورة الغاز الرئيسية بالعاصمة

افيتار ما زال

بيتكلم...............

افيتار // بس وفي نهاية الدرس تتعلموا من كلامي ده ان خير
الكلام ماقل ودل يعني البنات اللي بترغي تبطل رغي والشباب اللي بيلك يبطل لك ..

تنطلق صرخة من اخر الترابيزة ويصمت الجميع ..

ياتري ايه اللي حصل ؟؟؟

مين اللي اتجرأ وصرخ ؟؟

وياتري الاكل كان ايه علي الغدا ؟؟

وايه رأي الناس فيه ؟؟

خليكم معانا الحلقة الجاية علشان تعرفوا .,,,,,,

ههههههههههههه جميل وأتشرف ان اكون أول واحد يرد على الحلقة الجميلة دى
تسلم يا اتش يا كبير

» || في جديد مسلسل الهجوم على تامر حسني رامي صبري: عمرو دياب رقم واحد عربيا ...||
» جديد جديد جديد لكل طلاب الفرقة التانية محاضرات الاقتصاد
» مهند بطل مسلسل نور
» قصه هنعتبرها مسلسل وهنواصل لو عجبكوا (( الحلم )) 1
» 40 مليون جنيه ميزانية مسلسل عمرو دياب